'ನಕ್ಸಲನಾಗಲು ಹೊರಟಿದ್ದೆ ಅಣ್ಣ ಕೇಳಿದ ಆ ಒಂದು ಪ್ರಶ್ನೆ ನನ್ನನ್ನು ಬದಲಾಯಿಸಿತು'; ಶಾಂಕಿಂಗ್​ ವಿಚಾರ ಬಿಚ್ಚಿಟ್ಟ ನಟ Pawan Kalyan

ಖಾಸಗಿ ಮಾಧ್ಯಮವೊಂದಕ್ಕೆ ಕೊಟ್ಟ ವಿಶೇಷ ಪಾಡ್​ಕಾಸ್ಟ್​ ಸಂದರ್ಶನದಲ್ಲಿ  ಮಾತನಾಡಿ ನಟ, ಡಿಸಿಎಂ ಪವನ್​ ಕಲ್ಯಾಣ್​ ಅವರು, ನಕ್ಸಲನಾಗಬೇಕೆಂದುಕೊಂಡಿದ್ದು, ಅನ್ಯಾಯದ ವಿರುದ್ಧ ಹೋರಾಡಲು ಬಯಸಿದ್ದು, ಗನ್​ ಹಿಡಿಯಬೇಕೆಂದಿದ್ದ ಸ್ಫೋಟಕ ಸತ್ಯವನ್ನು ಬಿಚ್ಚಿಟ್ಟಿದ್ದಾರೆ. ಹೀಗಿದ್ದಾಗ ನಟ ಚಿರಂಜೀವಿಯವರು ಇದರಿಂದ ಅವರನ್ನು ಹೊರಗೆ ತಂದಿದ್ದು ಹೇಗೆ ಎಂದು ಮಾಹಿತಿ ಕೊಟ್ಟಿದ್ದಾರೆ

'ನಾನು ನಕ್ಸಲ್​ ಗುಂಪಿಗೆ ಸೇರಬೇಕು ಎಂದು ಆಶಿಸಿದ್ದು ನಿಜ. ಅದು ನನ್ನ 17ರಿಂದ20ನೇ ವರ್ಷದ ಹದಿ ಹರೆಯದ ಕೊನೆಯ ದಿನಗಳು. ಆಗ ಸಮಾಜದಲ್ಲಾಗುತ್ತಿದ್ದ ಅನ್ಯಾಯದ ವಿರುದ್ಧ ಸಿಕ್ಕಾಪಟ್ಟೆ ಸಿಟ್ಟು ಬರುತ್ತಿತ್ತು. ಕೆಲವು ಕಾರ್ಯಕ್ರಮಕ್ಕೆ ಹೋಗುತ್ತಿದೆ. ಶಾರ್ಟ್​ ಸಿನಿಮಾಗಳಲ್ಲಿ ಭಾಗಿಯಾಗುತ್ತಿದೆ, ವಿದ್ಯಾರ್ಥಿಗಳ ರಹಸ್ಯ ಸಭೆಗಳಿಗೆ  ಹೋಗುತ್ತಿದ್ದೆ. ಸಾಕಷ್ಟು ಪ್ರಯೋಗಗಳನ್ನು ಮಾಡುತ್ತಿದ್ದೆ. ಎಲ್ಲೇ ಹೋದರು ತೀರ ಸಿಟ್ಟು ಬರುತ್ತಿತ್ತು.  ನೆಮ್ಮದಿ ಇರಲಿಲ್ಲ' ಎಂದರು.

ಮುಂದುವರೆದು, 'ಅಣ್ಣ ಚಿರಂಜೀವಿ ಕೇಳಿದ್ದರು. ಇಷ್ಟೊಂದು ಕೋಪ ನಿನಗೆಲ್ಲಿಂದ ಬರುತ್ತದೆ. ಅಕಸ್ಮಾತ್​ ನಿನ್ನ ಅಣ್ಣ ಚಿರಂಜೀವಿ ಅಲ್ಲದೇ ಇದ್ದಿದ್ದರೇ, ನೀನೇ ಒಬ್ಬ ಕುಟುಂಬವನ್ನು ಕಷ್ಟಪಟ್ಟು ಸಾಕುವವನಾಗಿದ್ದರೆ. ನಿನ್ನ ಸಂಬಳದ ಮೇಲೆ ಕುಟುಂಬ ಅವಲಂಬಿತರಾಗಿದ್ದರೆ ನೀನು ಹೀಗೆ ಮಾಡುತ್ತಿದ್ದೆಯಾ ಎಂದು ಪ್ರಶ್ನಿಸಿದ. ಆಗ ಮಾತೇ ಬರಲಿಲ್ಲ. ಮೌನಿಯಾಗಿ ಕುಳಿತೆ, ಎನ್ನುವುದನ್ನು ನೆನಪಿಸಿಕೊಂಡರು.

'ನನ್ನ ಅಣ್ಣ ನನಗೆ ಹೀರೋ. ಉಸ್ತಾದ್​ ಭಗತ್​ ಸಿಂಗ್​ ಟ್ರೇಲರ್​ ನೋಡಿ ಟ್ವೀಟ್ ಮಾಡಿದಾಗ ಸಖತ್​ ಖುಷಿಯಾಗಿತ್ತು. ಆಗ ನನ್ನನ್ನು ನಾನೇ ಮರೆತು ಹೀರೋ ಅನ್ನೋದನ್ನು ಮರೆತು ಬಿಡುತ್ತೇನೆ. ನನಗೆ ನನ್ನ ಅಣ್ಣನೆ ಎಲ್ಲ' ಎಂದರು. 

ಪವನ್​ ಕಲ್ಯಾಣ್​ ಅವರು 1996ರಲ್ಲಿ ರಿಲೀಸ್​ ಆಗಿದ್ದ  ಅಕ್ಕಡ ಅಮ್ಮಾಯಿ ಇಕ್ಕಡ ಅಬ್ಬಾಯಿ  ಚಿತ್ರದ ಮೂಲಕ ಟಾಲಿವುಡ್​ಗೆ ಎಂಟ್ರಿ ಕೊಟ್ಟರು. 2014 ರಲ್ಲಿ ಜನಸೇನಾ ಪಕ್ಷ (ಜೆಎಸ್‌ಪಿ) ಸ್ಥಾಪಿಸುವ ಮೂಲಕ ರಾಜಕೀಯಕ್ಕೆ ಸೇರಿದರು. ಟಿಡಿಪಿಯೊಂದಿಗೆ ಮೈತ್ರಿ ಮಾಡಿಕೊಳ್ಳುವ ಮೂಲಕ ಆಂಧ್ರದ ಡಿಸಿಎಂ ಪಟ್ಟಕ್ಕೆ ಏರಿದರು,(ಏಜೆನ್ಸೀಸ್).