ಚೆನ್ನೈ: ಇತ್ತೀಚಿನ ದಿನಗಳಲ್ಲಿ ತಮಿಳು ಹಾಗೂ ತೆಲುಗು ಸಿನಿಮಾ ರಂಗದಲ್ಲಿ ಹೆಚ್ಚು ಕೇಳಿಬರುತ್ತಿರುವ ಹೆಸರೆಂದರೆ ಅದು ನಿವೇತಾ ಪೆತುರಾಜ್. ಕಾಲಿವುಡ್ ಬ್ಯೂಟಿ ನಿವೇತಾ ಟಾಲಿವುಡ್ ಹಾಗೂ ಕಾಲಿವುಡ್ನಲ್ಲಿ ಮಿಂಚುತ್ತಿದ್ದು, ಬಹುಬೇಡಿಕೆಯ ನಟಿ ಎಂಬ ಸ್ಥಾನವನ್ನು ಅಲಂಕರಿಸಿದ್ದಾರೆ. ಬಿಡುಗಡೆ ಸಜ್ಜಾಗಿರುವ ತೆಲುಗು ಚಿತ್ರ ಪಾಗಲ್ನಲ್ಲಿ ನಟಿಸಿದ್ದಾರೆ.
ಈ ಬಗ್ಗೆ ಮುಕ್ತವಾಗಿ ಮಾತನಾಡಿರುವ ನಿವೇತಾ, ನನಗೆ ಹೆಚ್ಚು ಹೆಚ್ಚು ಗಂಭೀರ ಪಾತ್ರಗಳೇ ಬರುತ್ತಿದವು. ಇದೊಂದು ರೀತಿಯಲ್ಲಿ ನನಗೆ ಕಷ್ಟ ಅನಿಸತೊಡಗಿತು. ನಾನು ತುಂಬಾ ಗಂಭೀರ ಎಂದೇ ಭಾವಿಸಿದ್ದರು. ಆದರೆ, ಪಾಗಲ್ ಚಿತ್ರ ಆ ಹಣೆಪಟ್ಟಿಯನ್ನು ಕಳಚಿದೆ. ಪಾಗಲ್ ಚಿತ್ರದ ಪಾತ್ರದ ಬಗ್ಗೆ ನನಗೆ ತೃಪ್ತಿ ಇದೆ. ಈ ಚಿತ್ರದಲ್ಲಿ ನನಗೆ ಗ್ಲಾಮರಸ್ ಪಾತ್ರವಿದೆ ಎಂದು ನಿವೇತಾ ಹೇಳಿದ್ದಾರೆ. ಸದ್ಯ ನಿವೇತಾ ಕ್ರೇಜಿ ಚಿತ್ರದ ಪ್ರಚಾರದಲ್ಲಿ ತೊಡಗಿಸಿಕೊಂಡಿದ್ದಾರೆ.
ಈ ಹಿಂದೆ ನಾನು ಮಾಡಿರುವ ಬಹುತೇಕ ಚಿತ್ರದ ಪಾತ್ರಗಳೆಲ್ಲವೂ ತುಂಬಾ ಗಂಭೀರವಾದದ್ದು, ಹೀಗಾಗಿ ನನ್ನ ಲುಕ್ ಗಂಭೀರ ಪಾತ್ರಗಳಿಗೆ ಮಾತ್ರ ಸರಿಹೊಂದುತ್ತದೆ ಎಂದು ನಾನು ಭಾವಿಸಿದ್ದೆ. ಹೀಗಾಗಿ ನನಗೆ ಅಂಥಹ ಪಾತ್ರಗಳೇ ಹುಡುಕಿ ಬರುತ್ತಿವೆ ಅಂದುಕೊಂಡಿದ್ದೆ. ನೋಡಲು ನಾನು ಗಂಭೀರ ಹುಡುಗಿಯಂತಿರಬಹುದು ಆದರೆ, ನಾನು ಆ ರೀತಿಯಲ್ಲ ಎಂದು ನಿವೇತಾ ಹೇಳಿದ್ದಾರೆ.
ಗಂಭೀರಾ ಪಾತ್ರಗಳನ್ನು ಮಾಡುವಾಗಲೆಲ್ಲಾ ನಾನು ತುಂಬಾ ಕಷ್ಟಪಟ್ಟಿದ್ದೇನೆ. ಇನ್ಮುಂದೆ ನಿರ್ದೇಶಕರು ಕ್ರೇಜಿ ಹಾಗೂ ಗ್ಲಾಮರಸ್ ಪಾತ್ರಗಳಿಗಾಗಿ ನನ್ನ ಬಳಿ ಬರುತ್ತಾರೆಂದು ನಾನು ಭಾವಿಸಿದ್ದೇನೆ ಎಂದು ತಿಳಿಸಿದರು. ಪಾಗಲ್ ಚಿತ್ರ ಆಗಸ್ಟ್ 14ರಂದು ಬಿಡುಗಡೆಯಾಗಲಿದೆ. (ಏಜೆನ್ಸೀಸ್)
ಟೋಕಿಯೊ ಸಾಧಕರು; ಗೆಲುವಿನ ಮೆಟ್ಟಿಲುಗಳಿವು…
ಅದು ನನ್ನ ಅತ್ಯಂತ ದುಃಖಮಯ ದಿನ; ಬಿಗ್ಬಾಸ್ ವಿನ್ನರ್ ಪಾವಗಡ ಮಂಜು ಹೇಳಿದ್ದು ಯಾವುದರ ಬಗ್ಗೆ?
‘ಪದವಿಪೂರ್ವ’ದಲ್ಲಿ ನಟಿ ಸೋನಲ್ ಮೊಂತೆರೋ; ಇಬ್ಬರು ನಾಯಕಿಯರ ಜೊತೆಗೆ ಮತ್ತೊಬ್ಬ ಬೆಡಗಿ…