ನವದೆಹಲಿ: ಮೈ ಜುಮ್ ಅನ್ನುವ ರೀತಿ ಚಾಲಕನೊಬ್ಬ ಕಡಿದಾದ ಬೆಟ್ಟದ ರಸ್ತೆಯಲ್ಲಿ ಕಾರನ್ನು ಯೂಟರ್ನ್ ತೆಗೆದುಕೊಳ್ಳುವ ವಿಡಿಯೋವೊಂದು ಕೆಲ ದಿನಗಳಿಂದ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಸ್ವಲ್ಪ ಮಿಸ್ ಆದ್ರೆ ಇಹಲೋಕ ಪಯಣ ಗ್ಯಾರೆಂಟಿ ಎಂದು ವಿಡಿಯೋ ನೋಡಿದ ಬಹುತೇಕರು ಮಾತಾಡಿಕೊಳ್ಳುತ್ತಿದ್ದಾರೆ. ಆದರೆ, ವಿಡಿಯೋದ ಅಸಲಿಯತ್ತು ತಿಳಿದರೆ ನಿಮ್ಮ ಅಭಿಪ್ರಾಯ ಖಂಡಿತ ಬದಲಾಗುತ್ತದೆ.
ವಿಡಿಯೋದಲ್ಲಿ ಏನಿದೆ?
ನೀಲಿ ಬಣ್ಣದ ಕಾರು ಕಡಿದಾದ ಬೆಟ್ಟದ ರಸ್ತೆಯಲ್ಲಿ ಯೂಟರ್ನ್ ತೆಗೆದುಕೊಳ್ಳುತ್ತದೆ. ಬೆಟ್ಟದ ರಸ್ತೆಯು ಮೊದಲೇ ತುಂಬಾ ಚಿಕ್ಕದಾಗಿದ್ದು ಕಾರಿನ ಹಿಂಭಾಗದಲ್ಲಿ ಪಾತಾಳ ಇರುವಂತೆ ನೋಡುಗರಿಗೆ ಗೋಚರವಾಗುತ್ತದೆ. ನಿಜಕ್ಕೂ ಈ ರಸ್ತೆಯಲ್ಲಿ ಯೂಟರ್ನ್ ತೆಗೆದುಕೊಳ್ಳುವುದು ಅಸಾಧ್ಯ ಎಂದು ನೋಡುಗರಿಗೆ ಅನಿಸಿದರೂ ಚಾಲಕನ ಡ್ರೈವಿಂಗ್ ಸ್ಕಿಲ್ಗೆ ಫಿದಾ ಆಗಿದ್ದಾರೆ. ಕಡಿದಾದ ರಸ್ತೆಯಲ್ಲಿ ಯೂಟರ್ನ್ ತೆಗೆದುಕೊಳ್ಳುವಲ್ಲಿ ಚಾಲಕ ಯಶಸ್ವಿಯಾಗುವುದು ವಿಡಿಯೋದಲ್ಲಿದೆ.
The perfect 80 point turn! pic.twitter.com/bLzb1J1puU
— Dr. Ajayita (@DoctorAjayita) January 23, 2022
ಈ ವಿಡಿಯೋ ನಿನ್ನೆಯಷ್ಟೇ ಸಾಮಾಜಿಕ ಜಾಲತಾಣದಲ್ಲಿ ಅಪ್ಲೋಡ್ ಆಗಿದ್ದು, ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಟ್ವಿಟರ್ನಲ್ಲಿ ಇದುವರೆಗೂ 1.8 ಮಿಲಿಯನ್ ವೀಕ್ಷಣೆ ಕಂಡಿದೆ. ಇನ್ಸ್ಟಾಗ್ರಾಂನಲ್ಲೂ ಸಹ ಲಕ್ಷಾಂತರ ವೀಕ್ಷಣೆ ಕಂಡಿದೆ. ಈಗಲೂ ಕೂಡ ಜಾಲತಾಣದಲ್ಲಿ ಈ ವಿಡಿಯೋ ಕುರಿತ ಚರ್ಚೆ ಜೋರಾಗಿದೆ ಮತ್ತು ಸಾಕಷ್ಟು ನೆಟ್ಟಿಗರು ಚಾಲಕನ ಸ್ಕಿಲ್ಗೆ ಫಿದಾ ಆಗಿ ಮೆಚ್ಚುಗೆಯ ಸುರಿಮಳೆಯನ್ನೇ ಹರಿಸಿದ್ದಾರೆ.
ಆದರೆ, ಈ ವಿಡಿಯೋ ಬಗ್ಗೆ ಹೆಚ್ಚು ತಿಳಿದಾಗ ಅದರ ಹಿಂದೆ ಇನ್ನೊಂದು ಸ್ಟೋರಿ ಇರುವುದು ಕಂಡುಬಂದಿದೆ. ಈ ವಿಡಿಯೋವನ್ನು ಕಳೆದ ಡಿಸೆಂಬರ್ನಲ್ಲೇ ಡ್ರೈವಿಂಗ್ ಸ್ಕಿಲ್ (DrivingSkill) ಹೆಸರಿನ ಯೂಟ್ಯೂಬ್ ಚಾನೆಲ್ನಲ್ಲಿ ಅಪ್ಲೋಡ್ ಮಾಡಲಾಗಿದೆ. ವಿಡಿಯೋದಲ್ಲಿ ಕಡಿದಾದ ರಸ್ತೆಯಲ್ಲಿ ಹೇಗೆ ಯೂಟರ್ನ್ ತೆಗೆದುಕೊಳ್ಳಬೇಕೆಂದು ಪ್ರದರ್ಶನ ನೀಡುವ ಅದ್ಭುತ ಡ್ರೈವಿಂಗ್ ಸ್ಕಿಲ್ ಇರುವ ನಿಜ. ಸ್ವಲ್ಪ ಮಿಸ್ ಆದರೆ ಪ್ರಾಣ ಹೋಗುತ್ತೆ ಎಂದು ಅಂದುಕೊಳ್ಳುವುದು ನಿಜ.
ಆದರೆ, ಮೊತ್ತೊಂದು ಆಯಾಮದಲ್ಲಿ ವಿಡಿಯೋ ನೋಡಿದಾಗ ಅದರ ಸ್ಪಷ್ಟತೆ ಗೊತ್ತಾಗುತ್ತದೆ. ಮೊದಲು ಅಂದುಕೊಂಡಂತೆ ಕಾರಿನ ಹಿಂದೆ ಪಾತಾಳ ಇಲ್ಲ. ಕೆಳಗಡೆ ಮತ್ತೊಂದು ರಸ್ತೆ ಇರುವುದು ಇನ್ನೊಂದು ಆಯಾಮದ ವಿಡಿಯೋದಲ್ಲಿ ಸ್ಪಷ್ಟವಾಗುತ್ತದೆ. ಈ ವಿಡಿಯೋ ನೋಡಿದ ಮೇಲೆ ನಿಮಗೆ ಏನು ಅನಿಸುತ್ತದೆ ಕಾಮೆಂಟ್ ಮಾಡಿ. (ಏಜೆನ್ಸೀಸ್)
ಕೆಲಸ ಮುಗಿಸಿಕೊಂಡು ಖುಷಿಯಿಂದಲೇ ಮನೆಗೆ ಮರಳಿದ ಪತಿಗೆ ಕಾದಿತ್ತು ಭಾರೀ ಆಘಾತ..!
ದಲಿತ ವ್ಯಕ್ತಿಯ ಅಂತ್ಯಕ್ರಿಯೆಗೆ ಅಡ್ಡಿ: ತೆಗೆದಿದ್ದ ಗುಂಡಿ ಮುಚ್ಚಿಸಿ ಅಮಾನವೀಯತೆ ಮೆರೆದ ಪೊಲೀಸರು
ಹೊಟ್ಟೆ ಮತ್ತು ಸೊಂಟದ ಕೊಬ್ಬು ಕರಗಲು, ಜೀರ್ಣಶಕ್ತಿ ವೃದ್ಧಿಸಲು ಊರ್ಧ್ವ ಧನುರಾಸನ ಸಹಕಾರಿ
ಬಿಜೆಪಿಯಲ್ಲಿ ಸಂಪುಟ ಸಂಚಲನ: ಆಕಾಂಕ್ಷಿಗಳಿಂದ ಹೆಚ್ಚಿದ ಒತ್ತಡ; ಗರಿಗೆದರಿದ ರಾಜಕೀಯ ಚಟುವಟಿಕೆ