ಚೆನ್ನೈ: ದಿಗ್ಗಜ ಸಂಗೀತ ನಿರ್ದೇಶಕ ಇಳಯರಾಜ ಅವರು ತಮ್ಮ ಬಹುವರ್ಷಗಳ ಒಡನಾಡಿ ಡಾ.ಎಸ್.ಪಿ. ಬಾಲಸುಬ್ರಹ್ಮಣ್ಯಂ ಅವರ ನಿಧನದಿಂದ ಸಾಕಷ್ಟು ನೊಂದಿದ್ದಾರೆ. ಅಷ್ಟೇ ಅಲ್ಲ, ಅವರ ಸಾವಿನ ನೋವು ತಡೆಯುವುದಕ್ಕ ಆಗುತ್ತಿಲ್ಲ ಎಂದು ಹೇಳಿಕೊಂಡಿದ್ದಾರೆ.
ಇದನ್ನೂ ಓದಿ: ಅಭಿಮಾನಿಯ ಚಪ್ಪಲಿ ಎತ್ತಿಕೊಟ್ಟ ವಿಜಯ್ಗೆ ಭಾರೀ ಮೆಚ್ಚುಗೆ …
ಈ ಮಧ್ಯೆ, ಅವರು ಚೆನ್ನೈನಿಂದು 190 ಕಿಲೋಮೀಟರ್ ದೂರದಲ್ಲಿರುವ ತಿರುವಣ್ಣಾಮಲೈಗೆ ಹೋಗಿ ಅಲ್ಲಿನ ಅರುಣಾಚಲೇಶ್ವರ ದೇವಸ್ಥಾನಕ್ಕೆ ಹೋಗಿ, ಎಸ್ಪಿಬಿ ಅವರ ನೆನಪಲ್ಲಿ ಮೋಕ್ಷ ದೀಪವನ್ನು ಹಚ್ಚಿ ವಾಪಸ್ಸಾಗಿದ್ದಾರೆ.
ಹಿಂದೂ ಸಂಪ್ರದಾಯಗಳ ಪ್ರಕಾರ, ಮೋಕ್ಷ ದೀಪ ಹಚ್ಚಿದರೆ ಆಗ ಮೃತರ ಆತ್ಮಕ್ಕೆ ಸದ್ಗತಿ ಸಿಗಲಿದೆ ಎಂಬ ನಂಬಿಕೆ ಇದೆ. ಅದೇ ಕಾರಣಕ್ಕೆ, ಇಳಯರಾಜ ಅವರು ಶನಿವಾರ ಬೆಳಿಗ್ಗೆಯೇ, ದೇವಸ್ಥಾನಕ್ಕೆ ಹೋಗಿ ಮೋಕ್ಷ ದೀಪವನ್ನು ಹಚ್ಚಿ ಬಂದಿದ್ದಾರೆ. ದೇವಸ್ಥಾನದಲ್ಲಿ ಇಳಯರಾಜ ಅವರು ದೀಪ ಹಚ್ಚುತ್ತಿರುವ ಫೋಟೋಗಳು, ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿವೆ.
ಬಾಲಸುಬ್ರಹ್ಮಣ್ಯಂ ಮತ್ತು ಇಳಯರಾಜ ಅವರು 50 ವರ್ಷ ಹಳೆಯ ಗೆಳೆಯರು. ಇಳಯರಾಜ ಅವರು ಸಂಗೀತ ನಿರ್ದೇಶಕರಾಗುವುದಕ್ಕಿಂತ ಮುನ್ನ, ಬಾಲಸುಬ್ರಹ್ಮಣ್ಯಂ ಅವರ ಬ್ಯಾಂಡ್ನಲ್ಲಿ ಸಂಗೀತಗಾರರಾಗಿದ್ದರು. ತಮ್ಮ ಗೆಳೆಯನ ನಿಧನದಿಂದ ತಮಗಾಗಿರುವ ನೋವು ಅಷ್ಟಿಷ್ಟಲ್ಲ ಎಂದು ಅವರು ಹೇಳಿಕೊಂಡಿದ್ದಾರೆ.
ಇದನ್ನೂ ಓದಿ: ಬಾಯ್ಫ್ರೆಂಡ್ ಹುಟ್ಟುಹಬ್ಬಕ್ಕೆ 25 ಲಕ್ಷ ರೂ. ಖರ್ಚು ಮಾಡಿದ ನಯನತಾರಾ
ಈ ಕುರಿತು ವಿಡಿಯೋ ಬಿಡುಗಡೆ ಮಾಡಿರುವ ಅವರು, ‘ಎಲ್ಲಿ ಹೊರಟು ಹೋದೆ ಬಾಲು? ನಿನ್ನ ಸಾವಿನ ಬಗ್ಗೆ ಏನು ಹೇಳಬೇಕು ಗೊತ್ತಾಗುತ್ತಿಲ್ಲ. ನನಗಂತೂ ಮಾತುಗಳೇ ಬರುತ್ತಿಲ್ಲ. ಎಲ್ಲಾ ನೋವುಗಳಿಗೂ ಒಂದು ಲಿಮಿಟ್ ಎನ್ನುವುದು ಇರುತ್ತದೆ. ಆದರೆ, ನಿನ್ನ ಅಗಲಿಕೆಯ ನೋವನ್ನು ತಡೆಯುವುದಕ್ಕೆ ಆಗುತ್ತಿಲ್ಲ’ ಎಂದು ಅವರು ಹೇಳಿಕೊಂಡಿದ್ದಾರೆ.
ಬಿಲ್ ಪಾವತಿಸದೆ ಎಸ್ಪಿಬಿ ಅವರ ಪಾರ್ಥೀವ ಶರೀರ ಕೊಡಲ್ಲ ಎಂದರೇ ಆಸ್ಪತ್ರೆಯವರು?