ನವದೆಹಲಿ: ಇನ್ನು ಇಮ್ಮ ಎಲ್ಐಸಿ ಪಾಲಿಸಿಯ ಮಾಹಿತಿಗಾಗಿ ಏಜೆಂಟರಲ್ಲಿ ಅಥವಾ ಹತ್ತಿರದ ಕೇಂದ್ರಕ್ಕೆ ಹೋಗಿ ಪದೇ ಪದೆ ಹೋಗಿ ಕೇಳಬೇಕಿಲ್ಲ. ಜೀವ ವಿಮೆಯ ಏನೇ ಮಾಹಿತಿ ಬೇಕಿದ್ದರೂ ಇನ್ನು ಬೆರಳತುದಿಯಲ್ಲಿ ಲಭ್ಯ ಆಗಲಿದೆ.
ಪಾಲಿಸಿದಾರರಿಗಾಗಿ, ಭಾರತೀಯ ಜೀವ ವಿಮಾ ನಿಗಮ (LIC) ತನ್ನ ಮೊದಲ ವಾಟ್ಸಪ್ ಸೇವೆಯನ್ನು ಪರಿಚಯಿಸಿದೆ. LIC ಅಧ್ಯಕ್ಷ ಎಂ.ಆರ್ ಕುಮಾರ್, ಕಂಪನಿಯ ಕೆಲವು ಸೇವೆಗಳನ್ನು ಪಾಲಿಸಿದಾರರಿಗೆ ವಾಟ್ಸಪ್ ಮೂಲಕ ಪರಿಚಯಿಸಿದ್ದಾರೆ. 8976862090 ಮೊಬೈಲ್ ಸಂಖ್ಯೆಗೆ “ಹಾಯ್” ಎಂದು ಸಂದೇಶ ಕಳಿಸಿದರೆ ಸಾಕು, ಪಾಲಿಸಿದಾರರು ಮನೆಯಲ್ಲೇ ಕುಳಿತು ಪಾಲಿಸಿ ಸ್ಟೇಟ್ಮೆಂಟ್, LIC ಸರ್ವೀಸಸ್ ಲಿಂಕ್ಗಳು, ಪಾಲಿಸಿ ಪ್ರಾರಂಭಿಸುವ ಅಥವಾ ಕೊನೆಗೊಳಿಸುವ ಸೇವೆಯನ್ನು ನೀಡುತ್ತಿದೆ.
‘LIC ಪೋರ್ಟಲ್‌ನಲ್ಲಿ ತಮ್ಮ ಪಾಲಿಸಿಗಳನ್ನು ನೋಂದಾಯಿಸಿದ ಪಾಲಿಸಿದಾರರು ವಾಟ್ಸಪ್ನಲ್ಲಿ ಈ ಸೇವೆಗಳನ್ನು ಬಳಸಿಕೊಳ್ಳಲು ಸಾಧ್ಯವಾಗುತ್ತದೆ’ ಎಂದು LIC ತನ್ನ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ.
ತಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಯಿಂದ, ಪಾಲಿಸಿದಾರರು ಈ ಮೊಬೈಲ್ ಸಂಖ್ಯೆ 8976862090 ಗೆ ‘ಹಾಯ್’ ಎಂದು ಸಂದೇಶ ಕಳುಹಿಸಬೇಕು. ಆಗ ಮೇಲೆ ಹೇಳಿದ ಸೇವೆಗಳ ವಿವರ ಕಾಣಸಿಗುತ್ತದೆ. ನಂತರ ಬೇಕಾದದ್ದನ್ನು ಆರಿಸಬಹುದು. (ಏಜೆನ್ಸೀಸ್)