ದುಬೈ: ದುಬೈನಲ್ಲಿ ವಾಸಿಸುತ್ತಿರುವ ಭಾರತೀಯನೊಬ್ಬ ಸುಂದರ ಹುಡುಗಿಯರಿಂದ ಮಸಾಜ್ ಪಡೆಯುವ ಆಸೆಗೆ ಬಿದ್ದು, ಸುಮಾರು 55 ಲಕ್ಷ ರೂಪಾಯಿ ಹಣ ಕಳೆದುಕೊಂಡ ಘಟನೆಯನ್ನು ಗಲ್ಫ್ ನ್ಯೂಸ್ ವರದಿ ಮಾಡಿದೆ. ಡೇಟಿಂಗ್ ಆ್ಯಪ್ನಲ್ಲಿ ನಕಲಿ ಮಸಾಜ್ ಪಾರ್ಲರ್ನ ಜಾಹೀರಾತು ಕಳಿಸಿ ವಂಚಿಸಿದ ಮೂವರು ನೈಜೀರಿಯಾದ ಮಹಿಳೆಯರನ್ನು ಪೊಲೀಸರು ಬಂಧಿಸಿದ್ದಾರೆ.
ಈ ಪ್ರಕರಣದಲ್ಲಿ ಹಣ ಕಳೆದುಕೊಂಡ 33 ವರ್ಷ ವಯಸ್ಸಿನ ಮಹಾಶಯನ ಹೆಸರನ್ನು ಬಹಿರಂಗಪಡಿಸಲಾಗಿಲ್ಲ. ಆದರೆ, ಅವನು ವಂಚನೆಗೊಳಗಾದ ವಿನೂತನ ವಿಧಾನವನ್ನು ವರದಿ ವಿವರಿಸಿದೆ. ಈ ಬಗೆಗೆ ದುಬೈ ಪೊಲೀಸರು ದಾಖಲಿಸಿರುವ ಮೊಕದ್ದಮೆಯನ್ನು ದುಬೈ ಕೋರ್ಟ್ ಆಫ್ ಫಸ್ಟ್ ಇನ್ಸ್ಟೆನ್ಸ್ ವಿಚಾರಣೆ ನಡೆಸುತ್ತಿದೆ.
ನವೆಂಬರ್ 2020 ರಲ್ಲಿ ಟಿಂಡರ್ ಡೇಟಿಂಗ್ ಆ್ಯಪ್ಅನ್ನು ಬಳಸುತ್ತಿದ್ದ ಗಂಡಸಿಗೆ ಸುಂದರ ಹುಡುಗಿಯರ ಚಿತ್ರವಿರುವ ಮಸಾಜ್ ಪಾರ್ಲರ್ನ ಸಂದೇಶ ಬಂದಿದೆ. 200 ದಿರ್ಹಾಮ್ (3,950 ರೂಪಾಯಿ)ಗೆ ಬಾಡಿ ಮಸಾಜ್ ನೀಡುವ ಈ ಜಾಹೀರಾತಿನಲ್ಲಿದ್ದ ದೂರವಾಣಿ ಸಂಖ್ಯೆಗೆ ಕರೆ ಮಾಡಿದ್ದಾನೆ. ಅವರು ನೀಡಿದ ವಿವರದ ಪ್ರಕಾರ ದುಬೈನ ಅಲ್ ರೇಫಾ ಪ್ರದೇಶದಲ್ಲಿರುವ ಅಪಾರ್ಟ್ಮೆಂಟ್ ಒಂದಕ್ಕೆ ಹೋಗಿದ್ದಾನೆ.
“ಒಳಗೆ ಹೋದಾಗ ನಾಲ್ಕು ಆಫ್ರಿಕನ್ ಮಹಿಳೆಯರಿದ್ದರು. ನನ್ನ ಮೊಬೈಲ್ನಲ್ಲಿ ಬ್ಯಾಂಕ್ ಆ್ಯಪ್ಅನ್ನು ತೆರೆದು ಹಣ ವರ್ಗಾಯಿಸುವಂತೆ ಹೇಳಿದರು. ಕುತ್ತಿಗೆಗೆ ಚಾಕು ಹಿಡಿದು ಹೆದರಿಸಿದರು. ಕಪ್ಪಾಳಕ್ಕೆ ಹೊಡೆದರು” ಎಂದು ಸಂತ್ರಸ್ತನು ದೂರಿನಲ್ಲಿ ತಿಳಿಸಿದ್ದ. ಒಬ್ಬ ಮಹಿಳೆ ಆತನ ಕ್ರೆಡಿಟ್ ಕಾರ್ಡ್ ತೆಗೆದುಕೊಂಡು ಎಟಿಎಂನಿಂದ 30 ಸಾವಿರ ದಿರ್ಹಾಮ್(5,92,586 ರೂ.) ಡ್ರಾ ಮಾಡಿದ್ದಾಳೆ. ಆತನನ್ನು ಒಂದು ದಿನದ ಮಟ್ಟಿಗೆ ಅಪಾರ್ಟ್ಮೆಂಟಲ್ಲೇ ಬಂಧಿಸಿಟ್ಟಿದ್ದ ಮಹಿಳೆಯರು, ಅವನ ಖಾತೆಯಿಂದ 250 ಸಾವಿರ ದಿರ್ಹಾಮ್(49,38,319 ರೂ.) ಗಳನ್ನು ಬೇರೆ ಬೇರೆ ಖಾತೆಗಳಿಗೆ ವರ್ಗಾಯಿಸಿದ್ದಾರೆ. ಹೀಗೆ ಒಟ್ಟು 55,30,806 ರೂಪಾಯಿಗಳನ್ನು ಲೂಟಿ ಮಾಡಿದ್ದಾರೆ.
ಇದನ್ನೂ ಓದಿ: ರಾಜಕಾರಣಿಗಳ, ಪೊಲೀಸ್ ಅಧಿಕಾರಿಗಳ ನಕಲಿ ಖಾತೆ ಮಾಡಿದ್ದ, ಹಣ ಪಡೆಯುತ್ತಿದ್ದ !
“ನನ್ನ ಐಫೋನನ್ನೂ ಕಸಿದುಕೊಂಡ ಮೇಲೇ ನನ್ನನ್ನು ಅಪಾರ್ಟ್ಮೆಂಟಿನಿಂದ ಹೊರಹೋಗಲು ಬಿಟ್ಟರು. ಆ ಕೂಡಲೇ ನಾನು ಬ್ಯಾಂಕಿಗೆ ವಿಚಾರ ತಿಳಿಸಿ, ಪೊಲೀಸರಿಗೆ ದೂರು ನೀಡಿದೆ” ಎಂದು ಆತ ವಿವರಿಸಿದ್ದಾನೆ. ತೀವ್ರ ತನಿಖೆಯ ನಂತರ, ಮೂವರು ಮಹಿಳೆಯರನ್ನು ಶಾರ್ಜಾದಿಂದ ಬಂಧಿಸಿರುವ ದುಬೈ ಪೊಲೀಸರು, ಮತ್ತೊಬ್ಬ ಮಹಿಳೆಗಾಗಿ ಹುಡುಕಾಟ ನಡೆಸುತ್ತಿದ್ದಾರೆ.(ಏಜೆನ್ಸೀಸ್)
ಕ್ಷಣಕ್ಷಣದ ಮಾಹಿತಿಗಾಗಿ ವಿಜಯವಾಣಿ ಫೇಸ್ಬುಕ್ ಪೇಜ್ ಲೈಕ್ ಮಾಡಿ
ಹದಿಹರೆಯದ ಮಗಳನ್ನೇ ರೇಪ್ ಮಾಡಿ ಗರ್ಭಿಣಿಯಾಗಿಸಿದ, ಗರ್ಭಪಾತವಾದ ಮೇಲೆ ಮತ್ತೆ ಮೇಲೆರಗಿದ… ಕೋರ್ಟ್ ಹೇಳಿದ್ದೇನು ?
ಕಲ್ಲಿದ್ದಲು ಕಳ್ಳಸಾಗಾಣಿಕೆ : ಅಭಿಷೇಕ್ ಬ್ಯಾನರ್ಜಿ ಹೆಂಡತಿಗೆ ಸಿಬಿಐ ನೋಟೀಸು
ಹೆಚ್ಚು ಹರಡುವ ಹೊಸ ರೂಪ ತಾಳುತ್ತಿದೆ ಕರೊನಾ : ವಹಿಸಿರಿ ಕಟ್ಟೆಚ್ಚರ