ಬೆಂಗಳೂರು: ಚುನಾವಣೆ ಸಂದರ್ಭದಲ್ಲಿ ಕುಕ್ಕರ್-ಲಿಕ್ಕರ್ ಇತ್ಯಾದಿಗಳ ಬಿಸಿಬಿಸಿ ಚರ್ಚೆ ನಡೆಯವುದೇನೂ ಹೊಸ ವಿಷಯವೇನಲ್ಲ. ಆದರೆ ಇದೀಗ ಯಾವ ಚುನಾವಣೆಯೂ ಇರದ ಸಂದರ್ಭದಲ್ಲಿ ಒಂದು ಕುಕ್ಕರ್ ಭಾರಿ ಚರ್ಚೆಯನ್ನು ಹುಟ್ಟುಹಾಕಿದೆ. ಅಷ್ಟಕ್ಕೂ ಈ ಕುಕ್ಕರ್ ಫ್ರಿಡ್ಜ್ ಒಳಗೆ ಇದ್ದಿದ್ದೇ ಹೀಗೊಂದು ದೊಡ್ಡ ಚರ್ಚೆಗೀಡಾಗಲು ಕಾರಣ.
ಹೌದು.. ಫ್ರಿಡ್ಜ್ವೊಂದರಲ್ಲಿ ಕಂಡುಬಂದ ಕುಕ್ಕರ್ ಬಗ್ಗೆ ನೆಟ್ಟಿಗರು ಮಾತನಾಡುತ್ತಿದ್ದು, ಈ ಕುರಿತು ಟ್ವಿಟರ್ನಲ್ಲಿ ಬಹಳ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ರಕ್ಷಿತ್ ಬವೇಜಾ ಎಂಬವರು ‘ಉಳಿದಿರುವ ದಾಲ್ ಮತ್ತು ಅನ್ನವನ್ನು ಫ್ರಿಡ್ಜ್ನಲ್ಲಿ ಇಡುವಂತೆ ನನ್ನ ಫ್ಲ್ಯಾಟ್ಮೇಟ್ಗೆ ಹೇಳಿದೆ. ನನಗೆ ಎಚ್ಚರವಾಗುವಷ್ಟರಲ್ಲಿ ಹೀಗಾಗಿತ್ತು..’ ಎಂದು ಫ್ರಿಡ್ಜ್ ಒಳಗೇ ಕುಕ್ಕರ್ ಇಟ್ಟಿರುವ ಫೋಟೋ ಒಂದನ್ನು ಹಂಚಿಕೊಂಡಿದ್ದಾರೆ.
ಅವರ ಈ ಟ್ವೀಟ್ಗೆ ಈಗಾಗಲೇ 7 ಸಾವಿರಕ್ಕೂ ಅಧಿಕ ಮಂದಿ ಲೈಕ್ ಮಾಡಿದ್ದು, 700ಕ್ಕೂ ಅಧಿಕ ಮಂದಿ ಈ ಟ್ವಿಟ್ ರಿ-ಟ್ವೀಟ್/ಕೋಟ್ ಟ್ವೀಟ್ ಮಾಡಿಕೊಂಡಿದ್ದಾರೆ. ಮಾತ್ರವಲ್ಲ, 500ಕ್ಕೂ ಅಧಿಕ ಮಂದಿ ಕಮೆಂಟ್ ಮಾಡಿದ್ದು, ಪರ-ವಿರೋಧ ಚರ್ಚೆಗಳೂ ನಡೆದಿವೆ. ಅದರಲ್ಲೂ ಇನ್ನೊಬ್ಬರು ಫ್ರಿಡ್ಜ್ನೊಳಗೆ ಕುಕ್ಕರ್ ಇರುವ ಫೋಟೋ ಹಂಚಿಕೊಂಡು ಪೋಲ್ ಕ್ರಿಯೇಟ್ ಮಾಡಿ ಮತ ಆಹ್ವಾನಿಸಿದ್ದಾರೆ. ಸಾವಿರಕ್ಕೂ ಅಧಿಕ ಮಂದಿ ಮತ ಚಲಾಯಿಸಿದ್ದು, ಶೇ.50ಕ್ಕೂ ಅಧಿಕ ಮಂದಿ ಹೀಗೆ ಮಾಡಿದ್ದು ಸರಿ ಇದೆ ಎಂಬ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
Asked my flatmate to keep leftover dal and rice in fridge.
— Rakshit Baveja (@rakshitbaveja) October 6, 2022
Woke up to this, GM! pic.twitter.com/f1tLwY1itN
ಹೀಗೆ ಮಾಡುವುದರಿಂದ ಪಾತ್ರೆ ತೊಳೆಯುವ ಕೆಲಸವೂ ಉಳಿಯಿತು ಅಂತ ಕೆಲವರು, ಇನ್ನು ಕೆಲವರು ಮಾರನೇ ದಿನ ಮತ್ತೆ ಬಿಸಿ ಮಾಡಲು ಬೇರೆ ಪಾತ್ರೆ ಅರಸುವ ಹಾಗೂ ಬಳಸುವ ಕೆಲಸವೂ ಉಳಿಯಿತು ಎಂಬ ಉತ್ತರಗಳನ್ನು ನೀಡಿದ್ದಾರೆ. ಒಟ್ಟಿನಲ್ಲಿ ಫ್ರಿಡ್ಜ್ನೊಳಗಿನ ಕುಕ್ಕರ್ವೊಂದು ಜನರ ಆಸಕ್ತಿ ಕೆರಳಿಸಿದ್ದು, ಚರ್ಚೆಯಲ್ಲಿ ತೊಡಗಿಸಿದೆ.
Let's vote on it. Give your reasons below
— Edgar Allan Poeha (@vaniIlaessence) October 7, 2022
ಕೊನೆಗೂ 36 ವರ್ಷಗಳ ನರಕಯಾತನೆಯಿಂದ ಬಿಡುಗಡೆ; ಮಗಳನ್ನು ಕತ್ತಲೆ ಕೋಣೆಯಲ್ಲಿ ಬಂಧಿಸಿಟ್ಟಿದ್ದ ತಂದೆ!