ಪುನಲೂರ್: ಕೇರಳದ ಪುನಲೂರ್ನಲ್ಲಿ ಸಬ್ ರಿಜಿಸ್ಟ್ರಾರ್ ಕಚೇರಿಗೆ ಇಂದು (ಅ.23) ಬೆಳಗ್ಗೆ ಆಗಮಿಸಿದ ವಧು ಧನ್ಯಾ ಮಾರ್ಟಿನ್, ಉಕ್ರೇನ್ನಲ್ಲಿರುವ ವರ ಜೀವನ್ ಕುಮಾರ್ ಜತೆ ಕಾನೂನುಬದ್ಧವಾಗಿ ಆನ್ಲೈನ್ ಮೂಲಕವೇ ಮದುವೆ ಆಗುವ ಮೂಲಕ ಸುದ್ದಿಯಾಗಿದ್ದಾರೆ.
ರಾಜ್ಯದಲ್ಲಿ ಡಿಜಿಟಲ್ ಸೌಲಭ್ಯದೊಂದಿಗೆ ನೆರವೇರಿದ ಮೊದಲನೇ ಮದುವೆ ಇದಾಗಿದೆ. ಸಬ್ ರಿಜಿಸ್ಟ್ರಾರ್ ಟಿ.ಎಂ. ಫಿರೋಜ್ ನೇತೃತ್ವದಲ್ಲಿ ಈ ವಿವಾಹ ಕಾರ್ಯಕ್ರಮ ಅಚ್ಚಕಟ್ಟಾಗಿ ನೆರವೇರಿದೆ. ಸಮಾರಂಭದ ಬಳಿಕ ಮದುವೆ ಪ್ರಮಾಣ ಪತ್ರವನ್ನು ತಕ್ಷಣ ವಧುವಿಗೆ ಹಸ್ತಾಂತರಿಸಲಾಯಿತು.
ಅಂದಹಾಗೆ ವರ ಜೀವನ್ ಕುಮಾರ್ ಪುನಲೂರ್ ನಿವಾಸಿ. ಕೋವಿಡ್ ನಿರ್ಬಂಧಗಳ ಹಿನ್ನೆಲೆಯಲ್ಲಿ ಉಕ್ರೇನ್ನಿಂದ ಕೇರಳಕ್ಕೆ ಬರಲು ಸಾಧ್ಯವಾಗಲಿಲ್ಲ. ವಧು ಧನ್ಯಾ ತಿರುವಂತಪುರಂನ ಕಝಕ್ಕೂಟಂ ಮೂಲದ ನಿವಾಸಿ. ವಿಶೇಷ ಮದುವೆ ಕಾಯ್ದೆ ಪ್ರಕಾರ ತಮ್ಮ ಮದುವೆಯನ್ನು ನೋಂದಣಿ ಮಾಡಲು ಕಳೆದ ಮಾರ್ಚ್ನಲ್ಲೇ ಧನ್ಯಾ ಮತ್ತು ಜೀವನ್ ಕುಮಾರ್ ಅರ್ಜಿ ಸಲ್ಲಿಸಿದ್ದರು. ಆದರೆ, ನಿಗದಿತ ಸಮಯಕ್ಕೆ ಜೀವನ್ ಕುಮಾರ್ ಕೇರಳಕ್ಕೆ ಬರಲು ಸಾಧ್ಯವಾಗಲಿಲ್ಲ. ಹೀಗಾಗಿ ಅವರು ಕೇರಳ ಹೈಕೋರ್ಟ್ ಮೆಟ್ಟಿಲೇರಿದ್ದರು.
ಅರ್ಜಿಯ ಸಿಂಧುತ್ವವನ್ನು ವಿಸ್ತರಿಸಬೇಕು ಮತ್ತು ಸಬ್-ರಿಜಿಸ್ಟ್ರಾರ್ ಕಚೇರಿಯಲ್ಲಿ ಎರಡೂ ಕುಟುಂಬಗಳ ಉಪಸ್ಥಿತಿಯ ನಿಯಮವನ್ನು ತಪ್ಪಿಸುವ ಮೂಲಕ ವಿಡಿಯೋ ಕಾನ್ಫರೆನ್ಸ್ ಮೂಲಕ ಮದುವೆ ನೆರವೇರಿಸಬೇಕೆಂದು ಅರ್ಜಿಯಲ್ಲಿ ಕೇರಳ ಹೈಕೋರ್ಟ್‌ಗೆ ಮನವಿ ಮಾಡಿದ್ದರು. ವಿದೇಶಾಂಗ ಸಚಿವಾಲಯ, ಮಾಹಿತಿ ತಂತ್ರಜ್ಞಾನ ಇಲಾಖೆ ಅಭಿಪ್ರಾಯಗಳನ್ನು ಪರಿಗಣಿಸಿ, ಕೋರ್ಟ್ ವಧು-ವರರ ಪರ ತೀರ್ಪು ನೀಡಿತು. ಈ ಹಿನ್ನೆಲೆಯಲ್ಲಿ ಆನ್ಲೈನ್ ಸೌಲಭ್ಯ ಮೂಲಕ ಇಬ್ಬರು ವಿವಾಹ ಕಾರ್ಯ ನೇರವೇರಿದ್ದು, ರಾಜ್ಯದಲ್ಲೇ ಮೊದಲ ಆನ್ಲೈನ್ ಮದುವೆಗೆ ಧನ್ಯಾ ಮತ್ತು ಜೀವನ್ ಕುಮಾರ್ ಸಾಕ್ಷಿಯಾಗಿದ್ದಾರೆ.
ವರನ ತಂದೆ ದೇವರಾಜನ್ ತಂದೆಯ ಪರವಾಗಿ ಸಹಿ ಹಾಕಿದರು. ಜಿಲ್ಲಾ ರಿಸ್ಟ್ರಾರ್ ಸಿ ಕೆ ಜಾನ್ಸನ್ ಈ ವಿಶೇಷ ಸಮಾರಂಭಕ್ಕೆ ಸಾಕ್ಷಿಯಾದರು. ಗೂಗಲ್ ಮೀಟ್ ಎಂಬ ಆನ್ಲೈನ್ ವೇದಿಕೆ ಮೂಲಕ ಈ ವಿನೂತನ ಮದುವೆ ಸಮಾರಂಭ ನೆರವೇರಿತು. (ಏಜೆನ್ಸೀಸ್)
ಹೊಟ್ಟೆ ಬಿಟ್ಕೊಂಡು ಕೆಲಸ ಮಾಡೋ ಪೊಲೀಸರಿಗೆ ಶಾಕಿಂಗ್ ನ್ಯೂಸ್ ಕೊಟ್ಟ ಎಡಿಜಿಪಿ ಅಲೋಕ್ ಕುಮಾರ್..!
ಶಾಲಾಧ್ಯಕ್ಷನನ್ನು ನಂಬಿ ಕಾರಿನಲ್ಲಿ ಹೋದ ಶಿಕ್ಷಕಿಗೆ ಕಾದಿತ್ತು ಶಾಕ್! ಮೊದಲೇ ಹಳ್ಳ ತೋಡಿದ್ದ ಕಿರಾತಕ
ಯುವತಿಗೆ ಲೈಂಗಿಕ ಕಿರುಕುಳ: ವಕೀಲ ಕೆ.ಎಸ್.ಎನ್. ರಾಜೇಶ್ ಸನ್ನದು ಅಮಾನತು
ಕೇಂದ್ರ ಗೃಹಸಚಿವ ಅಮಿತ್ ಷಾ ಬರ್ತಡೇಗೆ ಶುಭಕೋರಿ ಸಿಕ್ಕಾಪಟ್ಟೆ ಟ್ರೋಲ್ ಆದ ಸಾರಾ ಅಲಿ ಖಾನ್..!