ವಿಜಯವಾಣಿ ಸುದ್ದಿಜಾಲ ಬೆಂಗಳೂರು
ಸ್ಪಿನ್ನರ್ಗಳಾದ ಜೆಸ್ ಜೊನಾಸೆನ್ (25ಕ್ಕೆ 3) ಮತ್ತು ಮಿನ್ನು ಮಣಿ (17ಕ್ಕೆ 3) ಬಿಗಿ ಬೌಲಿಂಗ್ ದಾಳಿ ಮತ್ತು ನಾಯಕಿ ಮೆಗ್ ಲ್ಯಾನಿಂಗ್ (60*ರನ್, 49 ಎಸೆತ, 9 ಬೌಂಡರಿ) ಅರ್ಧಶತಕದ ಆಸರೆಯಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ವುಮೆನ್ಸ್ ಪ್ರೀಮಿಯರ್ ಲೀಗ್ (ಡಬ್ಲ್ಯುಪಿಎಲ್) 3ನೇ ಆವೃತ್ತಿಯಲ್ಲಿ ಮಾಜಿ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ವಿರುದ್ಧ 9 ವಿಕೆಟ್ಗಳಿಂದ ಗೆಲುವು ದಾಖಲಿಸಿದೆ. ಟೂರ್ನಿಯಲ್ಲಿ 4ನೇ ಗೆಲುವು ಒಲಿಸಿಕೊಂಡ ಡೆಲ್ಲಿ ಕ್ಯಾಪಿಟಲ್ಸ್ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೆ ಲಗ್ಗೆಯಿಟ್ಟಿದೆ.
ಉದ್ಯಾನನಗರಿಯ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಶುಕ್ರವಾರ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ಗೆ ಇಳಿದ ಮುಂಬೈ ಪ್ರಮುಖ ಬ್ಯಾಟರ್ಗಳ ವೈಲ್ಯದ ನಡುವೆ 9 ವಿಕೆಟ್ಗೆ 123 ರನ್ ಗಳಿಸಿತು. ಪ್ರತಿಯಾಗಿ ಡೆಲ್ಲಿ ತಂಡ 14.3 ಓವರ್ಗಳಲ್ಲಿ 1 ವಿಕೆಟ್ಗೆ 124 ರನ್ ಗಳಿಸಿ ಗೆಲುವು ಸಾಧಿಸಿತು. ಶೆಾಲಿ ವರ್ಮ (43 ರನ್, 28 ಎಸೆತ, 4 ಬೌಂಡರಿ, 3 ಸಿಕ್ಸರ್) ಡೆಲ್ಲಿಗೆ ಬಿರುಸಿನ ಆರಂಭ ಒದಗಿಸಿದರು.
ಮುಂಬೈ ಇಂಡಿಯನ್ಸ್: 9 ವಿಕೆಟ್ಗೆ 123 (ಯಸ್ತಿಕಾ 11, ಮ್ಯಾಥ್ಯೂಸ್ 22, ಸೀವರ್ 18, ಹರ್ಮಾನ್ಪ್ರೀತ್ 22, ಕೆರ್ 17, ಅಮನ್ಜೋತ್ 17, ಸಜನಾ 5, ಕಮಲಿನಿ 1, ಜೊನಾಸೆನ್ 25ಕ್ಕೆ 3, ಮಿನ್ನು ಮಣಿ 17ಕ್ಕೆ 3, ಸುದರ್ಲ್ಯಾಂಡ್ 21ಕ್ಕೆ 1, ಶಿಖಾ 16ಕ್ಕೆ 1). ಡೆಲ್ಲಿ ಕ್ಯಾಪಿಟಲ್ಸ್: 14.3 ಓವರ್ಗಳಲ್ಲಿ 1 ವಿಕೆಟ್ಗೆ 124 (ಲ್ಯಾನಿಂಗ್ 60*, ಶೆಾಲಿ 43, ಜೆಮೀಮಾ 15*, ಅಮನ್ಜೋತ್ 12ಕ್ಕೆ 1).