ಬೀಜಿಂಗ್: ಅರ್ಜೆಂಟೀನಾದ 10 ಉಪಗ್ರಹಗಳು ಸೇರಿ ಒಟ್ಟು 13 ಉಪಗ್ರಹಗಳನ್ನು ಒಂದೇ ರಾಕೆಟ್ನಲ್ಲಿ ಉಡಾವಣೆ ಮಾಡುವಲ್ಲಿ ಚೀನಾ ಯಶಸ್ವಿಯಾಗಿದೆ ಎಂದು ಸರ್ಕಾರಿ ಸ್ವಾಮ್ಯದ ಕ್ಸಿನುಹಾ ನ್ಯೂಸ್ ಏಜೆನ್ಸಿ ವರದಿ ಮಾಡಿದೆ. ಕಮ್ಯೂನಿಸ್ಟ್ ರಾಷ್ಟ್ರ ಇದೇ ಮೊದಲ ಬಾರಿಗೆ ಇಷ್ಟುದೊಡ್ಡ ಪ್ರಮಾಣದ ವಿದೇಶಿ ಉಪಗ್ರಹಗಳ ಉಡಾವಣೆ ಮಾಡಿದ್ದು, ಲಕ್ಷಾಂತರ ಡಾಲರ್ ಆದಾಯವನ್ನು ಗಳಿಸಿದೆ.
ಅರ್ಜೆಂಟೀನಾದ ಸ್ಟೆಲ್ಲೋಜಿಕ್ ಎಂಬ ಕಂಪನಿ ತಯಾರಿಸಿದ 10 ವಾಣಿಜ್ಯ ರಿಮೋಟ್ ಸೆನ್ಸಿಂಗ್ ಉಪಗ್ರಹಗಳನ್ನು ಚೀನಾ ತನ್ನ ಲಾಂಗ್ ಮಾರ್ಚ್ -6 ಕ್ಯಾರಿಯರ್ ರಾಕೆಟ್ ಮೂಲಕ ತೈಯುವಾನ್ ಉಪಗ್ರಹ ಉಡಾವಣಾ ಕೇಂದ್ರದಿಂದ ಶುಕ್ರವಾರ ಉಡಾವಣೆ ಮಾಡಿದೆ. ಇದು ಈ ರಾಕೆಟ್ನ 351ನೇ ಉಡಾವಣೆಯಾಗಿದೆ.
ಇದನ್ನೂ ಓದಿ: ಅಮೆರಿಕ ಅಧ್ಯಕ್ಷೀಯ ಚುನಾವಣೆ 2020: ಗೆಲುವಿನ ಸನಿಹದಲ್ಲಿದ್ದಾರೆ ಬಿಡೆನ್
ಈ ಉಡಾವಣೆ ಮೂಲಕ ಅಂತಾರಾಷ್ಟ್ರೀಯ ಬಾಹ್ಯಾಕಾಶ ಮಾರುಕಟ್ಟೆಯಲ್ಲಿ ಲಾಂಗ್ ಮಾರ್ಚ್ 6 ಅನ್ನು ಉತ್ತೇಜಿಸುವ ಉದ್ದೇಶ ಚೀನಾಕ್ಕಿದೆ. ಅದಕ್ಕೆ ಈಗ ಉತ್ತೇಜನ ಸಿಕ್ಕಂತಾಗಿದೆ. ಚೀನಾ ಈಗಾಗಲೇ ಮಿತ್ರ ರಾಷ್ಟ್ರಗಳ ಉಪಗ್ರಹಗಳನ್ನು ಕಕ್ಷೆ ಉಡಾವಣೆ ಮಾಡುವ ಕೆಲಸ ಮಾಡಿದ್ದು, ಬಾಹ್ಯಾಕಾಶ ವಾಣಿಜ್ಯ ಮಾರುಕಟ್ಟೆಗೆ ತೆರೆದುಕೊಳ್ಳತೊಡಗಿದೆ. (ಏಜೆನ್ಸೀಸ್)