ಮುಂಬೈ: ಬಾಲಿವುಡ್ ಸ್ಟಾರ್ಗಳಾದ ವಿಕಿ ಕೌಶಲ್ ಮತ್ತು ಕತ್ರೀನಾ ಕೈಫ್ ಮುಂದಿನ ತಿಂಗಳಲ್ಲಿ ರಾಜಸ್ಥಾನದಲ್ಲಿ ಅದ್ಧೂರಿ ವಿವಾಹ ಮಾಡಿಕೊಳ್ಳಲು ಸಿದ್ಧತೆ ನಡೆಸಿದ್ದಾರೆ. ಇನ್ನೇನು ಈ ಸೆಲೆಬ್ರಿಟಿ ಜೋಡಿಯಿಂದ ಅಧಿಕೃತ ಆಮಂತ್ರಣ ಬರುತ್ತದೆ ಎಂಬ ನಿರೀಕ್ಷೆ ಇರುವಾಗ ಮತ್ತೊಂದು ಮಹತ್ವದ ಸುದ್ದಿ ಹೊರಬಿದ್ದಿದೆ. ಅದೆಂದರೆ ತಮ್ಮ ಸಾಂಪ್ರದಾಯಿಕ ಮದುವೆಯ ಮುನ್ನ ಇವರು ‘ರಿಜಿಸ್ಟರ್ಡ್ ಮ್ಯಾರೇಜ್’ ಮಾಡಿಕೊಳ್ಳಲಿದ್ದಾರೆ ಎಂಬುದು.
ಹೌದು! ಬಾಲಿವುಡ್ಲೈಫ್ ಸುದ್ದಿಜಾಲದ ವರದಿಯ ಪ್ರಕಾರ ಕತ್ರೀನಾರ ಆಪ್ತ ಸ್ನೇಹಿತರಿಂದ ಈ ಮಾಹಿತಿ ಹೊರಬಿದ್ದಿದೆ. ಮುಂಬೈನ ಮದುವೆ ನೋಂದಣಿ ಕಛೇರಿಯಲ್ಲಿ ಮುಂದಿನ ವಾರ ಕಾನೂನು ರೀತ್ಯಾ ಪತಿಪತ್ನಿಯ ಪಾತ್ರಕ್ಕೆ ಎಂಟ್ರಿ ನೀಡಲಿದ್ದಾರೆ. ನಂತರ ಡಿಸೆಂಬರ್ನಲ್ಲಿ ರಾಜಸ್ಥಾನದ ರಣತೊಂಬೋರ್ ಬಳಿ ಇರುವ ರೆಸಾರ್ಟ್ನಲ್ಲಿ ಮದುವೆ ಶಾಸ್ತ್ರಗಳನ್ನು ಎರಡು ದೊಡ್ಡ ಕಾರ್ಯಕ್ರಮಗಳ ಮೂಲಕ ನಡೆಸಲಿದ್ದಾರೆ ಎನ್ನಲಾಗಿದೆ.
ಇದನ್ನೂ ಓದಿ: ಕತ್ರೀನಾ – ವಿಕಿ ಕೌಶಲ್ ಮದುವೆಗೆ ‘ನೋ ಫೋನ್’ ನಿಯಮ?!
ಈ ಹಾಟ್ ಕಪಲ್ ಡೇಟಿಂಗ್ ಮಾಡುತ್ತಿರುವುದು ಬಹಳ ದಿನಗಳಿಂದ ಓಪನ್ ಸೀಕ್ರೆಟ್ ಆಗಿಬಿಟ್ಟಿದೆ. ಆದರೆ ಇಬ್ಬರೂ ತಮ್ಮ ನಡುವಿನ ಅನುಬಂಧದ ಬಗ್ಗೆಯಾಗಲಿ, ಮದುವೆಯ ಯೋಜನೆಯ ಬಗ್ಗೆಯಾಗಲಿ ತುಟಿಪಿಟಿಕ್ ಎಂದಿಲ್ಲ. ಆದರೆ, ಕತ್ರೀನಾ ತಮ್ಮ ಕೆಲಸದಿಂದ ಬ್ರೇಕ್ ತೆಗೆದುಕೊಂಡು ವಿಕಿ ಅಮ್ಮನ ಜೊತೆಗೆ ಮದುವೆ ತಯಾರಿಯಲ್ಲಿ ತೊಡಗಿದ್ದಾರೆ. ಮತ್ತೊಂದೆಡೆ, ವಿಕಿ ತಮ್ಮ ಶೂಟ್ಗಳನ್ನು ಬೇಗ ಮುಗಿಸುವ ಪ್ರಯತ್ನದಲ್ಲಿದ್ದಾರೆ ಎಂದು ವರದಿ ತಿಳಿಸಿದೆ. (ಏಜೆನ್ಸೀಸ್)
VIDEO| ಗಾರ್ಲಿಕ್ ಅಂದ್ರೆ ಶುಂಠಿ ಎಂದ ಪಾಕ್ ಸಚಿವ! ಜಾಲತಾಣದಲ್ಲಿ ನಗೆಪಾಟಲು