ಚೆನ್ನೈ: ಬ್ಯೂಟಿ ಕ್ವೀನ್ ಕೀರ್ತಿ ಸುರೇಶ್, ಸೌತ್ ಸಿನಿರಂಗದ ಬಹುಬೇಡಿಕೆಯ, ಬಹುಭಾಷಾ ನಟಿ. ಕೆಲವು ದಿನಗಳ ಹಿಂದಷ್ಟೇ ಕಾಲಿವುಡ್ ಬ್ಯೂಟಿ 30ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ. ಹುಟ್ಟುಹಬ್ಬದ ದಿನ ಅವರ ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಶುಭಾಶಯಗಳ ಮಹಾಪೂರ ಹರಿಸುವುದರ ಜೊತೆಗೆ ಕೀರ್ತಿ ಸುರೇಶ್ ಅವರ ಹೆಸರನ್ನು ಇಡೀ ದಿನ ಟ್ರೆಂಡಿಂಗ್ನಲ್ಲಿ ಇಟ್ಟಿದ್ದರು. ಇದಕ್ಕೆ ಪ್ರತಿಯಾಗಿ ಅಭಿಮಾನಿಗಳಿಗೆ ಪಾರ್ಟಿ ನೀಡುವ ಮೂಲಕ ಕೀರ್ತಿ ಸುರೇಶ್ ವಿಶೇಷ ಗೌರವ ಸಲ್ಲಿಸಿದ್ದಾರೆ. ಅಲ್ಲದೆ, ಇತರೆ ನಟಿಯರಿಗಿಂತ ಅಭಿಮಾನಿಗಳ ವಿಚಾರದಲ್ಲಿ ವಿಭಿನ್ನ ನಿಂತಿದ್ದಾರೆ.
ಚೆನ್ನೈನ ಸ್ಟಾರ್ ಹೋಟೆಲ್ನಲ್ಲಿ ತಮ್ಮ ಅಭಿಮಾನಿಗಳಿಗೆ ಪಾರ್ಟಿ ನೀಡಿದ ಕೀರ್ತಿ ಸುರೇಶ್, ಕೆಲ ಕಾಲ ಅವರೊಂದಿಗೆ ಸಂವಾದ ಸಹ ನಡೆಸಿದರು. ಅಲ್ಲದೆ, ಸೆಲ್ಫಿ ಮತ್ತು ವಿಡಿಯೋಗಳಿಗೆ ಪೋಸ್ ನೀಡಿದರು. ಅಭಿಮಾನಿಗಳ ಜೊತೆ ಕೇಕ್ ಕತ್ತರಿಸಿದ ಬಳಿಕ ತಾವು ಸಹ ಅಭಿಮಾನಿಗಳ ಜೊತೆ ಕುಳಿತು ಭೋಜನ ಸವಿದರು. ಇದಕ್ಕೆ ಸಂಬಂಧಿಸಿದ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದು, ಕೀರ್ತಿ ಸುರೇಶ್ ಅವರು ನೆಟ್ಟಿಗರ ಮನ ಗೆದ್ದಿದ್ದಾರೆ.
ಇದುವರೆಗೂ ನಾಯಕ ನಟರು ಮಾತ್ರ ಇಂತಹ ಪಾರ್ಟಿಗಳನ್ನು ಆಯೋಜಿಸುತ್ತಿದ್ದರು. ಆದರೆ, ಇದೇ ಮೊದಲ ಬಾರಿಗೆ ಓರ್ವ ನಟಿ ತನ್ನ ಅಭಿಮಾನಿಗಳಿಗೆ ಪಾರ್ಟಿ ಆಯೋಜಿಸುವ ಮೂಲಕ ವಿಶೇಷ ಗೌರವ ಸಲ್ಲಿಸಿದ್ದಾರೆ.
ಇನ್ನು ಸಿನಿಮಾ ವಿಚಾರಕ್ಕೆ ಬಂದರೆ, ಕೀರ್ತಿ ಸುರೇಶ್ ಪ್ರಸ್ತುತ ಐ ಸಿರೆನ್ ಹೆಸರಿನ ಸಿನಿಮಾದಲ್ಲಿ ಜಯಂ ರವಿ ಜೊತೆ ನಟಿಸುತ್ತಿದ್ದಾರೆ. ಅವರ ಬಹುಭಾಷ ಸಿನಿಮಾ “ದಸರಾ” ಬಿಡುಗಡೆಗೆ ಸಜ್ಜಾಗುತ್ತಿದೆ. ಈ ಚಿತ್ರದಲ್ಲಿ ತೆಲುಗು ನಟ ನಾನಿ ಮುಖ್ಯ ಪಾತ್ರದಲ್ಲಿ ನಟಿಸಿದ್ದಾರೆ. (ಏಜೆನ್ಸೀಸ್)
ಭಾರತದ 8 ಸಿಟಿ ಹೆಚ್ಚು ಮಲಿನ: ವಿಶ್ವ ವಾಯು ಗುಣಮಟ್ಟ ಸೂಚ್ಯಂಕ; ಉತ್ತಮದಲ್ಲಿ ಏಕೈಕ ನಗರ
ಮಾತು ತಪ್ಪದ ಯಶ್; ಪ್ರಕಾಶ್ ರೈ ಜತೆ ನಿಂತ ಯಶೋಮಾರ್ಗ, ಕೆವಿಎನ್ ಫೌಂಡೇಷನ್
ಗುರೂಜಿ ಆಕೆಯನ್ನಷ್ಟೇ ಹೊಗಳುತ್ತಿದ್ದರು; ಪ್ರಿಯಾಂಕಾ ನನಗಿಂತ ಉತ್ತಮ ಡಾನ್ಸರ್ ಎಂದ ಕತ್ರಿನಾ