ವಾಷಿಂಗ್ಟನ್: ಅತಿ ಚಿಕ್ಕ ವಯಸ್ಸಿಗೆ ಶ್ರೀಮಂತರಾಗಿ ಹೊರಹೊಮ್ಮುವವರು ಅನೇಕರಿದ್ದಾರೆ. ಆದರೆ ಕೇವಲ 23 ವರ್ಷಕ್ಕೆ ಯುವತಿಯೊಬ್ಬಳು ಪ್ರಪಂಚದಲ್ಲೇ ಅತಿ ಹೆಚ್ಚು ಗಳಿಸುವವರ ಸಾಲಿಗೆ ಬರುತ್ತಾಳೆಂದರೆ ನಂಬುತ್ತೀರಾ? ಆಶ್ಚರ್ಯವಾದರೂ ಇದು ಸತ್ಯ. ಅಮೆರಿಕದ ಕೈಲಿ ಜೆನ್ನರ್ 2020ರ ಅತಿ ಹೆಚ್ಚು ಗಳಿಕೆ ಪಡೆದ ಶ್ರೀಮಂತೆ!
ಇದನ್ನೂ ಓದಿ: ಹಸೆಮಣೆ ಏರಬೇಕಾದವಳು ಆಸ್ಪತ್ರೆ ಸೇರಿದಳು! ಆಸ್ಪತ್ರೆಯ ಹಾಸಿಗೆಯಲ್ಲೇ ನಡೆಯಿತು ಮದುವೆ!
ಕೈಲಿಗೆ ಈಗ 23 ವರ್ಷ. ಅಮೆರಿಕ ಮೂಲದ ಈಕೆ ಅಲ್ಲಿನ ರಿಯಾಲಿಟಿ ಟಿವಿಯಲ್ಲಿ ಸೂಪರ್ಸ್ಟಾರ್ ಆಗಿದ್ದಾಳೆ. ಹಾಗೆಯೇ ಈಕೆ ಕಾಸ್ಮೆಟಿಕ್ ಬಿಸಿನೆಸ್ನ್ನೂ ನಡೆಸುತ್ತಾಳೆ. ಇವೆರೆಡು ಕೆಲಸದಿಂದ ಈಕೆ 2020ರಲ್ಲಿ 540 ಮಿಲಿಯನ್ ಡಾಲರ್ ಅಂದರೆ ಸರಿಸುಮಾರು 3,972 ಕೋಟಿ ರೂಪಾಯಿ. ಫೋರ್ಬ್ಸ್ ನಿಯತಕಾಲಿಕೆ ಬಿಡುಗಡೆ ಮಾಡಿರುವ ಹೆಚ್ಚು ಆದಾಯ ಗಳಿಸಿದವರ ಪಟ್ಟಿಯಲ್ಲಿ ಈಕೆಯ ಹೆಸರ ಮೊದಲಿದೆ.
ಫೋರ್ಬ್ಸ್ ಪಟ್ಟಿಯಲ್ಲಿ ಅಮೆರಿಕದ ರ್ಯಾಪರ್ ಕೆನ್ನಿ ವೆಸ್ಟ್ ಎರಡನೇ ಸ್ಥಾನದಲ್ಲಿದ್ದು, ಟೆನಿಸ್ ಆಟಗಾರ ರೋಜರ್ ಫೆಡರರ್ ಮೂರನೇ ಸ್ಥಾನ, ಪೋರ್ಚುಗಲ್ ಸೂಪರ್ ಸ್ಟಾರ್ ಫುಟ್ಬಾಲ್ ಆಟಗಾರ ಕ್ರಿಸ್ಟಿಯಾನೊ ರೊನಾಲ್ಡೊ ನಾಲ್ಕನೇ ಸ್ಥಾನ ಮತ್ತು ಅರ್ಜೆಂಟೀನಾದ ಸೂಪರ್ ಸ್ಟಾರ್ ಫುಟ್ಬಾಲ್ ಆಟಗಾರ ಲಿಯೋನೆಲ್ ಮೆಸ್ಸಿ ಐದನೇ ಸ್ಥಾನದಲ್ಲಿದ್ದಾರೆ.
ಕ್ಯಾನಿ ವೆಸ್ಟ್ 2020ರಲ್ಲಿ 170 ಮಿಲಿಯನ್ ಡಾಲರ್ ಗಳಿಸಿದ್ದಾರೆ. 2020 ರ ಫೋರ್ಬ್ಸ್ ಟಾಪ್ 10 ಪಟ್ಟಿಯಲ್ಲಿ, ಕುಸ್ತಿ ಪಟು ಮತ್ತು ಹಾಲಿವುಡ್ ನಟ ಡ್ವೇನ್ ಜಾನ್ಸನ್, ಪ್ರಸಿದ್ಧ ಬ್ರೆಜಿಲ್ ಫುಟ್ಬಾಲ್ ಆಟಗಾರ ನೇಮಾರ್, ಅಮೇರಿಕನ್ ನಟ ಟೇಲರ್ ಪೆರ್ರಿ ಮತ್ತು ಅಮೆರಿಕದ ಹೊವಾರ್ಡ್ ಸ್ಟೈನ್ ಕೂಡ ಕಾಣಿಸಿಕೊಂಡಿದ್ದಾರೆ. (ಏಜೆನ್ಸೀಸ್)
ಕಿರಿ ಸೊಸೆ ಜತೆ ಮಾವನ ಅಕ್ರಮ ಸಂಬಂಧ; ವಿಚಾರ ತಿಳಿದ ಹಿರಿ ಸೊಸೆ, ಅತ್ತೆ ಮಾಡಿದ್ದೇನು ಗೊತ್ತಾ?
ಈ ಕೇಸ್ ಸಾಲ್ವ್ ಮಾಡೋಕೆ ಸಹಾಯ ಮಾಡಿದರೆ ನಿಮಗೆ ಸಿಗುತ್ತೆ 2.7 ಕೋಟಿ ರೂಪಾಯಿ!