ನದಿನೀರಿನ ಅತಿಯದ ಬಳಕೆ, ಉಚಿತ ವಿದ್ಯುತ್ ಸಿಕ್ಕಿದ್ದರಿಂದ ಹೆಚ್ಚು ಅಶ್ವಶಕ್ತಿಯ ನೀರೆತ್ತುವ ಯಂತ್ರಬಳಸಿ ನೀರು ಸೋಸಿ ತೆಗೆಯುವುದು, ಬೆಟ್ಟಗುಡ್ಡಗಳನ್ನು ಅಗೆದು ಹೊಳೆ ಒಡಲು ತುಂಬುತ್ತಿರುವುದು, ಬೆಟ್ಟಗುಡ್ಡಗಳಲ್ಲಿ ಅಡಿಕೆ ಕೃಷಿ, ಹೊಳೆಯಲ್ಲಿ ನೀರಿರುವಲ್ಲೆಲ್ಲ ಜೆಸಿಬಿಯಲ್ಲಿ ಹೊಂಡ ತೆಗೆದು ನೀರು ಹರಿಯದಂತೆ ಎಲ್ಲ ನೀರು ಕೃಷಿಕಗೆ ಬಳಕೆ, ತಾಪಮಾನದ ಏರಿಕೆ ಕುಬ್ಜಾ ನದಿ ಹರಿವು ನಿಲ್ಲಿಸಲು ಕಾರಣ ಎನ್ನುವುದು ಸ್ಥಳೀಯರು ಕೊಡುವ ಕಾರಣ. ನೀರಿನ ಬಳಕೆಗೊಂದು ಸಮಯ ನಿಗದಿ ಮಾಡಬೇಕು. ನೀರಿದೆ ಮೋಟಾರ್ ಇದೆ, ಉಚಿತ ಕರೆಂಟ್ ಇದೆ ಅಂತ ನೀರು ಬಿಡುವುದು ಕೃಷಿಗೆ ಪೂರಕವಲ್ಲ ಎನ್ನುವ ಅರಿವು ಕೃಷಿಕರಿಗೆ ಮೂಡಿಸಬೇಕು. ಹೊಳೆಯಲ್ಲಿ ಗುಮ್ಮಿ ತೆಗೆಯುವುದು, ಹೊಳೆ ಪಾತ್ರದ ಮಣ್ಣ ತೆಗೆದಯುವುದನ್ನು ಕಡ್ಡಾಯವಾಗಿ ನಿಲ್ಲಿಸಿದರೆ ಹಿಂದಿನಂತೆ ಏಪ್ರಿಲ್ ಕೊನೆಯ ತನಕ ನೀರು ಸ್ವಲ್ಪ ಪ್ರಮಾಣದಲ್ಲಿ ಹರಿಯಯಬಹುದು ಎಂದು ಜನ ಸಲಹೆ ಕೊಡುತ್ತಿದ್ದಾರೆ.
