ಬೆಂಗಳೂರು: 80ರ ದಶಕದಲ್ಲಿ ಬೆಂಗಳೂರು ನಗರವನ್ನು ತನ್ನ ಮುಷ್ಟಿಯಲ್ಲಿ ಇಟ್ಟುಕೊಂಡಿದ್ದ ಜಯರಾಜ್ ಕುರಿತು ಇದುವರೆಗೂ ಸಾಕಷ್ಟು ಸಿನಿಮಾಗಳು ಬಂದಿವೆ. ಈಗಲೂ ಬರುತ್ತಲೇ ಇದೆ. ಆ ಸಾಲಿಗೆ ಇದೀಗ ‘ಜಾಂಟಿ ಸನ್ ಆಫ್ ಜಯರಾಜ್’ ಎಂಬ ಸಿನಿಮಾ ಸೇರ್ಪಡೆಯಾಗಿದೆ. ಈ ಚಿತ್ರವು ಇತ್ತೀಚೆಗಷ್ಟೇ ಪ್ರಾರಂಭವಾಗಿದ್ದು, ನಟ-ಕೃಷಿ ಸಚಿವ ಬಿ.ಸಿ. ಪಾಟೀಲ್, ಚಿತ್ರಕ್ಕೆ ಕ್ಲಾಪ್ ಮಾಡುವ ಮೂಲಕ ಶುಭಕೋರಿದ್ದಾರೆ.
ಇದನ್ನೂ ಓದಿ: ಮುಗಿಯಿತು ‘ಕಸ್ತೂರಿ ಮಹಲ್’ … ಮುಂದೇನು?
ವಿಶೇಷವೆಂದರೆ, ಈ ಚಿತ್ರದಲ್ಲಿ ಜಯರಾಜ್ ಅವರ ಮಗ ಅಜಿತ್ ಜಯರಾಜ್ ನಟಿಸುತ್ತಿದ್ದಾರೆ. ಹಾಗಂತ ಅವರೇ ತಮ್ಮಪ್ಪನ ಪಾತ್ರವನ್ನು ಮಾಡುತ್ತಿದ್ದಾರೆ ಅಂದುಕೊಳ್ಳುವ ಹಾಗಿಲ್ಲ. ಅಜಿತ್ ಈ ಚಿತ್ರದಲ್ಲಿ ತಮ್ಮದೇ ಪಾತ್ರವನ್ನು ಮಾಡುತ್ತಿದ್ದು, ಜಯರಾಜ್ ಅವರ ಪಾತ್ರಕ್ಕೆ ಸೂಕ್ತ ನಟರೊಬ್ಬರ ಹುಡುಕಾಟ ಇನ್ನೂ ನಡೆಯುತ್ತಿದೆ.
ಚಿತ್ರದ ಬಗ್ಗೆ ‘ವಿಜಯವಾಣಿ’ಯೊಂದಿಗೆ ಮಾತನಾಡುವ ನಿರ್ದೇಶಕ ಆನಂದರಾಜ್, ‘ಚಿತ್ರವನ್ನು ಎರಡು ಭಾಗದಲ್ಲಿ ಮಾಡಲಾಗುತ್ತಿದ್ದು, ಮೊದಲ ಭಾಗದಲ್ಲಿ ಜಯರಾಜ್ ಸಾಯುವ ಮುನ್ನ ನಡೆದ ಘಟನೆಗಳು ಹಾಗೂ ಸತ್ತ ನಂತರ ಏನೆಲ್ಲಾ ಆಗುತ್ತವೆ ಎಂಬ ವಿಷಯಗಳನ್ನು ಹೇಳುವುದಕ್ಕೆ ಹೊರಟಿದ್ದೇವೆ. ಜತೆಗೆ ಜಯರಾಜ್ ಮಗನ ಜನನ ಮತ್ತು ಆತ ಏನೆಲ್ಲಾ ಅನುಭವಿಸುತ್ತಾನೆ ಎಂಬುದನ್ನು ಈ ಚಿತ್ರದಲ್ಲಿ ಹೇಳಲಿದ್ದೇವೆ. ಎರಡನೆಯ ಭಾಗದಲ್ಲಿ ಜಯರಾಜ್ ಅವರ ಯೌವ್ವನದ ದಿನಗಳನ್ನು ತೋರಿಸುವ ಪ್ರಯತ್ನ ಮಾಡುತ್ತಿದ್ದೇವೆ’ ಎನ್ನುತ್ತಾರೆ.
ಇದನ್ನೂ ಓದಿ: ವಿಶ್ವನಾಥನ್ ಆನಂದ್ ಬಯೋಪಿಕ್ನಲ್ಲಿ ಧನುಷ್?
ಸದ್ಯ ಅವರು ಮೊದಲ ಭಾಗದ ಜೊತೆಗೆ ಎರಡನೆಯ ಭಾಗಕ್ಕೆ ಪೂರಕವಾದ ಒಂದಿಷ್ಟು ದೃಶ್ಯಗಳನ್ನು ಚಿತ್ರೀಕರಿಸುವುದಕ್ಕೆ ಹೊರಟಿದ್ದಾರೆ. ನಟಿ ತಾರಾ ನಾಯಕನ ಅಮ್ಮನ ಪಾತ್ರದಲ್ಲಿ ಕಾಣಿಸಿಕೊಂಡರೆ, ಮೈಕೋ ನಾಗರಾಜ್, ಪೆಟ್ರೋಲ್ ಪ್ರಸನ್ನ, ಸಚಿನ್ ಪುರೋಹಿತ್, ‘ಬಿಗ್ ಬಾಸ್’ ಕಿಶನ್ ಮತ್ತು ಸೋನು ಪಾಟೀಲ್, ‘ಸಿಲ್ಲಿಲಲ್ಲಿ’ ಆನಂದ್ ಮುಂತಾದವರು ಈ ಚಿತ್ರದಲ್ಲಿ ನಟಿಸುತ್ತಿದ್ದಾರೆ.
ಹ್ಯಾಕ್ ಆಗಿದ್ದ ಇನ್ಸ್ಟಾಗ್ರಾಂ ಖಾತೆ ಸರಿಪಡಿಸಿಕೊಂಡ ನಟಿ ಮೇಘಾ ಶೆಟ್ಟಿ