ಬಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ, ಗ್ಲೋಬಲ್ ಸ್ಟಾರ್ ಆಗಿ ಬೆಳೆದು ನಿಂತಿದ್ದಾರೆ. ಹಾಲಿವುಡ್ ಸಿನಿಮಾಗಳಲ್ಲಿ ಕಾಣಿಸಿಕೊಂಡು ತಮ್ಮ ಕರಿಯರ್ನ ಉನ್ನತ ಮಟ್ಟದಲ್ಲಿದ್ದಾರೆ. ಅವರ ಆದಾಯದ ಬಗ್ಗೆ ಲೆಕ್ಕ ಹಾಕುವುದಾದರೆ, ನೂರಾರು ಮೂಲಗಳು ಕಾಣಸಿಗುತ್ತವೆ. ಅದೇ ರೀತಿ ಸೋಷಿಯಲ್ ಮೀಡಿಯಾ ಪ್ಲಾಟ್ಫಾರ್ಮ್ ಸಹ ಒಳ್ಳೇ ಸಂಪಾದನೆಯನ್ನೇ ಮಾಡಿಕೊಡುತ್ತಿದೆ. ಹೌದು, ಇನ್ಸ್ಟಾಗ್ರಾಂನಲ್ಲಿ ಪ್ರತಿ ಒಂದು ಪೋಸ್ಟ್ಗೆ ಯಾರಿಗೆ ಎಷ್ಟು ಸಂಭಾವನೆ ಸಿಗಲಿದೆ ಎಂಬ 100 ಸೆಲೆಬ್ರಿಟಿಗಳ ಪಟ್ಟಿ ಇತ್ತೀಚೆಗಷ್ಟೇ ಬಿಡುಗಡೆ ಆಗಿದೆ. ಆ ಪಟ್ಟಿಯಲ್ಲಿ ಪ್ರಿಯಾಂಕಾ ಚೋಪ್ರಾ ಸಹ ಸ್ಥಾನ ಪಡೆದಿದ್ದಾರೆ.
ಇದನ್ನೂ ಓದಿ: ಅಕ್ಷಯ್ ಕುಮಾರ್ಗೂ ಎದುರಾಗಿತ್ತು ನೆಪೋಟಿಸಂ; ಸಿನಿಮಾ ಅವಕಾಶ ಕಿತ್ತುಕೊಂಡಿದ್ದರು ಈ ಸ್ಟಾರ್ ನಟ!
ಅಚ್ಚರಿ ಏನೆಂದರೆ, ಪಟ್ಟಿಯಲ್ಲಿ ಭಾರತೀಯರು ಇರುವವರು ಕೇವಲ ಇಬ್ಬರೇ! ಹೌದು, ಬಾಲಿವುಡ್ನಿಂದ ಪ್ರಿಯಾಂಕಾ ಚೋಪ್ರಾ ಮತ್ತು ಕ್ರೀಡಾಲೋಕದಿಂದ ವಿರಾಟ್ ಕೊಹ್ಲಿ. ಇವರಿಬ್ಬರ ಪೈಕಿ ವಿರಾಟ್ ಕೊಹ್ಲಿ ಪ್ರತಿ ಇನ್ಸ್ಟಾಗ್ರಾಂ ಪೋಸ್ಟ್ಗೆ 2 ಕೋಟಿ 21 ಲಕ್ಷ ಮೊತ್ತವನ್ನು ಪಡೆಯುತ್ತಿದ್ದು, 100 ಜನರ ಪಟ್ಟಿಯಲ್ಲಿ 26ನೇ ಸ್ಥಾನದಲ್ಲಿದ್ದಾರೆ. ಅದೇ ರೀತಿ ಪ್ರಿಯಾಂಕಾ ಚೋಪ್ರಾ 2 ಕೋಟಿ 16 ಲಕ್ಷ ಮೊತ್ತ ಪಡೆಯುತ್ತಿದ್ದು, 28ನೇ ಸ್ಥಾನದಲ್ಲಿದ್ದಾರೆ.
ಇದನ್ನೂ ಓದಿ: VIDEO/ PHOTOS: ‘ಚಿರು’ವನ್ನು ತನ್ನ ಮನೆಯಲ್ಲಿ ಜೀವಂತವಾಗಿರಿಸಿದ ಜೀವದ ಗೆಳೆಯ; ಮೇಘನಾರ ಮುಖದಲ್ಲೂ ಮೂಡಿದ ನಗು
ಡಬ್ಲೂಡಬ್ಲೂಈ ಖ್ಯಾತಿಯ ಡ್ವೇನ್ ಜಾನ್ಸನ್ ಟಾಪ್ ಸ್ಥಾನದಲ್ಲಿದ್ದು ತಲಾ ಒಂದು ಪೋಸ್ಟ್ಗೆ 7.6 ಕೋಟಿ ಲಭಿಸುತ್ತಿದೆ. ಕಳೆದ ವರ್ಷಕ್ಕೆ ಹೋಲಿಕೆ ಮಾಡಿದರೆ, ಈ ಆದಾಯದಲ್ಲಿ ಶೇ. 15 ಹೆಚ್ಚಿಸಿಕೊಂಡಿದ್ದಾರೆ ಡ್ವೇನ್. (ಏಜೆನ್ಸೀಸ್)