ನವದೆಹಲಿ: ಅಣ್ಣಂದಿರಿಗೆ ತಂಗಿಯ ಬಗ್ಗೆ ರಕ್ಷಣಾ ಭಾವ ಇರುತ್ತದೆ ಎನ್ನುವುದು ಎಲ್ಲರಿಗೂ ಗೊತ್ತಿರುವ ವಿಚಾರ. ಆದರೆ ಅದೇ ರಕ್ಷಣಾ ಭಾವ ಹೆಚ್ಚಾದರೆ ದೊಡ್ಡ ಅನಾಹುತಗಳೂ ನಡೆದುಬಿಡಬಹುದು. ಇದೀಗ ಅಂತದ್ದೇ ಒಂದು ಅವಘಡ ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ನಡೆದಿದೆ.
ಇದನ್ನೂ ಓದಿ: 26/11 ಮುಂಬೈ ದಾಳಿ ದಿನವೇ ಮತ್ತೊಂದು ದಾಳಿಗೆ ಯೋಜನೆ !
ದೆಹಲಿಯ ವೆಲ್ಕಮ್ ಸಮುದಾಯದ ಒಂದು ಕುಟುಂಬದಲ್ಲಿ ಈ ಘಟನೆ ನಡೆದಿದೆ. 16 ವರ್ಷದ ಬಾಲಕಿ ತನ್ನ ವಿದ್ಯಾಭ್ಯಾಸವನ್ನು ಮೊಟಕುಗೊಳಿಸಿ ಮನೆಯಲ್ಲೇ ಇರುತ್ತಿದ್ದಳು. ಆಕೆಯ ಅಣ್ಣ 17 ವರ್ಷದವನಾಗಿದ್ದು ಆತ ಸೆಲೂನ್ ಒಂದರಲ್ಲಿ ಕೆಲಸ ಮಾಡುತ್ತಿದ್ದ. ಅದರ ಜತೆಯಲ್ಲಿ ದೂರ ಶಿಕ್ಷಣವನ್ನೂ ಪಡೆಯುತ್ತಿದ್ದ. ಇತ್ತೀಚೆಗೆ ಬಾಲಕಿಗೆ ಯಾವುದೋ ಹುಡುಗನೊಂದಿಗೆ ಸ್ನೇಹ ಬೆಳೆದಿದೆ. ಆಕೆ ಆಗಾಗ ಹುಡುಗನೊಂದಿಗೆ ಫೋನ್ನಲ್ಲಿ ಮಾತನಾಡುತ್ತಿದ್ದಳು. ವಾಟ್ಸ್ಯಾಪ್ ಚಾಟಿಂಗ್ ಕೂಡ ಮಾಡುತ್ತಿದ್ದಳು.
ತಂಗಿ ಯಾವುದೋ ಹುಡುಗನೊಂದಿಗೆ ಚಾಟಿಂಗ್ ಮಾಡುತ್ತಿದ್ದದ್ದನ್ನು ಗಮನಿಸಿದ ಅಣ್ಣ ಆಕೆಯ ಮೇಲೆ ಗದರಿದ್ದಾನೆ. ಅದಕ್ಕೆ ಬೆಲೆ ಕೊಡದೆ ಚಾಟಿಂಗ್ ಮುಂದುವರಿಸಿದ ತಂಗಿಯ ಮೇಲೆ ಇನ್ನಷ್ಟು ಕೋಪಗೊಂಡ ಅಣ್ಣ, ತನ್ನ ಸ್ನೇಹಿತನ ಮನೆಯಿಂದ ಪಿಸ್ತೂಲು ತಂದು ತಂಗಿಯ ಹೊಟ್ಟೆಗೆ ಗುಂಡು ಹಾರಿಸಿದ್ದಾನೆ.
ಇದನ್ನೂ ಓದಿ: ಲವ್ನಲ್ಲಿ ಜಿಹಾದ್ಗೆ ಜಾಗವೇ ಇಲ್ಲ – ರಾಜಸ್ಥಾನ ಸಿಎಂ ಅಶೋಕ್ ಗೆಹ್ಲೋಟ್ ‘ಪ್ರೇಮ’ ಪಾಠ !
ಮನೆಯಲ್ಲಿ ನಡೆದ ಅವಘಡ ತಿಳಿದು ಓಡಿ ಬಂದ ಪೋಷಕರು, ಬಾಲಕಿಯನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಅಣ್ಣನನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ತನ್ನ ಸ್ನೇಹಿತನೊಬ್ಬ ತಿಂಗಳ ಹಿಂದೆ ಸಾವನ್ನಪ್ಪಿದ್ದು, ಆತನ ಮನೆಯಿಂದಲೇ ಪಿಸ್ತೂಲು ತಂದಿದ್ದಾಗಿ ಯುವಕ ಹೇಳಿಕೊಂಡಿದ್ದಾನೆ. (ಏಜೆನ್ಸೀಸ್)
ಈ ಕೇಸ್ ಸಾಲ್ವ್ ಮಾಡೋಕೆ ಸಹಾಯ ಮಾಡಿದರೆ ನಿಮಗೆ ಸಿಗುತ್ತೆ 2.7 ಕೋಟಿ ರೂಪಾಯಿ!
ಮರದಲ್ಲಿ ನೇತಾಡುತ್ತಿತ್ತು 16 ವರ್ಷದ ಬಾಲಕಿ ದೇಹ; ಬೆಚ್ಚಿ ಬೀಳಿಸುತ್ತೆ ಈ ಹೈ ಸ್ಕೂಲ್ ಲವ್ ಸ್ಟೋರಿ