ಮುಂಬೈ: ಬಿಡುಗಡೆಗೆ ಸಿದ್ಧವಿರುವ ಬಾಲಿವುಡ್ ಸಿನಿಮಾಗಳಿಗೆ ಒಂದಾದ ನಂತರ ಒಂದು ಸಮಸ್ಯೆ ಎದುರಾಗುತ್ತಿದೆ. ಇಷ್ಟು ದಿನ ಕರೊನಾ ಹಿನ್ನೆಲೆಯಲ್ಲಿ ಚಿತ್ರಮಂದಿರ ಸ್ಥಗಿತಗೊಂಡಿದ್ದರಿಂದ ಸಿನಿಮಾ ಪ್ರದರ್ಶನ ಇರಲಿಲ್ಲ. ಬಳಿಕ ಓಟಿಟಿಯಲ್ಲಾದರೂ ಬಿಡುಗಡೆ ಮಾಡಿಕೊಂಡರಾಯಿತೆಂದು ತಂಡಗಳು ಪ್ಲಾನ್ ಮಾಡಿಕೊಂಡಿದ್ದವು. ಆದರೆ, ಇದೀಗ ಆ ಸಿನಿಮಾಗಳಿಗೆ ಐಪಿಎಲ್ ಕಂಟಕವಾಗಿ ಪರಿಣಮಿಸಿದೆ.
ಇದನ್ನೂ ಓದಿ: ಇಡೀ ಚಿತ್ರರಂಗವನ್ನು ದೂಷಿಸುವುದು ತಪ್ಪಲ್ವಾ? ಜಯಾ ಬಚ್ಚನ್ ಪ್ರಶ್ನೆ
ಹೌದು, ಜೂನ್ ತಿಂಗಳಲ್ಲಿಯೇ ಸರಣಿ ಸಿನಿಮಾಗಳನ್ನು ಬಿಡುಗಡೆ ಮಾಡಿಕೊಳ್ಳುವುದಾಗಿ ಡಿಸ್ನಿ ಹಾಟ್ಸ್ಟಾರ್ ಹೇಳಿಕೊಂಡಿತ್ತು. ಅಕ್ಷಯ್ ಕುಮಾರ್, ಅಜಯ್ ದೇವಗನ್, ಅಭಿಷೇಕ್ ಬಚ್ಚನ್ ಸಿನಿಮಾಗಳೂ ಓಟಿಟಿಯಲ್ಲಿ ಬಿಡುಗಡೆ ಆಗಲು ಸಿದ್ಧವಾಗಿದ್ದವು. ಎಲ್ಲ ಅಂದುಕೊಂಡಂತೆ ಆಗಿದ್ದರೆ, ಸೆಪ್ಟೆಂಬರ್ ತಿಂಗಳ ಕೊನೆಗೆ ಒಂದಾದ ಬಳಿಕ ಒಂದು ಚಿತ್ರ ಬಿಡುಗಡೆಯಾಗಬೇಕಿತ್ತು. ಆದರೆ, ಐಪಿಎಲ್ನಿಂದಾಗಿ ಸಿನಿಮಾ ರಿಲೀಸ್ ಮತ್ತೆ ಮುಂದಕ್ಕೆ ಹೋಗಿದೆ.
ಇದನ್ನೂ ಓದಿ: ಈ ಸಲದ ಹಿಂದಿ ಬಿಗ್ಬಾಸ್ಗೆ ಸಲ್ಮಾನ್ ಜತೆ ಇನ್ನೊಬ್ಬ ನಿರೂಪಕ
ಓಟಿಟಿ ಸಂಸ್ಥೆ ಸದ್ಯ ಈ ಬಗ್ಗೆ ಅಂತಿಮ ನಿರ್ಧಾರ ತೆಗೆದುಕೊಂಡಿದ್ದು, ಐಪಿಎಲ್ ಮುಕ್ತಾಯದ ಬಳಿಕವಷ್ಟೇ ಲಕ್ಷ್ಮೀ ಬಾಂಬ್, ಭುಜ್, ಬಿಗ್ ಬುಲ್ ಚಿತ್ರಗಳನ್ನು ರಿಲೀಸ್ ಮಾಡಲಿದೆಯಂತೆ. ದೀಪಾವಳಿ ವೇಳೆಗೆ ಲಕ್ಷ್ಮೀ ಬಾಂಬ್ ತೆರೆಗೆ ಬರುವುದು ಅಧಿಕೃತ ಎಂದೇ ಹೇಳಲಾಗುತ್ತಿದೆ.
ಒಟ್ಟಿನಲ್ಲಿ ಇಷ್ಟು ದಿನ ಕರೊನಾ ಹಿನ್ನೆಲೆಯಲ್ಲಿ ಚಿತ್ರಮಂದಿರಗಳು ಮುಚ್ಚಿದ್ದರಿಂದ ಸಿನಿಮಾ ಬಿಡುಗಡೆ ಆಗಿರಲಿಲ್ಲ. ಇದೀಗ ಓಟಿಟಿಯಲ್ಲಿ ಬಿಡುಗಡೆಗೆ ಸಜ್ಜಾದರೂ, ಐಪಿಎಲ್ನಿಂದ ಮತ್ತೆ ರಿಲೀಸ್ ದಿನವನ್ನು ಮುಂದೂಡಿಕೊಂಡಿವೆ. ಈ ಸಿನಿಮಾಗಳಿಗಾಗಿ ಕಾದಿರುವ ಪ್ರೇಕ್ಷಕರು ಮತ್ತಷ್ಟು ಸಿನ ಕಾಯಲೇಬೇಕು. (ಏಜೆನ್ಸೀಸ್)