ನೈರೋಬಿ: ಜಗತ್ತಿನ ಅತ್ಯಂತ ವಯಸ್ಸಾದ ಸಿಂಹಗಳಲ್ಲಿ ಒಂದಾದ ‘ಲೂನ್ಕಿಟೊ’ ಕೀನ್ಯಾದ ನೈರೋಬಿಯಲ್ಲಿ ಹತ್ಯೆ ಆಗಿದೆ. 19 ವರ್ಷದ ಈ ಗಂಡು ಸಿಂಹ ‘ತಾಳ್ಮೆ ಮತ್ತು ಸಹಬಾಳ್ವೆಯ ಸಂಕೇತವಾಗಿತ್ತು’ ಎಂದು ವನ್ಯಪ್ರಾಣಿ ಸಂರಕ್ಷಣಾ ಸಂಸ್ಥೆ ‘ಲಯನ್ ಗಾರ್ಡಿಯನ್ಸ್’ ವರ್ಣಿಸಿದೆ. ’ಲೂನ್ಕಿಟೊ’ವನ್ನು ಕುರಿಗಾಹಿಗಳು ಭರ್ಜಿಯಿಂದ ಇರಿದು ಕೊಂದರು ಎಂದು ವನ್ಯಜೀವಿ ಅಧಿಕಾರಿಗಳು ತಿಳಿಸಿದ್ದಾರೆ.
ಪ್ರಖ್ಯಾತ ಆಂಬೊಸೆಲಿ ರಾಷ್ಟ್ರೀಯ ಪಾರ್ಕ್ನ ಹೊರವಲಯದಲ್ಲಿ ಈ ಸಿಂಹವನ್ನು ಬಿಡಲಾಗಿತ್ತು. ಮಾಸಯ್ ಮೊರಾನ್ ಸಮುದಾಯದವರ ಭರ್ಜಿಯಿಂದ ಅದರ ಮೇಲೆ ದಾಳಿ ನಡೆಸಿದ್ದಾರೆ ಎಂದು ಕೀನ್ಯಾ ವನ್ಯಜೀವಿ ಸೇವೆ (ಕೆಡಬ್ಲ್ಯುಎಸ್) ವಕ್ತಾರ ಪೌಲ್ ಜಿನಾರೊ ಹೇಳಿದ್ದಾರೆ.
ಇದನ್ನೂ ಓದಿ: ಅಂಬಲಿ ಹಳಸೀತು ಕಂಬಳಿ ಬೀಸೀತಲೇ ಪರಾಕ್! ನಿಜವಾಯಿತು ಮೈಲಾರಲಿಂಗನ ಭವಿಷ್ಯವಾಣಿ
ಆಫ್ರಿಕನ್ ಸಿಂಹಗಳು ಕಾಡುಗಳಲ್ಲಿದ್ದರೆ ಸಾಮಾನ್ಯವಾಗಿ 18 ವರ್ಷ ಜೀವಿತಾವಧಿ ಹೊಂದಿರುತ್ತವೆ. ಸಾಮಾನ್ಯವಾಗಿರುವ ಸಿಂಹ ಪಾರ್ಕ್ನ ಒಳಗಡೆ ಕಾಡಿನ ಜೀವನ ಪಾಲಿಸುತ್ತವೆ. ’ಲೂನ್ಕಿಟೊ’ ಜಾನುವಾರುಗಳನ್ನು ಹೆಚ್ಚಾಗಿ ಬೇಡೆಯಾಡುತ್ತಿತ್ತು. ಇದು ಕುರಿಗಾಹಿಗಳು ಆಕ್ರೋಶಕ್ಕೆ ಕಾರಣವಾಗಿತ್ತು. ಈ ಸಿಂಹ ಸುಮಾರು ಒಂದು ದಶಕಕ್ಕೂ ಹೆಚ್ಚು ಕಾಲದಿಂದ ತನ್ನ ಪ್ರದೇಶವನ್ನು ಸ್ವತಃ ರಕ್ಷಿಸಿಕೊಳ್ಳುತ್ತಿತ್ತು ಎಂದು ‘ಕ್ಯಾಟ್ಸ್ ಫಾರ್ ಆಫ್ರಿಕಾ’ ಸಂಸ್ಥೆಯ ಪ್ರತಿನಿಧಿಗಳು ಹೇಳಿದ್ದಾರೆ. (ಏಜೆನ್ಸೀಸ್)
ಫೈವ್ ಸ್ಟಾರ್ ಹೋಟೆಲ್ನಲ್ಲಿ ವೇಶ್ಯಾವಾಟಿಕೆ ದಂಧೆ: ಖಾತ ನಟಿ, ಮಾಡೆಲ್ ಬಂಧನ