ದೇಶದಲ್ಲಿ ಇಂಧನ ಬಿಕ್ಕಟ್ಟು: ಬೈಕ್​ಗೆ ಪೆಟ್ರೋಲ್​ ಸ್ನಾನ ಮಾಡಿಸಿದ ಭೂಪ; ನೆಟ್ಟಿಗರ ಕೆಂಗಣ್ಣಿಗೆ ಗುರಿಯಾದ ವೈರಲ್​ ಗಿರಾಕಿ! Viral Video

ವೈರಲ್​: ಮಧ್ಯಪ್ರಾಚ್ಯದಲ್ಲಿ ನಡೆಯುತ್ತಿರುವ ಯುದ್ಧ ಇನ್ನು ಕಡಿಮೆ ಆಗುವ ಮೂಡ್​ನಲ್ಲಿಲ್ಲ. ಇದರ ನಡುವೆ ಹೋರ್ಮುಜ್​ ಜಲಸಂಧಿಯಲ್ಲಿ ಹಡಗುಗಳ ಓಡಾಟವನ್ನು ಇರಾನ್​ ನಿರ್ಬಂಧಿಸಿರುವ ಕಾರಣ ತೈಲ ಹಾಗೂ ಇಂಧನ ಮಾರುಕಟ್ಟೆಯಲ್ಲಿ ಏರುಪೇರು ಉಂಟಾಗಿದೆ.

ತೈಲ ಬೆಲೆಯ ಬಿಸಿ ಭಾರತಕ್ಕೂ ತಗುಲಿದ್ದು, ಬೆಲೆ ಏರಿಕೆಯಾಗದೇ ಇದ್ದರು ಅಲ್ಲಲ್ಲಿ ಪೆಟ್ರೋಲ್​ ಬಂಕ್​ಗಳಲ್ಲಿ ಪೆಟ್ರೋಲ್​ ಖಾಲಿಯಾಗಿರುವ ಕುರಿತು ಸುದ್ದಿ ಬರುತ್ತಿವೆ. ಇದರ ನಡುವೆ ಇತ್ತೀಚೆಗೆ ಯುವಕನೊಬ್ಬ ತೋರಿರುವ ವರ್ತನೆ ಸೋಶಿಯಲ್​ ಮೀಡಿಯಾದಲ್ಲಿ (Viral Video) ಭಾರಿ ಚರ್ಚೆಗೆ ಕಾರಣವಾಗಿದೆ.

ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗುತ್ತಿರುವ ವಿಡಿಯೋವೊಂದರಲ್ಲಿ ಬೈಕ್​ಗೆ ಪೆಟ್ರೋಲ್​ ತುಂಬಿಸಿಕೊಳ್ಳಲು ಬಂದ ಯುವಕನೊಬ್ಬ, ಪೆಟ್ರೋಲ್​ ತುಂಬಿಸುವ ಗನ್​ನ್ನು ಹಿಡಿದು ತನ್ನ ಬೈಕ್​ಗೆ ಸ್ನಾನ ಮಾಡಿಸಿದ್ದಾನೆ. ಈಗ ಈ ವಿಡಿಯೋ ನೋಡಿದ ನೆಟ್ಟಗರು ಫುಲ್​ ಗರಂ ಆಗಿದ್ದಾರೆ.

ಈ ವಿಡಿಯೋ ಈಗಾಗಲೇ ಲಕ್ಷಾಂತರ ವೀಕ್ಷಣೆಯನ್ನು ಪಡೆದಿದ್ದು, ವಿಡಿಯೋ ನೋಡಿದ ಜನ ಆ ಯುವಕನ ಮೇಲೆ ಕೆಂಡಕಾರುತ್ತಿದ್ದಾರೆ. ಮೊದಲೇ ಪೆಟ್ರೋಲ್​ ಸಿಗುತ್ತಿಲ್ಲ ಎಂದು ನಾವು ಪರದಾಡುತ್ತಿದ್ದರೆ, ಇವ ಗಾಡಿಯನ್ನೇ ಪೆಟ್ರೋಲಿನಿಂದ ತೊಳೆಯುತ್ತಿದ್ದಾನೆ ಎಂದು ಕಮೆಂಟ್​ ಮಾಡಿದ್ದಾರೆ.

ಮೊದಲು ಇಂತಹ ವೈರಲ್​ ಗಿರಾಕಿಗಳನ್ನು ಒದ್ದು ಜೈಲಿಗೆ ಹಾಕಬೇಕು ಎಂದು ಇನ್ನೊಬ್ಬರು ಹೇಳಿದ್ದಾರೆ. ಇವನನ್ನು ಆ ಇರಾನ್​ಗೆ ಕಳುಹಿಸಿಬಿಡಿ, ಅಲ್ಲಿ ಯುದ್ಧದಲ್ಲಾದರೂ ಸತ್ತು ಹೋಗಲಿ ಎಂದು ಮತ್ತೊಬ್ಬರು ತಮ್ಮ ಅಭಿಪ್ರಾಯವನ್ನು ಹಂಚಿಕೊಂಡಿದ್ದಾರೆ,(ಏಜನ್ಸೀಸ್​).