ಅಬುಧಾಬಿ: ಅಬುಧಾಬಿಯ ಮಿನಾ ಪ್ಲಾಜಾ ಗೋಪುರಗಳ 144 ಮಹಡಿಗಳನ್ನು ಕೇವಲ ಹತ್ತೇ ಸೆಕೆಂಡ್ನಲ್ಲಿ ನೆಲಸಮ ಮಾಡಲಾಗಿದ್ದು, ಇದೀಗ ಗಿನ್ನೆಸ್ ವಿಶ್ವ ದಾಖಲೆಯ ಪುಟಗಳಲ್ಲಿ ದಾಖಲಾಗಿದೆ.
165 ಮೀಟರ್ ಎತ್ತರದ ನಾಲ್ಕು ಗೋಪುರಗಳು ಇಲ್ಲಿದ್ದವು. ಮೋಡಾನ್ ಪ್ರಾಪರ್ಟೀಸ್, ಮಾಸ್ಟರ್ ಡೆವಲಪರ್ ಸಂಸ್ಥೆಗಳ ಆಶ್ರಯದಲ್ಲಿ ಈ ಕಟ್ಟಡವನ್ನು ನೆಲಸಮ ಮಾಡಲಾಗಿದೆ. ಸ್ಫೋಟಕಗಳನ್ನು ಬಳಸಿ ಅಕ್ಕಪಕ್ಕ ಹಾನಿಯಾಗದಂತೆ ಕೇವಲ 10 ಸೆಕೆಂಡ್ಗಳಲ್ಲಿ ನೆಲಸಮಗೊಳಿಸಿದ ಅತಿ ಎತ್ತರದ ಕಟ್ಟಡ ಇದು ಎನ್ನುವ ಕಾರಣಕ್ಕೆ ದಾಖಲೆಯ ಪುಟಕ್ಕೆ ಸೇರಿದೆ.
ಅಬುಧಾಬಿಯ ಮಿನಾ ಪ್ಲಾಜಾ ಗೋಪುರಗಳ 144 ಮಹಡಿಗಳನ್ನು ಕೇವಲ ಹತ್ತೇ ಸೆಕೆಂಡ್ನಲ್ಲಿ ನೆಲಸಮ ಮಾಡಲಾಗಿದ್ದು, ಇದೀಗ ಗಿನ್ನೆಸ್ ವಿಶ್ವ ದಾಖಲೆಯ ಪುಟಗಳಲ್ಲಿ ದಾಖಲಾಗಿದೆ. ಪ್ರವಾಸಿ ತಾಣ ಮಾಡಲು ಉದ್ದೇಶಿಸಿದ್ದ ಹಿನ್ನೆಲೆಯಲ್ಲಿ ಈ ಕಟ್ಟಡವನ್ನು ನೆಲಸಮ ಮಾಡಲಾಗಿದೆ. pic.twitter.com/IFeY59Zhvp
— Vijayavani (@VVani4U) December 9, 2020
6 ಸಾವಿರ ಕೆ.ಜಿ ಸ್ಫೋಟಕಗಳಿಂದ ನಾಲ್ಕು ಗೋಪುರಗಳನ್ನು ನೆಲಸಮ ಮಾಡಲಾಗಿದೆ. ಮೂರು ದಶಲಕ್ಷ ಚದರ ಮೀಟರ್ ಬಂದರು ಪ್ರದೇಶದ ಅಭಿವೃದ್ಧಿಯನ್ನು ಮಾಡಿ ಇಲ್ಲಿ ಪ್ರವಾಸಿ ತಾಣ ಮಾಡಲು ಉದ್ದೇಶಿಸಿದ್ದ ಹಿನ್ನೆಲೆಯಲ್ಲಿ ಈ ಕಟ್ಟಡವನ್ನು ನೆಲಸಮ ಮಾಡಲಾಗಿದೆ.
ಅತ್ಯುತ್ತಮ ಸುರಕ್ಷತಾ ಸಾಧನಗಳ ಜತೆಗೆ ಯಾವುದೇ ಹಾನಿಯಿಲ್ಲದಂತೆ ಸ್ಫೋಟಕ ಬಳಸಿ ನೆಲಸಮ ಮಾಡಲಾಗಿದೆ ಎಂದು ಇಲ್ಲಿಯ ಸರ್ಕಾರ ಹೇಳಿದೆ. ಕಟ್ಟಡ ನೆಲಸಮದ ಹಿನ್ನೆಲೆಯಲ್ಲಿ ಬಂದರು ಪ್ರದೇಶದ ಅಂಗಡಿಗಳು ಮತ್ತು ಮಾರುಕಟ್ಟೆಗಳು ತಾತ್ಕಾಲಿಕವಾಗಿ ಮುಚ್ಚಲಾಗಿತ್ತು.
ಅಂಗನವಾಡಿಯಲ್ಲಿ ಮಹಿಳೆಯರಾಗಿ 160 ಹುದ್ದೆಗಳಿಗೆ ಆಹ್ವಾನ- ಇಲ್ಲಿದೆ ಡಿಟೇಲ್ಸ್
ಬೀಚ್ನಲ್ಲಿ ಉಡುಪಿಯ ನವದಂಪತಿ ಆಚರಿಸಿದ್ರು ಡಿಫರೆಂಟ್ ‘ಹನಿಮೂನ್’- ಶ್ಲಾಘನೆಗಳ ಮಹಾಪೂರ