Rahul Dravid: ಭಾರತ ತಂಡದ ಮಾಜಿ ಕೋಚ್ ರಾಹುಲ್ ದ್ರಾವಿಡ್, ಹಿರಿಯ ಕ್ರಿಕೆಟಿಗ ವಿರಾಟ್ ಕೊಹ್ಲಿಯನ್ನು "ಶಾರ್ಟ್-ಇಶ್" (ಸಣ್ಣ ಎತ್ತರದ) ಎಂದು ಉಲ್ಲೇಖಿಸಿದ್ದು, ಕಡಿಮೆ ಎತ್ತರದ ಬ್ಯಾಟ್ಸ್ಮನ್ಗಳು ಕ್ರೀಸ್ನಲ್ಲಿ ಹೆಚ್ಚು ಆಕರ್ಷಕವಾಗಿ ಕಾಣುತ್ತಾರೆ ಎಂದರು.
'ಹಾಲ್ ಚಾಲ್ ಔರ್ ಸವಾಲ್ ಪಾಡ್ಕ್ಯಾಸ್ಟ್' ನಲ್ಲಿ ಮಾತನಾಡಿರುವ ದ್ರಾವಿಡ್, ಸುನಿಲ್ ಗವಾಸ್ಕರ್, ಸಚಿನ್ ತೆಂಡೂಲ್ಕರ್, ಬ್ರಿಯಾನ್ ಲಾರಾ, ರಿಕಿ ಪಾಂಟಿಂಗ್ ಮತ್ತು ಡಾನ್ ಬ್ರಾಡ್ಮನ್ ಅವರಂತಹ ಕಡಿಮೆ ಎತ್ತರದ ಆಟಗಾರರು ಯಾವಾಗಲೂ ಹೆಚ್ಚಿನ ಪ್ರಯೋಜನಗಳನ್ನು ಪಡೆಯುತ್ತಾರೆ ಎಂದರು.
ಇದನ್ನೂ ಓದಿ:ದೋರಣಾಲಪಲ್ಲಿ ಶಾಲಾ ಕಟ್ಟಡ ದುರಸ್ತಿಗೆ ಒತ್ತಾಯ
ಸುನಿಲ್ ಗವಾಸ್ಕರ್ ಅವರ ಸ್ಥಿರತೆ ಮತ್ತು ಸಮತೋಲನವು ಅವರನ್ನು ಹೇಗೆ ಆಕರ್ಷಿಸಿತು ಎಂಬುದನ್ನು ನೆನಪಿಸಿಕೊಂಡಿರುವ "ವಾಲ್", ಅವರ ಸ್ಥಿರ ತಲೆ ಮತ್ತು ಶಾಂತ ಚಲನೆಗಳನ್ನು ಅನುಕರಿಸಲು ಪ್ರಯತ್ನಿಸುತ್ತಿದ್ದೆ ಎಂದು ತಿಳಿಸಿದ್ದಾರೆ.
ದ್ರಾವಿಡ್ ತಮ್ಮ "ಚಿಕ್ಕ" ಎಂಬ ಹೇಳಿಕೆ ವಿರಾಟ್ ಕೊಹ್ಲಿಗೆ ನೋವುಂಟು ಮಾಡಬಹುದಾದರೂ, ಕಿಂಗ್ ಕೊಹ್ಲಿ ಇತರರಿಗಿಂತ ಏಕೆ ಭಿನ್ನವಾಗಿ ಕಾಣುತ್ತಾರೆ ಎಂಬುದಕ್ಕೆ ವಿವರಣೆ ನೀಡಿದರು. ವಿರಾಟ್ ಬೇರೆಯವರಷ್ಟು ಎತ್ತರವಾಗಿಲ್ಲವಾದರೂ ಆಕ್ರಮಣಕಾರಿ ಮತ್ತು ತಮ್ಮ ಫಿಟ್ನೆಸ್ ಮೂಲಕ ಹೃದಯಗಳ ಜೊತೆ ಜೊತೆಗೆ ಪಂದ್ಯಗಳನ್ನು ಗೆಲ್ಲುತಿದ್ದರು ಎಂದು ತಿಳಿಸಿದರು.(ಏಜೆನ್ಸೀಸ್)