ಇಸ್ಲಾಮಾಬಾದ್: ಭಾರತ ಟೆನಿಸ್ ತಂಡ 60 ವರ್ಷಗಳ ಬಳಿಕ ಪಾಕಿಸ್ತಾನ ನೆಲದಲ್ಲಿ ಡೇವಿಸ್ ಕಪ್ ಪಂದ್ಯ ಆಡಲು ಸಜ್ಜಾಗಿದ್ದು, ಕನ್ನಡಿಗ ಜೀಶನ್ ಅಲಿ ತಂಡಕ್ಕೆ ತರಬೇತುದಾರರಾಗಿರುವ ನಡುವೆ, ಆಡದ ನಾಯಕರಾಗಿಯೂ ಕಾರ್ಯನಿರ್ವಹಿಸಲಿದ್ದಾರೆ. 1964ರಲ್ಲಿ ಕೊನೆಯದಾಗಿ ಪಾಕಿಸ್ತಾನ ನೆಲದಲ್ಲಿ ಆಡಿದಾಗ ಜೀಶನ್ ಅಲಿ ಅವರ ತಂದೆ ಅಖ್ತರ್ ಅಲಿ ಭಾರತ ತಂಡದ ಪ್ರಮುಖ ಸದಸ್ಯರಾಗಿದ್ದರು ಎಂಬುದು ವಿಶೇಷವಾಗಿದೆ.
ಭಾರತ ತಂಡದ ಕಾಯಂ ಆಡದ ನಾಯಕ ರೋಹಿತ್ ರಾಜ್ಪಾಲ್ ಕುಟುಂಬದಲ್ಲಿನ ವೈದ್ಯಕಿಯ ತುರ್ತುಸ್ಥಿತಿಯಿಂದಾಗಿ ಇಸ್ಲಾಮಾಬಾದ್ಗೆ ಪ್ರಯಾಣಿಸಲು ಸಾಧ್ಯವಾಗಿಲ್ಲ. ಇದರಿಂದಾಗಿ ಅಖಿಲ ಭಾರತ ಟೆನಿಸ್ ಸಂಸ್ಥೆ (ಎಐಟಿಎ) ಜೀಶನ್ ಅಲಿಗೆ ಅವಳಿ ಹೊಣೆ ವಹಿಸಿದೆ.
"1964ರಲ್ಲಿ ಪಾಕ್ನಲ್ಲಿ ಆಡಿದ ತಂಡದಲ್ಲಿ ನನ್ನ ತಂಡ ಇದ್ದರು. ಹೀಗಾಗಿ 60 ವರ್ಷಗಳ ಬಳಿಕ ನಾನಿಲ್ಲಿಗೆ ಭಾರತ ತಂಡದೊಂದಿಗೆ ಬಂದಿರುವುದು ನನಗೆ ಮತ್ತು ಕುಟುಂಬಕ್ಕೆ ವಿಶೇಷವಾದ ಕ್ಷಣವಾಗಿದೆ. ನಾನು 8 ವರ್ಷ ಡೇವಿಸ್ ಕಪ್ನಲ್ಲಿ ಆಡಿದ್ದೆ. ನಂತರ ಕೋಚ್ ಆದೆ. ಈಗ ನಾಯಕನೂ ಆಗಿರುವುದು ಹೆಮ್ಮೆಯ ಕ್ಷಣ. ನಾವು ಗೆಲುವು ದಾಖಲಿಸುವ ವಿಶ್ವಾಸವಿದೆ' ಎಂದು 54 ವರ್ಷದ ಜೀಶಾನ್ ಅಲಿ ಹೇಳಿದ್ದಾರೆ. ಪಾಕ್ ವಿರುದ್ಧದ ವಿಶ್ವಗುಂಪು&1ರ ಪ್ಲೇಆ್ ಪಂದ್ಯ ಫೆಬ್ರವರಿ 3-4ರಂದು ನಡೆಯಲಿದೆ. ಪಾಕ್ನಲ್ಲಿ ಭಾರತ ತಂಡ ಭಾರಿ ಬಿಗಿ ಭದ್ರತೆಯನ್ನು ಒದಗಿಸಲಾಗಿದೆ.