ಬೆಂಗಳೂರು: ಉಪೇಂದ್ರ, ಸುದೀಪ್ ಅಭಿನಯದ ‘ಕಬ್ಜ’ ಚಿತ್ರವು ಶುಕ್ರವಾರ ಜಗತ್ತಿನಾದ್ಯಂತ ಬಿಡುಗಡೆಯಾಗಿ ಮೆಚ್ಚುಗೆಯ ಮಾತುಗಳು ಕೇಳಿಬರುತ್ತಿವೆ. ಈ ಮಧ್ಯೆ, ಚಿತ್ರದ ಮೊದಲ ದಿನದ ಕಲೆಕ್ಷನ್ ಎಷ್ಟಿರಬಹುದು ಎಂಬ ಚರ್ಚೆ ಜೋರಾಗಿ ನಡೆಯುತ್ತಿದ್ದು, ಈಗ ಚಿತ್ರತಂಡವೇ ಮೊದಲ ದಿನ ಕಲೆಕ್ಷನ್ ಎಷ್ಟು ಎಂದು ಬಹಿರಂಗಪಡಿಸಿವೆ.
ಇದನ್ನೂ ಓದಿ: ಮದ್ವೆ ಹಿಂದಿದೆ ಅದೊಂದು ಪ್ಲಾನ್: ಪವಿತ್ರಾ ಲೋಕೇಶ್ ವಿರುದ್ಧ ಮಾಜಿ ಪತಿ ಸುಚೇಂದ್ರ ಪ್ರಸಾದ್ ಗಂಭೀರ ಆರೋಪ
ಅಂದಹಾಗೆ, ‘ಕಬ್ಜ’ ಚಿತ್ರವು ಬಿಡುಗಡೆಯಾದ ಮೊದಲ ದಿನವೇ ಭಾರತಾದ್ಯಂತ ಚಿತ್ರಮಂದಿರಗಳಿಂದ 54ಕೋಟಿಗೂ ಹೆಚ್ಚು ಕಲೆಕ್ಷನ್ ಆಗಿದೆ ಎಂದು ಚಿತ್ರತಂಡವೇ ಖಚಿತಪಡಿಸಿದೆ. ಈ ಪೈಕಿ, ಕರ್ನಾಟಕದಿಂದಲೇ 20 ಕೋಟಿ ರೂ. ಗಳಿಕೆ ಆಗಿದೆಯಂತೆ. ಇನ್ನು, ಉತ್ತರ ಭಾರತದಲ್ಲಿ ಹಿಂದಿ ಅವತರಣಿಕೆಯಿಂದ 12 ಕೋಟಿ ರೂ. ಗಳಿಕೆಯಾಗಿದೆ ಎಂದು ಹೇಳಲಾಗುತ್ತಿದೆ.
ಮಿಕ್ಕಂತೆ ಆಂಧ್ರ ಮತ್ತು ತೆಲಂಗಾಣದಿಂದ 7 ಕೋಟಿ ರೂ, ತಮಿಳುನಾಡಿನಿಂದ 5 ಕೋಟಿ, ಕೇರಳದಿಂದ ಮೂರು ಕೋಟಿ ರೂ. ಬಂದಿದೆಯಂತೆ. ಇನ್ನು, ಚಿತ್ರವು ಅಮೆರಿಕ ಸೇರಿದಂತೆ ಬೇರೆ ರಾಷ್ಟ್ರಗಳಲ್ಲೂ ಏಕಕಾಲಕ್ಕೆ ಬಿಡುಗಡೆಯಾಗಿದ್ದು, ಎಲ್ಲ ದೇಶಗಳಿಂದ ನಾಲ್ಕು ಕೋಟಿ ರೂ.ವರೆಗೂ ಬರಬಹುದು ಎಂದು ಅಂದಾಜಿಸಲಾಗಿದೆ. ಒಟ್ಟಾರೆ, ಚಿತ್ರದ ಕಲೆಕ್ಷನ್ 54 ಕೋಟಿ ರೂ. ಆಗಿದೆ ಎಂಬ ಮಾಹಿತಿಯನ್ನು ಚಿತ್ರತಂಡ ಹಂಚಿಕೊಂಡಿದೆ.
ಇದನ್ನೂ ಓದಿ: ಪುನೀತ್ ಹುಟ್ಟು, ಅಭಿಮಾನಿಗಳ ಹಬ್ಬ
‘ಕಬ್ಜ’ ಚಿತ್ರವನ್ನು ಆರ್. ಚಂದ್ರ ನಿರ್ಮಿಸಿ-ನಿರ್ದೇಶಿಸಿದ್ದು, ಉಪೇಂದ್ರ, ಸುದೀಪ್, ಶ್ರೇಯಾ ಶರಣ್, ಮುಕುಲ್ ಶರ್ಮ, ಅನೂಪ್ ರೇವಣ್ಣ, ಅಶ್ವತ್ಥ್ ನೀನಾಸಂ, ಕಬೀರ್ ದುಹಾನ್ ಸಿಂಗ್, ಪ್ರಮೋದ್ ಶೆಟ್ಟಿ ಸೇರಿದಂತೆ ಹಲವರು ಅಭಿನಯಿಸಿದ್ದಾರೆ. ಶಿವರಾಜಕುಮರ್ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಎರಡನೆಯ ಭಾಗಕ್ಕೆ ಲೀಡ್ ಕೊಡುತ್ತಾರೆ. ರವಿ ಬಸ್ರೂರು ಸಂಗೀತ, ಎ.ಜೆ. ಶೆಟ್ಟಿ ಛಾಯಾಗ್ರಹಣ ಈ ಚಿತ್ರಕ್ಕಿದೆ.