ಬೆಂಗಳೂರು: ಇತ್ತೀಚೆಗೆ ಟೀಮ್ ಇಂಡಿಯಾದ ಪ್ರಮುಖ ಟೀಕಾಕಾರ ಎನಿಸಿರುವ ಮಾಜಿ ವೇಗಿ ವೆಂಕಟೇಶ್ ಪ್ರಸಾದ್, ಹಾರ್ದಿಕ್ ಪಾಂಡ್ಯ ಪಡೆ ವಿಂಡೀಸ್ ವಿರುದ್ಧ ಟಿ20 ಸರಣಿ ಸೋತ ಬಳಿಕ, "ಅತ್ಯಂತ ಸಾಧಾರಣ ತಂಡವಿದು' ಎಂದು ತೆಗಳಿದ್ದಾರೆ.
ಕಳೆದ ವರ್ಷ ಟಿ20 ವಿಶ್ವಕಪ್ ಪ್ರಧಾನ ಸುತ್ತಿಗೇರಲು ವಿಲವಾಗಿದ್ದ ತಂಡದ ವಿರುದ್ಧ ಸೋತಿದ್ದೇವೆ. ಬಾಂಗ್ಲಾದೇಶ ವಿರುದ್ಧವೂ ಏಕದಿನ ಸರಣಿ ಸೋತಿದ್ದೆವು. ತಂಡದ ಆಟಗಾರರ ಕೌಶಲವನ್ನು ಸುಧಾರಿಸುವ ಮಾತುಗಳ ನಡುವೆ ತಂಡದಲ್ಲಿ ಗೆಲುವಿನ ಹಸಿವು ಕಾಣಿಸುತ್ತಿಲ್ಲ. ತಂಡವೊಂದು ಭ್ರಮೆಯಲ್ಲಿದ್ದಂತಿದೆ. ನಾಯಕನು ಯಾವ ಸುಳಿವೂ ಇಲ್ಲದಂತಿದ್ದಾನೆ. ಬೌಲರ್ಗಳು ಬ್ಯಾಟಿಂಗ್ ಮಾಡುತ್ತಿಲ್ಲ. ಬ್ಯಾಟರ್ಗಳು ಬೌಲಿಂಗ್ ಮಾಡಲಾರರು ಎಂದು ವೆಂಕಟೇಶ್ ಪ್ರಸಾದ್ ಕಿಡಿಕಾರಿದ್ದಾರೆ.
ಮುಂದಿನ ವರ್ಷ ವೆಸ್ಟ್ ಇಂಡೀಸ್-ಅಮೆರಿಕದ ಆತಿಥ್ಯದಲ್ಲಿ ನಡೆಯಲಿರುವ ಟಿ20 ವಿಶ್ವಕಪ್ಗೆ ಸಿದ್ಧತೆ ದೃಷ್ಟಿಯಿಂದ ಮಹತ್ವದ್ದೆನಿಸಿದ ಸರಣಿಯಲ್ಲಿ ಭಾರತ ತಂಡ ಸೋಲು ಅನುಭವಿಸಿರುವ ಜತೆಗೆ ನಾಯಕ ಹಾರ್ದಿಕ್ ಪಾಂಡ್ಯ ಈ ಸೋಲಿನ ಬಳಿಕ ಹೇಳಿರುವ ಮಾತು ಕೂಡ ಕ್ರಿಕೆಟ್ ಪ್ರೇಮಿಗಳಿಗೆ ಬೇಸರ ತಂದಿದೆ.