ಕರೊನಾ ಲಸಿಕೆ ಸಂಶೋಧಿಸಿರುವ ಭಾರತ್​ ಬಯೋಟೆಕ್​ ಜೈಕಾಗೂ ಔಷಧ ಆವಿಷ್ಕರಿಸಿತ್ತು

ನವದೆಹಲಿ: ಜಗತ್ತನ್ನೇ ಕಾಡುತ್ತಿರುವ ಮಾರಕ ಕರೊನಾ ವೈರಸ್​ ನಿಗ್ರಹಕ್ಕೆ ಲಸಿಕೆ ಸಂಶೋಧನೆಯಲ್ಲಿ ತೊಡಗಿ ಕ್ಲಿನಿಕಲ್​ ಟ್ರಯಲ್​ ಹಂತಕ್ಕೆ ಕೊಂಡೊಯ್ದಿರುವ ಹೈದರಾಬಾದ್​ನ ಭಾರತ್​ ಬಯೋಟೆಕ್​ ಇಂಟರ್​ನ್ಯಾಷನಲ್​ ಕಂಪನಿ ಔಷಧ ರಂಗದಲ್ಲಿ ಹಲವು ಮೈಲಿಗಲ್ಲುಗಳನ್ನು ಸಾಧಿಸಿದೆ.

ಮುತ್ತಿನ ನಗರಿಯ ಜೆನೊಮ್​ ವ್ಯಾಲಿಯಲ್ಲಿ 1996ರಲ್ಲಿ ಆರಂಭವಾದ ಸಂಸ್ಥೆಯ ಸ್ಥಾಪಕರು ಡಾ. ಕೃಷ್ಣಾ ಎಂ. ಎಲ್ಲ ಹಾಗೂ ಸುಚಿತ್ರ ಎಲ್ಲ ದಂಪತಿ. ಅಮೆರಿಕದಲ್ಲಿ ಇದೇ ಕ್ಷೇತ್ರದಲ್ಲಿ ಸಂಶೋಧನೆ ಹಾಗೂ ಬೋಧಕ ಹುದ್ದೆಯಲ್ಲಿದ್ದರು. ಕಂಪನಿ ಸ್ಥಾಪಿಸಬೇಕೆಂಬ ಉದ್ದೇಶದಿಂದಲೇ ಭಾರತಕ್ಕೆ ಮರಳಿದರು.

ಇದನ್ನೂ ಓದಿ; ಗ್ರೀನ್​ ಟೀ, ಬ್ಲ್ಯಾಕ್ ಟೀ ಕುಡಿಯುವುದರಿಂದಲೂ ದೂರವಿಡಬಹುದು ಕರೊನಾ; ದೆಹಲಿ ಐಐಟಿ ತಂಡದಿಂದ ಸಂಶೋಧನೆ

ಪರಿಣತರ ತಂಡ ಕಟ್ಟಿಕೊಂಡು ಔಷಧ ಉತ್ಪಾದನೆಯಲ್ಲಿ ತೊಡಗಿದರು. ಭಾರತದ ಪ್ರಮುಖ ಬಯೋಟೆಕ್ನಾಲಜಿ ಕಂಪನಿಗಳಲ್ಲಿ ಒಂದೆನಿಸಿದೆ. ಪ್ರಸ್ತುತ ಈ ಕಂಪನಿ 160ಕ್ಕೂ ಅಧಿಕ ಪೇಟೆಂಟ್​​ಗಳಿವೆ. ರೋಟಾವೈರಸ್​, ಎಚ್​1ಎನ್​1, ಟೈಫಾಯ್ಡ್​, ಜಪಾನ್​ ಎನ್ಸೆಫೆಲಿಟಿಸ್​ ಮೊದಲಾದ ಕಾಯಿಲೆಗಳಿಗೆ ಯಶಸ್ವಿಯಾಗಿ ಲಸಿಕೆ ಸಂಶೋಧಿಸಿದ ಕೀರ್ತಿ ಭಾರತ್​ ಬಯೋಟೆಕ್​ನದ್ದಾಗಿದೆ.

ಇನ್ನು, ಜೈಕಾ ವೈರಸ್​ಗೆ ನಿಗ್ರಹಕ್ಕೆ ತಯಾರಿಸಿದ ಲಸಿಕೆಗೆ ಜಾಗತಿಕ ಪೇಟೆಂಟ್​ ಪಡೆದ ಹೆಗ್ಗಳಿಕೆ ಇದರದ್ದಾಗಿದೆ. ಇದರ ಲಸಿಕೆಗಳಿಗೆ ವಿಶ್ವ ಆರೋಗ್ಯ ಸಂಸ್ಥೆಯ ಮಾನ್ಯತೆಯೂ ಲಭಿಸಿದೆ.

ಇದನ್ನೂ ಓದಿ; ಒಂದು ರೂ.ಗೂ ಕಡಿಮೆ ಬೆಲೆಯ ಮಾತ್ರೆ ಕರೊನಾ ಚಿಕಿತ್ಸೆಯಲ್ಲಿ ಅದ್ಭುತಗಳನ್ನೇ ಮಾಡುತ್ತಿದೆ….!

ಇದೀಗ, ಕರೊನಾ ಲಸಿಕೆ ಸಂಶೋಧಿಸಿದ್ದು, ಕ್ಲಿನಿಕಲ್​ ಟ್ರಯಲ್​ ಹಂತಕ್ಕೆ ತಲುಪಿದೆ. ಇದಕ್ಕೆ ಕೇಂದ್ರ ಸರ್ಕಾರವೇ ಹೆಚ್ಚಿನ ಆಸಕ್ತಿ ವಹಿಸಿ ಕ್ಲಿನಿಕಲ್​ ಟ್ರಯಲ್​ ತ್ವರಿತವಾಗಿ ಪೂರ್ಣಗೊಳಿಸುವಲ್ಲಿ ಆಸ್ಥೆ ವಹಿಸಿದೆ.

https://www.vijayavani.net/coronavirus-pandemic-will-end-naturally-oxford-expert-explains/