ಬೆಂಗಳೂರು: ಕುರಿ ಪ್ರತಾಪ್ ಇದುವರೆಗೂ ಅದೆಷ್ಟೋ ಚಿತ್ರಗಳಲ್ಲಿ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಈಗ ಇದೇ ಮೊದಲ ಬಾರಿಗೆ ಹೀರೋ ಲೆವೆಲ್ಲಿನ ಪಾತ್ರದಲ್ಲಿ ಅವರು ನಟಿಸಿದ್ದಾರೆ. ಹೆಸರು ‘ಆರ್ಸಿ ಬ್ರದರ್ಸ್’. ಬ್ರದರ್ಸ್ ಎಂದರೆ ಇನ್ನೊಬ್ಬರು ಇರಲೇಬೇಕಲ್ಲ. ಕುರಿ ಜತೆಗೆ ಇನ್ಯಾರು ನಟಿಸುತ್ತಿದ್ದಾರೆ ಎಂಬ ಪ್ರಶ್ನೆ ಸಹಜ. ಕುರಿ ಜತೆಗೆ ಇನ್ನೊಬ್ಬ ಬ್ರದರ್ ಆಗಿ ತಬಲಾ ನಾಣಿ ನಟಿಸುತ್ತಿದ್ದಾರೆ. ಇದವರ 125ನೇ ಚಿತ್ರವಂತೆ. ಇದೊಂದು ಅಣ್ಣ-ತಮ್ಮನ ಬಾಂಧವ್ಯದ ಕಥೆ ಎನ್ನುತ್ತಾರೆ ನಿರ್ದೇಶಕ ಪ್ರಕಾಶ್. ಚಿತ್ರದ ಕುರಿತು ಮಾತನಾಡುವ ಅವರು, ‘ಆರ್ಸಿ ಎಂದರೆ ರಾಯಲ್ ಚಾಲೆಂಜರ್ಸ್ ಎಂದು ಎಲ್ಲರಿಗೂ ಗೊತ್ತೇ ಇದೆ. ಇಲ್ಲಿ ಆರ್ಸಿ ಏನು ಎಂಬುದು ಸದ್ಯಕ್ಕೆ ಸಸ್ಪೆನ್ಸ್.
ಇದೊಂದು ಪಕ್ಕಾ ಕಾಮಿಡಿ ಚಿತ್ರವಾಗಿದ್ದು, ಯಾರೂ ಹೀರೋ ಅಂತಿಲ್ಲ. ಇಲ್ಲಿ ಕಥೆಯೇ ಹೀರೋ ಆಗಿದ್ದು, ಪ್ರತಾಪ್ ಮತ್ತು ತಬಲಾ ನಾಣಿ ಇಬ್ಬರೂ ಮುಖ್ಯಭೂಮಿಕೆಯಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಚಿತ್ರದಲ್ಲಿ ಪ್ರತಾಪ್ಗೆ ಜೋಡಿಯಾಗಿ ‘ಕಾಮಿಡಿ ಕಿಲಾಡಿಗಳು’ ನಯನಾ ಕಾಣಿಸಿಕೊಳ್ಳುತ್ತಿದ್ದಾರೆ. ಮಾರ್ಚ್ 15ರಿಂದ ಚಿತ್ರೀಕರಣ ಪ್ರಾರಂಭವಾಗಲಿದ್ದು, ಮಣಿ ಶಶಾಂಕ್ ಮತ್ತು ಸಹನಾ ಗಿರೀಶ್ ನಿರ್ವಿುಸುತ್ತಿರುವ ಈ ಚಿತ್ರಕ್ಕೆ ಕಿರಣ್ ಕುಮಾರ್ ಛಾಯಾಗ್ರಹಣ ಮತ್ತು ಪ್ರದೀಪ್ ವರ್ಮ ಸಂಗೀತವಿದೆ.
Video| ಸ್ಟ್ಯಾಚ್ಯು ಇಡುವುದೇ ದೊಡ್ಡ ಕತೆ, ಆಫೀಸ್ ಬೇರೆ ಮಾಡ್ಬೇಕಾ?: ಡಾ.ರಾಜ್ ಕುರಿತು ನಾಲಿಗೆ ಹರಿಬಿಟ್ಟ ಶಾಸಕ