ಮುಂಬೈ: ‘ಸಿಂಗಂ’ ಚಿತ್ರದ ಮೂರನೆಯ ಭಾಗ ಬರುತ್ತದಂತೆ. ಹಾಗಂತ ಒಂದು ಸುದ್ದಿ ಇತ್ತೀಚೆಗೆ ಕೇಳಿ ಬಂದಿತ್ತು. ಈ ಚಿತ್ರಕ್ಕೆ ‘ಸಿಂಗಂ ಅಗೇನ್’ ಎಂಬ ಹೆಸರಿಡಲಾಗುತ್ತದೆ ಮತ್ತು ಈ ಚಿತ್ರ ಮಾರ್ಚ್ನಲ್ಲಿ ಶುರುವಾಗಲಿದೆ ಎಂದು ಹೇಳಲಾಗಿತ್ತು. ಈಗ ‘ಸಿಂಗಂ’ ಜತೆಗೆ ‘ಸಿಂಬ’ ಸಹ ಸೇರಿಕೊಂಡಿದ್ದಾರಂತೆ.
ಇದನ್ನೂ ಓದಿ: ರಾಜೇಶ್ ಕೃಷ್ಣನ್, ಕುಮಾರ್ ಗೋವಿಂದ್, ಶ್ರೀನಿವಾಸಮೂರ್ತಿಗೆ ಶ್ರೀ ರಾಘವೇಂದ್ರ ಚಿತ್ರವಾಣಿ ಪ್ರಶಸ್ತಿ
ರೋಹಿತ್ ಶೆಟ್ಟಿ ಮೊದಲು ಅಜಯ್ ದೇವಗನ್ ಜತೆಗೆ ‘ಸಿಂಗಂ’ ಚಿತ್ರ ಮಾಡಿದರು. ಆ ನಂತರ ರಣವೀರ್ ಸಿಂಗ್ ಜತೆಗೆ ‘ಸಿಂಬ’ ಮಾಡಿದರು. ಇದಾದ ಮೇಲೆ ಅಕ್ಷಯ್ ಕುಮಾರ್ ಜತೆಗೆ ‘ಸೂರ್ಯವಂಶಿ’ ಮಾಡಿದರು, ಈ ಮೂರೂ ಚಿತ್ರಗಳ ನಾಯಕರು ಖಡಕ್ ಪೊಲೀಸ್ ಅಧಿಕಾರಿ. ಈ ಪೊಲೀಸ್ ಅಧಿಕಾರಿಗಳು ಒಂದು ಕೆಟ್ಟ ವ್ಯವಸ್ಥೆ ಮತ್ತು ಭಯೋತ್ಪಾದನೆ ವಿರುದ್ಧ ಹೇಗೆ ಹೋರಾಡುತ್ತಾರೆ ಎಂಬುದೇ ಈ ಮೂರು ಚಿತ್ರಗಳ ಕಥೆಯಾಗಿತ್ತು.
ಈಗ ರೋಹಿತ್ ಶೆಟ್ಟಿ ಮತ್ತೆ ಅಜಯ್ ದೇವಗನ್ ಜತೆಗೆ ಸೇರಿಕೊಂಡು ‘ಸಿಂಗಂ ಅಗೇನ್’ ಎಂಬ ಚಿತ್ರವನ್ನು ಮಾಡುತ್ತಿದ್ದಾರೆ. ಈ ಚಿತ್ರದಲ್ಲಿ ಅವರು ‘ಸಿಂಬ’ ಚಿತ್ರದ ರಣವೀರ್ ಸಿಂಗ್ ಪಾತ್ರವನ್ನು ಸಹ ಎಳೆದು ತರುತ್ತಾರಂತೆ. ‘ಸೂರ್ಯವಂಶಿ’ ಚಿತ್ರದಲ್ಲಿ ಅಜಯ್ ಮತ್ತು ರಣವೀರ್ ಸಿಂಗ್ ಹೇಗೆ ಅತಿಥಿಗಳಾಗಿ ಕಾಣಿಸಿಕೊಂಡಿದ್ದರೋ, ಈಗ ‘ಸಿಂಗಂ ಅಗೇನ್’ ಚಿತ್ರದಲ್ಲೂ ರಣವೀರ್ ಸಿಂಗ್ ಬರುತ್ತಾರಂತೆ.
ಇದನ್ನೂ ಓದಿ: ತಮಿಳಿಗೆ ರಕ್ಷಿತ್ ಶೆಟ್ಟಿ? ವಿಜಯ್ ಚಿತ್ರದಲ್ಲಿ ನಟನೆ?
‘ಸಿಂಗಂ 2’ ಬಂದಾಗಲೇ ‘ಸಿಂಗಂ 3’ ಯಾವಾಗ ಬರುತ್ತದೆ ಎಂಬ ಕುತೂಹಲ ಈ ಫ್ರಾಂಚೈಸಿ ಚಿತ್ರಗಳ ಅಭಿಮಾನಿಗಳಲ್ಲಿತ್ತು. ಈಗ ಅದಕ್ಕೊಂದು ಚಾಲನೆ ಸಿಕ್ಕಿದ್ದು, ಚಿತ್ರ ಶುರುವಾಗುವುದಷ್ಟೇ ಬಾಕಿ ಇದೆ.