ಬೆಂಗಳೂರು: ಭಾರತದಲ್ಲಿ ಪುರುಷರ ಕ್ರಿಕೆಟ್ ತಂಡಕ್ಕೆ ಮುಖ್ಯ ಕೋಚ್ ಆಗಿ ಕಾರ್ಯನಿರ್ವಹಿಸಿದ ಮೊದಲ ಮಹಿಳೆ ಎಂಬ ಹೆಗ್ಗಳಿಕೆಯೊಂದು ಕನ್ನಡತಿಗೆ ಒಲಿದು ಬಂದಿದೆ. ರಾಜ್ಯದ ಮಾಜಿ ಆಟಗಾರ್ತಿ ವಿಆರ್ ವನಿತಾ ಮುಂಬರುವ ಮಹಾರಾಜ ಟ್ರೋಫಿ ಟಿ20 ಟೂರ್ನಿಯಲ್ಲಿ ಆಡಲಿರುವ ಶಿವಮೊಗ್ಗ ಲಯನ್ಸ್ ತಂಡಕ್ಕೆ ಮುಖ್ಯ ಕೋಚ್ ಆಗಿ ಕಾರ್ಯನಿರ್ವಹಿಸಲಿದ್ದಾರೆ. 33 ವರ್ಷದ ವನಿತಾ ಮಹಿಳಾ ಐಪಿಎಲ್ ಖ್ಯಾತಿಯ ವುಮೆನ್ಸ್ ಪ್ರೀಮಿಯರ್ ಲೀಗ್ನಲ್ಲಿ ಆರ್ಸಿಬಿ ಮಹಿಳಾ ತಂಡಕ್ಕೆ ಫೀಲ್ಡಿಂಗ್ ಕೋಚ್ ಆಗಿದ್ದರು. ಭಾರತ ಮಹಿಳಾ ತಂಡದ ಪರ 16 ಏಕದಿನ ಮತ್ತು 6 ಟಿ20 ಪಂದ್ಯ ಆಡಿರುವ ವನಿತಾ, ಕಳೆದ ವರ್ಷ ಫೆಬ್ರವರಿಯಲ್ಲಿ ನಿವೃತ್ತಿ ಹೊಂದಿದ ಬಳಿಕ ಕೋಚಿಂಗ್ನತ್ತ ಗಮನಹರಿಸಿದ್ದರು.
“ಪುರುಷರ ತಂಡಕ್ಕೂ ತರಬೇತಿ ನಿಡುವ ಬಗ್ಗೆ ದೀರ್ಸಮಯದಿಂದಲೇ ಯೋಚಿಸುತ್ತಿದ್ದೆ. ನಾನು ಸಹಾಯಕ ಕೋಚ್ ಆಗಿಯಾದರೂ ತಂಡ ಸೇರಿಕೊಳ್ಳಬೇಕೆಂದಿದ್ದೆ. ಆದರೆ ಫ್ರಾಂಚೈಸಿಯವರು, ನಾನು ಮುಖ್ಯ ಕೋಚ್ ಆಗುವ ಅರ್ಹತೆ ಹೊಂದಿದ್ದೇನೆ ಎಂದು ವಿಶ್ವಾಸ ತುಂಬಿದರು’ ಎಂದು ವನಿತಾ ಹೇಳಿಕೊಂಡಿದ್ದಾರೆ. ಅವರು ರಾಜ್ಯ 16 ವಯೋಮಿತಿ ಮಹಿಳಾ ತಂಡದ ಕೋಚ್ ಆಗಿಯೂ ಕಾರ್ಯನಿರ್ವಹಿಸಿದ್ದಾರೆ. ಆಸ್ಟ್ರೆಲಿಯಾದ ಮೆಲ್ಬೋರ್ನ್ನಲ್ಲಿ ವನಿತಾ ಕ್ರಿಕೆಟ್ ವಿಕ್ಟೋರಿಯಾದ ಇಂಟರ್ನ್ಯಾಷನಲ್ ಕೋಚಿಂಗ್ ಕೋರ್ಸ್ ಕೂಡ ರ್ಪೂಗೊಳಿಸಿದ್ದಾರೆ. ಆರ್ಸಿಬಿ ಮಹಿಳಾ ತಂಡದ ಪರ ಹರಾಜಿನಲ್ಲಿ ಭಾಗವಹಿಸಿದ್ದ ಅನುಭವದೊಂದಿಗೆ ವನಿತಾ, ಶನಿವಾರ ನಡೆದ ಮಹಾರಾಜ ಟ್ರೋಫಿ ಆಟಗಾರರ ಹರಾಜಿನಲ್ಲಿ ಅಭಿನವ್ ಮನೋಹರ್, ಶ್ರೇಯಸ್ ಗೋಪಾಲ್, ನಿಹಾಲ್ ಉಲ್ಲಾಳ್, ವಿ. ಕೌಶಿಕ್, ರೋಹನ್ ಕದಂ ಅವರಂಥ ರಾಜ್ಯದ ಟಿ20 ತಾರೆಯರನ್ನು ಶಿವಮೊಗ್ಗ ಲಯನ್ಸ್ ತಂಡಕ್ಕೆ ಸೇರಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ.
Feeling incredibly blessed to lead the fierce and passionate Shivamogga Lions as their HEAD COACH! 🏏🦁 Grateful for this amazing opportunity. Let’s roar together to new heights! 🌟#ShivamoggaLions pic.twitter.com/ZJIuUL96TD
— Vanitha VR || ವನಿತಾ.ವಿ.ಆರ್ (@ImVanithaVR) July 23, 2023
ಪುರುಷರ ಕ್ರಿಕೆಟ್ ತಂಡಕ್ಕೆ ಮಹಿಳೆಯೊಬ್ಬರು ಕೋಚ್ ಆಗುತ್ತಿರುವುದು ಇದೇ ಮೊದಲಲ್ಲ. 2021ರಲ್ಲಿ ಇಂಗ್ಲೆಂಡ್ನ ಮಾಜಿ ವಿಕೆಟ್ ಕೀಪರ್ ಸಾರಾ ಟೇಲರ್ ಪುರುಷರ ವೃತ್ತಿಪರ ಫ್ರಾಂಚೈಸಿ ಕ್ರಿಕೆಟ್ ತಂಡಕ್ಕೆ ಕೋಚ್ ಆದ ಮೊದಲ ಮಹಿಳೆ ಎನಿಸಿದ್ದರು. ಆಸ್ಟ್ರೆಲಿಯಾದ ಪುರುಷರ ಬಿಗ್ಬಾಷ್ ಟಿ20 ಲೀಗ್ನಲ್ಲಿ ಜೂಲಿಯಾ ಪೆಸ್ 2019ರಲ್ಲೇ ಬ್ರಿಸ್ಬೇನ್ ಹೀಟ್ಸ್ ತಂಡಕ್ಕೆ ಸಹಾಯಕ ಕೋಚ್ ಆಗಿದ್ದರು. ಆದರೆ ಭಾರತದಲ್ಲಿ ಮಹಿಳೆಯೊಬ್ಬರು ಪುರುಷರ ವೃತ್ತಿಪರ ತಂಡಕ್ಕೆ ತರಬೇತುದಾರರಾಗುತ್ತಿರುವುದು ಇದೇ ಮೊದಲಾಗಿದೆ.
ಮಹಿಳಾ ಕ್ರಿಕೆಟರ್ ಸ್ಮೃತಿ ಮಂದನಾ ಬರ್ತ್ಡೇಗೆ ಬಾಂಗ್ಲಾದೇಶದಲ್ಲಿ ಸಪ್ರ್ರೈಸ್ ನೀಡಿದ ಬಾಯ್ಫ್ರೆಂಡ್!
VIDEO: ಏಕದಿನ ವಿಶ್ವಕಪ್ಗೆ ಶಾರುಖ್ ಖಾನ್ ವಿಶೇಷ ಪ್ರಚಾರ; ವಿಡಿಯೋ ವೈರಲ್