ಬೆಂಗಳೂರು: ಈಗಾಗಲೇ ‘ಏಕ್ ಲವ್ ಯಾ’ ಚಿತ್ರದ ಅರ್ಧ ಭಾಗದ ಸಿನಿಮಾ ಶೂಟಿಂಗ್ ಮುಗಿಸಿಕೊಂಡಿರುವ ನಿರ್ದೇಶಕ ಪ್ರೇಮ್, ಈಗ ಮತ್ತೆ ಆ್ಯಕ್ಷನ್ ಕಟ್ ಹೇಳುವುದಕ್ಕೆ ಸಿದ್ಧತೆ ಮಾಡಿಕೊಂಡಿದ್ದಾರೆ. ಅದರಂತೆ ಇಡೀ ತಂಡದೊಟ್ಟಿಗೆ ಊಟಿಯಲ್ಲಿ ಬೀಡು ಬಿಟ್ಟಿದ್ದಾರೆ.
ಇದನ್ನೂ ಓದಿ: ಹೊಸ ಮನ್ವಂತರದತ್ತ ಚಿತ್ರಮಂದಿರಗಳು
ಸದ್ಯ ಊಟಿಯಲ್ಲಿ ಲೊಕೇಷನ್ ಹುಡುಕುವುದರಲ್ಲಿ ಬಿಜಿಯಾಗಿರುವ ಪ್ರೇಮ್, ಚಿತ್ರದ ಒಂದಷ್ಟು ಪ್ಯಾಚ್ವರ್ಕ್ ಕೆಲಸಗಳನ್ನು ಮುಗಿಸಿಕೊಳ್ಳಲಿದ್ದಾರೆ. ಆ ಬಳಿಕ ಕಾಶ್ಮೀರ ಮತ್ತು ರಾಜಸ್ತಾನದಲ್ಲಿಯೂ ಶೂಟಿಂಗ್ ನಡೆಯಲಿದೆ.
Getting Back to work!#EkLoveYa @directorprems pic.twitter.com/lcazs5Tg4u
— Ek Love Ya (@EkLoveyaTheFilm) October 6, 2020
ಈ ಸಂಬಂಧ ಕಿರು ವಿಡಿಯೋವೊಂದನ್ನು ಶೇರ್ ಮಾಡಿಕೊಂಡಿರುವ ಪ್ರೇಮ್, ಥಿಯೇಟರ್ ಓಪನ್ ಆದರೆ ಅನ್ನ. ನಾವು ಹೇಗೆ ಭರವಸೆಯಿಂದ ಶೂಟಿಂಗ್ ಹೋಗುತ್ತಿದ್ದೇವೋ, ಅದೇ ರೀತಿ ಇಡೀ ಕರ್ನಾಟಕದ ಜನ ಥಿಯೇಟರ್ಗೆ ಬಂದು ಸಿನಿಮಾ ನೋಡಲಿ. ಎಲ್ಲವೂ ಮೊದಲಿನಂತಾಗಲಿ ಎಂದು ಹೇಳಿದ್ದಾರೆ.
ಇದನ್ನೂ ಓದಿ: PHOTOS| ಮನಾಲಿಯಲ್ಲಿ ಪ್ರಣೀತಾ ಹಂಗಾಮಾ
ಪ್ರೇಮ್ ನಿರ್ದೇಶನದ ಈ ಸಿನಿಮಾದಲ್ಲಿ ರಕ್ಷಿತಾ ಸಹೋದರ ರಾಣಾ ನಾಯಕನಾಗಿ ಸ್ಯಾಂಡಲ್ವುಡ್ಗೆ ಎಂಟ್ರಿಕೊಡುತ್ತಿದ್ದಾರೆ. ರಚಿತಾ ರಾಮ್ ಈ ಸಿನಿಮಾದಲ್ಲಿ ವಿಶೇಷ ಪಾತ್ರವೊಂದನ್ನು ನಿಭಾಯಿಸಿದ್ದಾರೆ.