ನವದೆಹಲಿ: ಇಂಗ್ಲೆಂಡ್ನ ಆಕ್ಸ್ಫರ್ಡ್ ವಿಶ್ವವಿದ್ಯಾಲಯ ಮತ್ತು ಅಸ್ಟ್ರಾಜೆನೆಕಾ ಔಷಧ ಕಂಪನಿ ಜಂಟಿಯಾಗಿ ChAdOx1 nCoV-19 ಎಂಬ ಕೋವಿಡ್ ನಿರೋಧಕ ಚುಚ್ಚುಮದ್ದನ್ನು ಅಭಿವೃದ್ಧಿಪಡಿಸಿವೆ. ಇದರ ಕ್ಲಿನಿಕಲ್ ಪರೀಕ್ಷೆ ಅಂತಿಮ ಘಟ್ಟದಲ್ಲಿದ್ದು, ಹಿರಿಯ ನಾಗರಿಕರು ಮತ್ತು ಮಕ್ಕಳು ಸೇರಿ ಬ್ರಿಟನ್ನ 10,260 ಜನರ ಮೇಲೆ ಇದನ್ನು ಪ್ರಯೋಗಿಸಲಾಗುತ್ತಿದೆ.
ಬ್ರೆಜಿಲ್ ಮತ್ತು ದಕ್ಷಿಣ ಆಫ್ರಿಕಾದಲ್ಲಿ ಕೂಡ ಇದರ ಕ್ಲಿನಿಕಲ್ ಟ್ರಯಲ್ ಮಾಡಲಾಗುತ್ತಿದೆ. ಈ ಚುಚ್ಚುಮದ್ದನ್ನು ಭಾರತದಲ್ಲಿ ಉತ್ಪಾದಿಸಿ, ಕೆಳ ಮತ್ತು ಮಧ್ಯಮ ಆದಾಯದ ರಾಷ್ಟ್ರಗಳಿಗೂ ಸುಲಭದರದಲ್ಲಿ ಸರಬರಾಜು ಮಾಡಲು ಅನುವಾಗುವಂತೆ ಮಾಡಲು ಸೆರಂ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾ (ಎಸ್ಐಐ) 756.27 ಕೋಟಿ ರೂಪಾಯಿ ಹೂಡಿಕೆ ಮಾಡಿದೆ.
‘
ಚಿಂಪಾಂಜಿಗಳಲ್ಲಿ ಶೀತ ಮತ್ತು ನೆಗಡಿಯ ಸೋಂಕು ಉಂಟು ಮಾಡುವ ವೈರಾಣು (adenovirus) ಅನ್ನು ತೆಗೆದುಕೊಂಡು, ದುರ್ಬಲಗೊಳಿಸಿ ChAdOx1 nCoV-19 ಚುಚ್ಚುಮದ್ದನ್ನು ಸಿದ್ಧಪಡಿಸಲಾಗುತ್ತಿದೆ. ಮಾನವರಲ್ಲಿ ಬೇರಾವುದೇ ಸೋಂಕು ಉಂಟು ಮಾಡದಂತೆ ಈ ವೈರಾಣುವಿನ ಜೆನೆಟಿಕ್ಸ್ ಅನ್ನು ರೂಪಾಂತರಗೊಳಿಸಲಾಗಿದೆ.
ಇದನ್ನೂ ಓದಿ: ಗಿಲ್ಲೀಡ್ ಸೈನ್ಸಸ್ನ ಕೋವಿಡ್ ಚುಚ್ಚುಮದ್ದು ಒಂದರ ಬೆಲೆ ಕೇಳಿದರೆ ಹೌಹಾರುತ್ತೀರಾ!
ChAdOx1 nCoV-19 ಚುಚ್ಚುಮದ್ದಿನ ಕ್ಲಿನಿಕಲ್ ಅಧ್ಯಯನ ನಿರೀಕ್ಷೆಯಂತೆ ಉತ್ತಮ ರೀತಿಯಲ್ಲಿ ಸಾಗುತ್ತಿದೆ. ಹಿರಿಯ ನಾಗರಿಕರ ಮೇಲೆ ಈ ಔಷಧ ಹೇಗೆ ಪರಿಣಾಮ ಬೀರುತ್ತದೆ ಎಂಬುದರ ಬಗ್ಗೆ ಸದ್ಯ ಅಧ್ಯಯನ ಸಾಗುತ್ತಿದೆ. ತನ್ಮೂಲಕ ಹೆಚ್ಚಿನ ಜನರಿಗೆ ಕೋವಿಡ್ ಸೋಂಕಿನಿಂದ ರಕ್ಷಣೆ ಕೊಡುತ್ತದೆಯೇ ಎಂಬುದನ್ನು ಅರಿಯಲು ಪ್ರಯತ್ನಿಸಲಾಗುತ್ತಿದೆ ಎಂದು ಆಕ್ಸ್ಫರ್ಡ್ ವ್ಯಾಕ್ಸಿನ್ ಗ್ರೂಪ್ನ ಮುಖ್ಯಸ್ಥ ಪ್ರೊ. ಆಂಡ್ಯ್ರೂ ಪೊಲ್ಲಾರ್ಡ್ ಹೇಳಿದ್ದಾರೆ.
ಒಂದು ವೇಳೆ ಕ್ಲಿನಿಕಲ್ ಟ್ರಯಲ್ ಯಶಸ್ವಿಯಾದರೆ ವರ್ಷಾಂತ್ಯದಲ್ಲಿ ಈ ಚುಚ್ಚುಮದ್ದಿನ ಉತ್ಪಾದನೆಯನ್ನು ಆರಂಭಿಸುವುದು ಆಕ್ಸ್ಫರ್ಡ್ ವ್ಯಾಕ್ಸಿನ್ ಗ್ರೂಪ್ನ ಉದ್ದೇಶವಾಗಿದೆ. ಒಂದು ವೇಳೆ ಇದು ಆಗಿದ್ದೇ ಆದಲ್ಲಿ, ನಿಗದಿಗ ಅನುಮೋದನೆ ಪಡೆದು ಪ್ರಯೋಗಾಲಯದಿಂದ ತುಂಬಾ ಶೀಘ್ರವಾಗಿ ಉತ್ಪಾದನಾ ಹಂತ ತಲುಪಿದ ರೋಗನಿರೋಧಕ ಚುಚ್ಚುಮದ್ದು ಎಂಬ ಹೆಗ್ಗಳಿಕೆ ಇದ್ದರದ್ದಾಗಲಿದೆ.
ಎಸ್ಎಸ್ಎಲ್ಸಿ ಪರೀಕ್ಷೆಗೂ ಮುನ್ನವೇ ದುರಂತ ಅಂತ್ಯಕಂಡ ವಿದ್ಯಾರ್ಥಿನಿ