ಹಾವನ್ನು ಹಗ್ಗದಂತೆ ಗಾಳಿಯಲ್ಲಿ ತಿರುಗಿಸಿದ ಯುವಕ: ತಾಕತ್ ಇದ್ರೆ ಕಾಳಿಂಗದ ಜೊತೆ ಆಡು; ವೈರಲ್​ ಯುವಕನಿಗೆ ನೆಟ್ಟಿಗರ ಕ್ಲಾಸ್​! Snake Stunt

ವೈರಲ್​: ಹಾವು ಎಂಬ ಹೆಸರು ಕೇಳಿದ ತಕ್ಷಣ ಎಂಹತ ಧೈರ್ಯಶಾಲಿಯಾಗಿದ್ದರೂ ಅವನಲ್ಲಿ ಸ್ವಲ್ಪವಾದರೂ ಹೆದರಿಕೆ ಎನ್ನುವುದು ಹುಟ್ಟುತ್ತದೆ. ಆದರೆ ಇಲ್ಲೊಬ್ಬ ಈ ಹಾವನ್ನು (Snake Stunt) ಹಗ್ಗದ ರೀತಿ ಗಿರ-ಗಿರ ಎಂದು ತಿರುಗಿಸುತ್ತಿದ್ದು, ಒಂದೇ ಸಲ ಹಾವು ಅತನ ಮೇಲೆ ದಾಳಿ ನಡೆಸಿದ ವಿಡಿಯೋ ಈಗ ಸೋಶಿಯಲ್​ ಮೀಡಿಯಾನಲ್ಲಿ ಸಖತ್​ ವೈರಲ್​ ಆಗುತ್ತಿದೆ.

ವೈರಲ್​ ಆಗುತ್ತಿರುವ ವಿಡಿಯೋನಲ್ಲಿ, ಯುವಕನೊಬ್ಬ ಕಪ್ಪು ಬಣ್ಣದ ಉದ್ದನೆಯ ಹಾವೊಂದನ್ನು ಹಗ್ಗದಂತೆ ಹೊಡಿದು ಗಾಳಿಯಲ್ಲಿ ತಿರುಗಿಸುತ್ತಿದ್ದು, ಆ ಹಾವು ಅವನ ಮೇಲೆ ದಾಳಿ ಮಾಡಲು ಯತ್ನಿಸುತ್ತಿದೆ. ಆದರೆ ಈ ಚಾಲಾಕಿ ಯುವಕ ಪ್ರತಿ ಬಾರಿ ಹಾವು ದಾಳಿ ಮಾಡಿದಾಗ ತಪ್ಪಿಸಿಕೊಂಡಿದ್ದಾನೆ.

ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗುತ್ತಿದ್ದು ಕೆಲ ವೀಕ್ಷಕರು ಈ ಹಾವು ಕಾಳಿಂ ಸರ್ಪ, ಇದರ ಜೊತೆ ಚೆಲ್ಲಾಟ ಒಳ್ಳೆಯದಲ್ಲ ಎಂದು ಹೇಳಿದ್ದಾರೆ. ಆದರೆ ಇದೊಂದು ಇಲಿ ಭಕ್ಷಕ ಹಾವಾ (Rat Snake) ಗಿದ್ದು, ಇದರಲ್ಲಿ ಯಾವುದೇ ರೀತಿಯ ವಿಷವಿರುವುದಿಲ್ಲ ಎಂದು ಇನ್ನೊಬ್ಬ ಬಳಕೆದಾರರು ತಿಳಿಸಿದ್ದಾರೆ. ಆದರೂ ಹಾವಿನೊಂದಿಗೆ ಈ ರೀತಿಯ ಸರಸ ಸರಿಯಲ್ಲ ಎನ್ನುವುದು ಅವರ ಅಭಿಪ್ರಾಯವಾಗಿದೆ.

ಈ ವಿಡಿಯೋ ಇನ್​ಸ್ಟಾಗ್ರಾಮ್​ನಲ್ಲಿ ಲಕ್ಷಾಂತರ ವೀಕ್ಷಣೆಯನ್ನು ಪಡೆದಿದ್ದು, ಕಮೆಂಟ್​ಗಳ ಮಳೆಯೇ ಸುರಿದಿದೆ. ನಿನಗೆ ತಾಕತ್​ ಇದ್ದರೆ ಈ ಆಟವನ್ನು ಬ್ಲಾಕ್​ ಮಾಂಬಾ ಹಾವಿನೊಂದಿಗೆ ಆಡು ಎಂದು ಒಬ್ಬರು ಸವಾಲನ್ನು ಹಾಕಿದ್ದಾರೆ. ಪಾಪ ಆ ಹಾವಿಗೆ ಎಷ್ಟು ನೋವಾಯಿತೋ ಏನೋ ಎಂದು ಇನ್ನೊಬ್ಬರು ಸಹಾನುಭೂತಿ ತೋರಿಸಿದ್ದಾರೆ. ಇವನು ಇದೇ ಕೆಲಸವನ್ನು ಕಾಳಿಂಗ ಸರ್ಪದೊಟ್ಟಿಗೆ ಮಾಡಿದ್ದರೆ ಇಲ್ಲಿವರೆಗೆ ದೇವರ ಪಾದ ಸೇರುತ್ತಿದ್ದ ಎಂದು ಮತ್ತೊಬ್ಬರು ತಮಾಷೆ ಮಾಡಿದ್ದಾರೆ, (ಏಜನ್ಸೀಸ್​).