ಚೆನ್ನೈ: ಖ್ಯಾತ ಕಿರುತೆರೆ ಕಲಾವಿದೆ ಹಾಗೂ ವಿಡಿಯೋ ಜಾಕಿ ಚಿತ್ರಾ ಸಾವಿನ ಪ್ರಕರಣದಲ್ಲಿ ಚೆನ್ನೈನ ನಜರತ್ಪೇಟೆ ಪೊಲೀಸರು ಚಿತ್ರಾ ಪತಿ ಹಾಗೂ ಉದ್ಯಮಿ ಹೇಮಂತ್ರನ್ನು ಸೋಮವಾರ ಬಂಧಿಸಿದ್ದಾರೆ.
ಡಿಸೆಂಬರ್ 9ರ ನಸುಕಿನ ಜಾವ ಪೂನಮಲ್ಲಿಯಲ್ಲಿರುವ ಪಂಚತಾರಾ ಹೋಟೆಲ್ನಲ್ಲಿ ಚಿತ್ರಾ ಅವರ ಮೃತದೇಹ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿತ್ತು. ಅದೇ ಸಮಯದಲ್ಲಿ ಪತಿ ಹೇಮಂತ್ ಸಹ ಹೋಟೆಲ್ನಲ್ಲಿದ್ದರು. ಆತ್ಮಹತ್ಯೆ ಶಂಕೆ ವ್ಯಕ್ತಪಡಿಸಿ ಪೊಲೀಸರು ಪ್ರಕರಣ ದಾಖಲಿಸಿದ್ದರು. ಇದೀಗ ಚಿತ್ರಾ ಅವರ ಆತ್ಮಹತ್ಯೆಗೆ ಪ್ರಚೋದನೆ ನೀಡಿದ ಆರೋಪದಡಿಯಲ್ಲಿ ಹೇಮಂತ್ರನ್ನು ಪೊಲೀಸರು ಬಂಧಿಸಲಾಗಿದೆ.
ಹೇಮಂತ್ ಮತ್ತು ಚಿತ್ರಾ ಕೆಲವು ತಿಂಗಳ ಹಿಂದಷ್ಟೇ ರಿಜಿಸ್ಟರ್ ಮದುವೆಯಾಗಿದ್ದರು. ಮುಂದಿನ ಜನವರಿಯಲ್ಲಿ ಸಾಂಪ್ರದಾಯಿಕವಾಗಿ ಮದುವೆಯಾಗಲು ನಿರ್ಧರಿಸಿದ್ದರು. ಆದರೆ, ಡಿ.9ರಂದು ಚಿತ್ರಾರ ದಿಢೀರ್ ಸಾವು ಪಾಲಕರು, ಅಭಿಮಾನಿಗಳು ಮತ್ತು ಸ್ನೇಹಿತರಿಗೆ ಆಘಾತ ಉಂಟುಮಾಡಿತ್ತು. ನನ್ನ ಮಗಳು ಆತ್ಮಹತ್ಯೆ ಮಾಡಿಕೊಳ್ಳುವವಳಲ್ಲ. ಆಕೆಯ ಸಾವಿನಲ್ಲಿ ಏನೋ ವಂಚನೆ ನಡೆದಿದೆ ಎಂದು ಪಾಲಕರು ಆರೋಪಿಸಿದ್ದರು. ಅಲ್ಲದೆ, ಪತಿ ಕಿರುಕುಳ ನೀಡಿದ್ದಾನೆಂದು ದೂರಿದ್ದರು.
ಇದನ್ನೂ ಓದಿ: ಶ್ರೀರಾಮಚಂದ್ರ ಯಾವ ಪಕ್ಷಕ್ಕೆ ಸೇರಿದ್ದು ಎಂದು ತಿಳಿಸಿದ ಮಾಜಿ ಸಿಎಂ ಅಖಿಲೇಶ್!
ಹೇಮಂತ್ರನ್ನು ವಶಕ್ಕೆ ಪಡೆದಿದ್ದ ನಜರತ್ಪೇಟೆ ಪೊಲೀಸರು ಸುಮಾರು 6 ದಿನಗಳ ವಿಚಾರಣೆಯ ಬಳಿಕ ಇದೀಗ ಹೇಮಂತ್ರನ್ನು ಬಂಧಿಸಿದ್ದು, ನ್ಯಾಯಾಂಗ ಬಂಧನದಲ್ಲಿ ಇರಿಸಲಾಗಿದೆ.
ಚಿತ್ರಾರ ಶವಪರೀಕ್ಷೆಯಲ್ಲಿ ಆತ್ಮಹತ್ಯೆ ಎಂಬುದು ಖಚಿತವಾಗಿದ್ದು, ಕಳೆದ ಗುರುವಾರ ಸಂಜೆ ಅವರ ಅಂತ್ಯಕ್ರಿಯೆಯು ನೆರವೇರಿದೆ. ಗಂಡ ಹೇಮಂತ್ ನಡತೆಯ ಮೇಲೆ ಚಿತ್ರಾರ ತಾಯಿಗೆ ಅನುಮಾನ ಬಂದಾಗಿನಿಂದ ಆತನಿಂದ ದೂರವಾಗವಂತೆ ಒತ್ತಾಯಿಸುತ್ತಿದ್ದರು ಎನ್ನಲಾಗಿದೆ. ಇದರಿಂದ ಚಿತ್ರಾ ಒತ್ತಡಕ್ಕೆ ಸಿಲುಕಿದ್ದರು ಎಂದು ಪ್ರಾಥಮಿಕ ತನಿಖೆಯಲ್ಲಿ ತಿಳಿದುಬಂದಿತ್ತು. ಮದ್ಯ ವ್ಯಸನಿಯಾಗಿದ್ದ ಹೇಮಂತ್, ಚಿತ್ರಾ ವಿಚಾರದಲ್ಲಿ ಅತಿಯಾದ ಪೊಸೆಸಿವ್ನೆಸ್ ಇತ್ತಂತೆ. ಸೀರಿಯಲ್ಗಳಲ್ಲಿ ರೊಮ್ಯಾಂಟಿಕ್ ದೃಶ್ಯದಲ್ಲಿ ನಟನೆ ಮಾಡಿದರೆ ಶೂಟಿಂಗ್ ಸೆಟ್ನಲ್ಲಿ ಚಿತ್ರಾಳನ್ನು ಬೈಯುತ್ತಿದ್ದರು ಎಂದು ವರದಿಯಾಗಿದೆ.
ತಮಿಳು ಕಿರುತೆರೆ ಲೋಕದಲ್ಲಿ ಚಿತ್ರಾ ಅವರು ತುಂಬಾ ಹೆಸರು ಮಾಡಿದ್ದಾರೆ. ಮಕ್ಕಳ್ ಟಿವಿ, ಜಯ ಟಿವಿ ಮತ್ತು ಝೀ ತಮಿಳ್ ಸೇರಿದಂತೆ ಪ್ರಮುಖ ಟಿವಿ ಚಾನಲ್ಗಳನ್ನು ಚಿತ್ರಾ ಹೋಸ್ಟ್ ಮಾಡಿದ್ದಾರೆ. ಅನೇಕ ಸೀರಿಯಲ್ಗಳಲ್ಲೂ ನಟನೆ ಮಾಡಿದ್ದಾರೆ.
2014-2018ರ ನಡುವೆ ಸನ್ ಟಿವಿಯಲ್ಲಿ ಪ್ರಸಾರವಾಗ ಚಿನ್ನ ಪಾಪಾ ಪೆರಿಯಾ ಪಾಪಾ, ವಿಜಯ ಟಿವಿಯಲ್ಲಿ ಪ್ರಸಾರವಾದ ಸರವಣನ್ ಮಿನಾಟ್ಚಿ ಸೀಸನ್-2 ಮತ್ತು ಝೀ ತಮಿಳು ಚಾನಲ್ನಲ್ಲಿ 2016 ಮತ್ತು 2017ರ ನಡುವೆ ಪ್ರಸಾರವಾದ ಡಾರ್ಲಿಂಗ್ ಡಾರ್ಲಿಂಗ್ ಸೀರಿಯಲ್ಗಳ ಮೂಲಕ ಚಿತ್ರಾ ಮನೆ ಮಾತಾದರು. ಅನೇಕ ಟಿವಿ ಕಾರ್ಯಕ್ರಮದ ನಿರೂಪಣೆಯನ್ನು ಸಹ ಮಾಡಿದ್ದಾರೆ.
ಚಿತ್ರಾ ಅವರಿಗೆ ಹೆಚ್ಚು ಹೆಸರು ತಂದುಕೊಟ್ಟಿದ್ದು 2018 ಅಕ್ಟೋಬರ್ನಲ್ಲಿ ವಿಜಯ ಟಿವಿಯಲ್ಲಿ ಆರಂಭವಾದ ಪಾಂಡಿಯನ್ ಸ್ಟೋರ್ಸ್ ಧಾರಾವಾಹಿ. ಈ ಸೀರಿಯಲ್ 500 ಎಪಿಸೋಡ್ಗಳನ್ನು ದಾಟಿತ್ತು. ಈ ಸೀರಿಯಲ್ ತೆಲುಗಿನಲ್ಲಿ ವಂದಿನಮ್ಮ, ಕನ್ನಡದಲ್ಲಿ ವರಲಕ್ಷ್ಮೀ ಸ್ಟೋರ್ಸ್, ಮರಾಠಿಯಲ್ಲಿ ಸಹಕುಟುಂಬ ಸಹಪರಿವಾರ್, ಬೆಂಗಾಳಿಯಲ್ಲಿ ಭಾಗ್ಗೊಲೊಕ್ಕಿ, ಮಲಯಾಳಂನಲ್ಲಿ ಸಾಂತ್ವಾನಂ ಮತ್ತು ಹಿಂದಿಯಲ್ಲಿ ಗುಪ್ತಾ ಬ್ರದರ್ಸ್ ಹೆಸರಿನಲ್ಲಿ ಅನೇಕ ಭಾಷೆಗಳಿಗೆ ರಿಮೇಕ್ ಆಗುವ ಮೂಲಕ ಭಾರಿ ಸಂಚಲನ ಮೂಡಿಸಿತ್ತು. (ಏಜೆನ್ಸೀಸ್)
ಇದನ್ನೂ ಓದಿ: ಒಂದೇ ಕುಟುಂಬದ ಮೂವರು ಆತ್ಮಹತ್ಯೆ! ಕಿಟಕಿಯೊಳಗೆ ಇಣುಕಿ ಬೆಚ್ಚಿಬಿದ್ದ ಸ್ಥಳೀಯರು
ವಿಜೆ ಚಿತ್ರಾರ ದಿಢೀರ್ ಸಾವಿನ ಬೆನ್ನಲ್ಲೇ ಪಾಲಕರ ಆರೋಪ: ಪೊಲೀಸರ ಮುಂದೆ ಭಾವಿ ಪತಿಯ ಶಾಕಿಂಗ್ ಹೇಳಿಕೆ!
ಚಿತ್ರಾ ಸಾವಿನ ಹಿಂದೆ ರಾಜಕಾರಣಿಯ ಹೆಸರು? ಹೋಟೆಲ್ಗೂ ಭೇಟಿ ನೀಡಿದ್ದರಂತೆ ಸಚಿವರು!
ರಾತ್ರಿ ಶೂಟಿಂಗ್ ಮುಗಿಸಿ ಹೋಟೆಲ್ಗೆ ಬಂದ ಖ್ಯಾತ ಕಿರುತೆರೆ ಕಲಾವಿದೆ ಬೆಳಗಾಗುವಷ್ಟರಲ್ಲಿ ಶವವಾಗಿ ಪತ್ತೆ..!