ಈ ಸಲ ಐಪಿಎಲ್ ಮುಗಿದರೂ ಟಿ20 ಕ್ರಿಕೆಟ್ ಮನೋರಂಜನೆ ನಿಲ್ಲುತ್ತಿಲ್ಲ. 9ನೇ ಆವೃತ್ತಿಯ ಐಸಿಸಿ ಟಿ20 ವಿಶ್ವಕಪ್ ಟೂರ್ನಿಯೊಂದಿಗೆ ಅಂತಾರಾಷ್ಟ್ರೀಯ ಚುಟುಕು ಕ್ರಿಕೆಟ್ ಹಬ್ಬಕ್ಕೆ ವೇದಿಕೆ ಸಜ್ಜಾಗಿದೆ. ಆತಿಥೇಯ ಅಮೆರಿಕ ಮತ್ತು ಕೆನಡ ನಡುವಿನ ಉದ್ಘಾಟನಾ ಪಂದ್ಯದೊಂದಿಗೆ ಭಾನುವಾರ ಬೆಳಗ್ಗೆ (ಅಮೆರಿಕದಲ್ಲಿ ಶನಿವಾರ ರಾತ್ರಿ) ಟಿ20 ವಿಶ್ವ ಸಮರಕ್ಕೆ ಚಾಲನೆ ಸಿಗಲಿದೆ. ಹಾಟ್ ಫೇವರಿಟ್ ಭಾರತ ತಂಡ ಜೂನ್ 5ರಂದು ಐರ್ಲೆಂಡ್ ವಿರುದ್ಧ ಆಡುವ ಮೂಲಕ ಅಭಿಯಾನ ಆರಂಭಿಸಲಿದೆ.
ನ್ಯೂಯಾರ್ಕ್: ಕ್ರಿಕೆಟ್ ಜಗತ್ತು ವಿಸ್ತಾರಗೊಳ್ಳುತ್ತಿದೆ. ಚುಟುಕು ಮಾದರಿಯ ಟಿ20 ಮೂಲಕ ತನ್ನ ಜನಪ್ರಿಯತೆ, ಶ್ರೀಮಂತಿಕೆಯನ್ನು ಹೆಚ್ಚಿಸಿಕೊಂಡಿರುವ ಕ್ರಿಕೆಟ್ ಈಗ ಹೊಸ ಹೊಸ ಪ್ರೇಕರು, ಕ್ರೀಡಾಕೂಟ ಮತ್ತು ಪ್ರದೇಶಗಳನ್ನು ತಲುಪಲಾರಂಭಿಸಿದೆ. ಇದರ ಪ್ರಮುಖ ಭಾಗವಾಗಿ ಕ್ರಿಕೆಟ್ ಈಗ ಬೇಸ್ಬಾಲ್, ಬಾಸ್ಕೆಟ್ಬಾಲ್, ಗಾಲ್ಫ್ ಆಟದ ವೈಭವವನ್ನು ಕಂಡಿರುವ ಅಮೆರಿಕವನ್ನು ಪ್ರವೇಶಿಸಿದೆ. 9ನೇ ಆವೃತ್ತಿಯ ಟಿ20 ವಿಶ್ವಕಪ್ ಟೂರ್ನಿಗೆ ಸಹ&ಆತಿಥೇಯ ದೇಶವಾಗುವ ಮೂಲಕ ಅಮೆರಿಕ, ಕ್ರಿಕೆಟ್ ಜಗತ್ತಿನ ಪ್ರಮುಖ ಭಾಗವಾಗುತ್ತಿದೆ. ಜತೆಗೆ ಕೆರಿಬಿಯನ್ ದ್ವೀಪರಾಷ್ಟ್ರಗಳು ಕ್ರಿಕೆಟ್ ಗತವೈಭವಕ್ಕೆ ಮರಳುವ ನಿಟ್ಟಿನಲ್ಲಿ ಟೂರ್ನಿಯ ಆತಿಥ್ಯಕ್ಕೆ ಕೈಜೋಡಿಸಿವೆ. ಈ ಬಾರಿ ಟೂರ್ನಿಯಲ್ಲಿ ಆಡುವ ತಂಡಗಳ ಸಂಖ್ಯೆಯೂ 16ರಿಂದ 20ಕ್ಕೆ ಏರಿಕೆಯಾಗುತ್ತಿದೆ. 2028ರ ಲಾಸ್ ಏಂಜಲಿಸ್ ಒಲಿಂಪಿಕ್ಸ್ಗೆ ಈಗಾಗಲೆ ಟಿ20 ಆಟ ಪದಕ ಸ್ಪರ್ಧೆಯಾಗಿ ಸೇರ್ಪಡೆಯಾಗಿರುವುದರಿಂದ ಅಮೆರಿಕದಲ್ಲಿ ಕ್ರಿಕೆಟ್ ಜನಪ್ರಿಯತೆ ಹೆಚ್ಚಿಸುವ ನಿಟ್ಟಿನಲ್ಲೂ ಇದು ಪ್ರಮುಖ ಟೂರ್ನಿ ಎನಿಸಿದೆ.
ಐಪಿಎಲ್ನಲ್ಲಿ ಈಗಾಗಲೆ ಭರ್ಜರಿ ಸಿದ್ಧತೆ ನಡೆಸಿರುವ ಭಾರತ ತಂಡದ ಆಟಗಾರರು 17 ವರ್ಷಗಳ ಬಳಿಕ ಟಿ20 ವಿಶ್ವಕಪ್ ಟ್ರೋಫಿಗೆ ಮುತ್ತಿಕ್ಕುವ ಹಂಬಲದಲ್ಲಿದೆ. ಹಾಲಿ ಚಾಂಪಿಯನ್ ಆಗಿ ಕಣಕ್ಕಿಳಿಯಲಿರುವ ಇಂಗ್ಲೆಂಡ್, ಇದುವರೆಗೆ ಯಾವ ತಂಡವೂ ಸತತ 2 ಬಾರಿ ಗೆಲ್ಲದ ಸಾಧನೆಯನ್ನು ಮೊದಲ ಬಾರಿ ಸಾಧಿಸುವ ತವಕದಲ್ಲಿದೆ. ಆಸ್ಟ್ರೆಲಿಯನ್ನರು ಟೆಸ್ಟ್&ಏಕದಿನದ ಬಳಿಕ ಟಿ20ಯಲ್ಲೂ ವಿಶ್ವಕಪ್ ಗೆದ್ದು ಏಕಕಾಲದಲ್ಲಿ ಮೂರೂ ಪ್ರಕಾರದ ವಿಶ್ವ ಚಾಂಪಿಯನ್ ಪಟ್ಟ ಅಲಂಕರಿಸುವ ಮಹತ್ವಾಕಾಂಕ್ಷೆಯಲ್ಲಿದ್ದಾರೆ. ಪಾಕಿಸ್ತಾನ, ನ್ಯೂಜಿಲೆಂಡ್, ದ. ಆಫ್ರಿಕಾ ಎಂದಿನಂತೆ ಈ ಸಲವೂ ಕರಿಗುದುರೆಗಳಾಗಿ ಕಣಕ್ಕಿಳಿಯಲಿವೆ. ವೆಸ್ಟ್ ಇಂಡೀಸ್ ತವರು ನೆಲದ ಲಾಭದೊಂದಿಗೆ ಟಿ20 ಕ್ರಿಕೆಟ್ನಲ್ಲಿ 3ನೇ ಬಾರಿ ಅಧಿಪತ್ಯ ಸಾಧಿಸುವ ಕನಸಿನಲ್ಲಿದೆ. ಶ್ರೀಲಂಕಾ, ಬಾಂಗ್ಲಾದೇಶ, ಅ್ಘಾನಿಸ್ತಾನ ತಂಡಗಳು ಅಚ್ಚರಿಯ ನಿರ್ವಹಣೆ ತೋರುವ ಉತ್ಸಾಹದಲ್ಲಿದ್ದರೆ, ಇತರ ಅಸೋಸಿಯೇಟ್ ದೇಶಗಳು ವಿಶ್ವಕಪ್ನಲ್ಲಿ ತಮ್ಮದೇ ಛಾಪು ಮೂಡಿಸುವ ಹುರುಪಿನಲ್ಲಿವೆ.
ಎ ಗುಂಪು:
ಇದು ಹೈವೋಲ್ಟೇಜ್ ಗ್ರೂಪ್. ಭಾರತ-ಪಾಕಿಸ್ತಾನ ತಂಡಗಳೇ ಈ ಗುಂಪಿನ ಕೇಂದ್ರ ಬಿಂದು. ಆತಿಥೇಯ ಅಮೆರಿಕವೂ ಇರುವುದು ಗುಂಪಿನ ಆಕರ್ಷಣೆ ಹೆಚ್ಚಿಸಿದೆ. ಭಾರತ-ಪಾಕ್ ತಂಡಗಳೇ ಸೂಪರ್-8 ಹಂತಕ್ಕೇರುವ ನೆಚ್ಚಿನ ತಂಡಗಳೆನಿಸಿದ್ದರೂ, ಯಾವ ತಂಡಕ್ಕೆ ಗುಂಪಿನ ಅಗ್ರಸ್ಥಾನ ಒಲಿಯಲಿದೆ ಎಂಬುದು ಜೂನ್ 9ರ ಮುಖಾಮುಖಿಯಲ್ಲಿ ನಿರ್ಧಾರವಾಗಲಿದೆ. ಐರ್ಲೆಂಡ್ ಕೂಡ ನಿಕಟ ಪೈಪೋಟಿ ಒಡ್ಡಿದರೂ ಅಚ್ಚರಿ ಇಲ್ಲವೆನಿಸಿದೆ.
*ಭಾರತ
ಐಸಿಸಿ ಟಿ20 ರ್ಯಾಂಕ್: 1
ನಾಯಕ: ರೋಹಿತ್ ಶರ್ಮ
ಪ್ರಮುಖ ಆಟಗಾರರು: ವಿರಾಟ್ ಕೊಹ್ಲಿ, ಜಸ್ಪ್ರೀತ್ ಬುಮ್ರಾ, ರಿಷಭ್ ಪಂತ್
ವಿಶ್ವಕಪ್ ಸಾಧನೆ: 2007ರಲ್ಲಿ ಚಾಂಪಿಯನ್, 2014ರಲ್ಲಿ ರನ್ನರ್ಅಪ್.
*ಪಾಕಿಸ್ತಾನ
ಐಸಿಸಿ ಟಿ20 ರ್ಯಾಂಕ್: 6
ನಾಯಕ: ಬಾಬರ್ ಅಜಮ್
ಪ್ರಮುಖ ಆಟಗಾರರು: ಶಹೀನ್ ಷಾ ಅಫ್ರಿದಿ, ಮೊಹಮದ್ ರಿಜ್ವಾನ್, ಮೊಹಮದ್ ಆಮೀರ್.
ವಿಶ್ವಕಪ್ ಸಾಧನೆ: 2009ರಲ್ಲಿ ಚಾಂಪಿಯನ್, 2007, 2022ರಲ್ಲಿ ರನ್ನರ್ಅಪ್
*ಅಮೆರಿಕ
ಐಸಿಸಿ ಟಿ20 ರ್ಯಾಂಕ್: 18
ನಾಯಕ: ಮೊನಾಂಕ್ ಪಟೇಲ್
ಪ್ರಮುಖ ಆಟಗಾರರು: ಕೋರಿ ಆಂಡರ್ಸನ್, ಸ್ಟೀವನ್ ಟೇಲರ್, ಅಲಿ ಖಾನ್.
ವಿಶ್ವಕಪ್ ಸಾಧನೆ: ಆತಿಥೇಯ ತಂಡವಾಗಿ ಈ ಬಾರಿ ಪದಾರ್ಪಣೆ.
*ಕೆನಡ
ಐಸಿಸಿ ಟಿ20 ರ್ಯಾಂಕ್: 23
ನಾಯಕ: ಸಾದ್ ಬಿನ್ ಜಾರ್
ಪ್ರಮುಖ ಆಟಗಾರರು: ಆರನ್ ಜಾನ್ಸನ್, ಕಲೀಮ್ ಸನಾ, ದಿಲೋನ್ ಹೇಲಿಗರ್.
ವಿಶ್ವಕಪ್ ಸಾಧನೆ: ಮೊದಲ ಬಾರಿ ಟಿ20 ವಿಶ್ವಕಪ್ನಲ್ಲಿ ಕಣಕ್ಕೆ.
*ಐರ್ಲೆಂಡ್
ಐಸಿಸಿ ಟಿ20 ರ್ಯಾಂಕ್: 11
ನಾಯಕ: ಪೌಲ್ ಸ್ಟಿರ್ಲಿಂಗ್
ಪ್ರಮುಖ ಆಟಗಾರರು: ಆಂಡ್ರ್ಯೋ ಬಲ್ಬಿರ್ನಿ, ಜೋಶ್ ಲಿಟಲ್, ಹ್ಯಾರಿ ಟೆಕ್ಟರ್.
ವಿಶ್ವಕಪ್ ಸಾಧನೆ: 2009ರ ಪದಾರ್ಪಣೆ ಆವೃತ್ತಿಯಲ್ಲೇ ಸೂಪರ್-8 ಪ್ರವೇಶ.
ಬಿ ಗುಂಪು
ಸಾಂಪ್ರದಾಯಿಕ ಎದುರಾಳಿಗಳಾದ ಆಸ್ಟ್ರೆಲಿಯಾ-ಇಂಗ್ಲೆಂಡ್ ಉಪಸ್ಥಿತಿ ಗುಂಪಿನ ಮಹತ್ವ ಹೆಚ್ಚಿಸಿದೆ. ಇಂಗ್ಲೆಂಡ್ ಹಾಲಿ ಚಾಂಪಿಯನ್ ಆಗಿ ಅಭಿಯಾನ ಆರಂಭಿಸುತ್ತಿದ್ದರೆ, ಆಸೀಸ್ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್, ಏಕದಿನ ವಿಶ್ವಕಪ್ ಬಳಿಕ ಮತ್ತೊಮ್ಮೆ ಟಿ20 ವಿಶ್ವಕಪ್ ಗೆದ್ದು ಮೂರೂ ಪ್ರಕಾರದಲ್ಲಿ ಏಕಕಾಲದಲ್ಲಿ ವಿಶ್ವ ಚಾಂಪಿಯನ್ ಪಟ್ಟವೇರಿದ ಸಾಧನೆಯ ಹಂಬಲದಲ್ಲಿದೆ. ಗುಂಪಿನಲ್ಲಿ ಇವೇ ಎರಡು ಸೂಪರ್&8 ಹಂತಕ್ಕೇರುವ ನೆಚ್ಚಿನ ತಂಡಗಳಾಗಿವೆ.
*ಆಸ್ಟ್ರೆಲಿಯಾ
ಐಸಿಸಿ ಟಿ20 ರ್ಯಾಂಕ್: 2
ನಾಯಕ: ಮಿಚೆಲ್ ಮಾರ್ಷ್
ಪ್ರಮುಖ ಆಟಗಾರರು: ಡೇವಿಡ್ ವಾರ್ನರ್, ಗ್ಲೆನ್ ಮ್ಯಾಕ್ಸ್ವೆಲ್, ಮಿಚೆಲ್ ಸ್ಟಾರ್ಕ್.
ವಿಶ್ವಕಪ್ ಸಾಧನೆ: 2021ರಲ್ಲಿ ಚಾಂಪಿಯನ್, 2010ರಲ್ಲಿ ರನ್ನರ್ಅಪ್.
*ಇಂಗ್ಲೆಂಡ್
ಐಸಿಸಿ ಟಿ20 ರ್ಯಾಂಕ್: 3
ನಾಯಕ: ಜೋಸ್ ಬಟ್ಲರ್
ಪ್ರಮುಖ ಆಟಗಾರರು: ಜಾನಿ ಬೇರ್ಸ್ಟೋ, ಜೋಫ್ರಾ ಆರ್ಚರ್, ಸ್ಯಾಮ್ ಕರನ್.
ವಿಶ್ವಕಪ್ ಸಾಧನೆ: 2010, 2022ರಲ್ಲಿ ಚಾಂಪಿಯನ್, 2016ರಲ್ಲಿ ರನ್ನರ್ಅಪ್.
*ಸ್ಕಾಟ್ಲೆಂಡ್
ಐಸಿಸಿ ಟಿ20 ರ್ಯಾಂಕ್: 14
ನಾಯಕ: ರಿಚಿ ಬೆರಿಂಗ್ಟನ್
ಪ್ರಮುಖ ಆಟಗಾರರು: ಮ್ಯಾಥ್ಯೂ ಕ್ರಾಸ್, ಮೈಕೆಲ್ ಜೋನ್ಸ್, ಬ್ರಾಡ್ ವೀಲ್.
ವಿಶ್ವಕಪ್ ಸಾಧನೆ: ಒಟ್ಟಾರೆ 6ನೇ, ಸತತತ 4ನೇ ಬಾರಿ ಕಣಕ್ಕೆ.
*ನಮೀಬಿಯಾ
ಐಸಿಸಿ ಟಿ20 ರ್ಯಾಂಕ್: 13
ನಾಯಕ: ಗೆರಾರ್ಡ್ ಎರಾಸ್ಮಸ್
ಪ್ರಮುಖ ಆಟಗಾರರು: ಜೆಜೆ ಸ್ಮಿತ್, ನಿಕೋಲಸ್ ಡೆವಿನ್, ಬೆನ್ ಶಿಕೊಂಗೊ.
ವಿಶ್ವಕಪ್ ಸಾಧನೆ: ಸತತ 3ನೇ ಬಾರಿ ಕಣಕ್ಕೆ, 2021ರಲ್ಲಿ ಸೂಪರ್&12 ಎಂಟ್ರಿ.
*ಓಮನ್
ಐಸಿಸಿ ಟಿ20 ರ್ಯಾಂಕ್: 19
ನಾಯಕ: ಅಖಿಬ್ ಇಲ್ಯಾಸ್
ಪ್ರಮುಖ ಆಟಗಾರರು: ಜೀಶಾನ್ ಮಕ್ಸೂದ್, ಬಿಲಾಲ್ ಖಾನ್, ಕಶ್ಯಪ್ ಪ್ರಜಾಪತಿ.
ವಿಶ್ವಕಪ್ ಸಾಧನೆ: 2016, 2021ರ ಆವೃತ್ತಿ ಬಳಿಕ ಮತ್ತೆ ಅರ್ಹತೆ.
ಸಿ ಗುಂಪು
ಆತಿಥೇಯ ವೆಸ್ಟ್ ಇಂಡೀಸ್ ಮತ್ತು ನ್ಯೂಜಿಲೆಂಡ್ ಗುಂಪಿನ ಪ್ರಮುಖ ಎರಡು ತಂಡಗಳಾಗಿವೆ. ಆದರೆ ಅಫ್ಘಾನಿಸ್ತಾನ ತಂಡ ಇತ್ತೀಚೆಗಿನ ವರ್ಷಗಳಲ್ಲಿ ಟಿ20 ಕ್ರಿಕೆಟ್ನಲ್ಲಿ ಬಲಿಷ್ಠ ನಿರ್ವಹಣೆಗಳನ್ನು ತೋರಿಸುತ್ತ ಬಂದಿರುವ ಕಾರಣ ಈ ಗುಂಪು ಕುತೂಹಲಕಾರಿ ಎನಿಸಿದೆ. ವಿಂಡೀಸ್ಗೆ ತವರು ನೆಲದ ಲಾಭವಿದ್ದು, 3 ಬಾರಿ ಟಿ20 ವಿಶ್ವಕಪ್ ಗೆದ್ದ ಮೊದಲ ತಂಡವೆನಿಸುವ ಹಂಬಲದಲ್ಲಿದೆ. ಇತ್ತೀಚೆಗಿನ ಐಸಿಸಿ ಟೂರ್ನಿಗಳಲ್ಲಿ ಬಲಿಷ್ಠ ನಿರ್ವಹಣೆ ತೋರುತ್ತ ಬಂದಿರುವ ಕಿವೀಸ್ ಕೂಡ ಪ್ರಶಸ್ತಿ ಮೇಲೆ ಕಣ್ಣಿಟ್ಟಿದೆ.
*ವೆಸ್ಟ್ ಇಂಡೀಸ್
ಐಸಿಸಿ ಟಿ20 ರ್ಯಾಂಕ್: 4
ನಾಯಕ: ರೋವ್ಮನ್ ಪೊವೆಲ್
ಪ್ರಮುಖ ಆಟಗಾರರು: ನಿಕೋಲಸ್ ಪೂರನ್, ಆಂಡ್ರೆ ರಸೆಲ್, ಜಾನ್ಸನ್ ಚಾರ್ಲ್ಸ್
ವಿಶ್ವಕಪ್ ಸಾಧನೆ: 2012, 2016ರಲ್ಲಿ ಚಾಂಪಿಯನ್, 2 ಬಾರಿ ಸೆಮೀಸ್ನಲ್ಲಿ ಔಟ್.
*ನ್ಯೂಜಿಲೆಂಡ್
ಐಸಿಸಿ ಟಿ20 ರ್ಯಾಂಕ್: 5
ನಾಯಕ: ಕೇನ್ ವಿಲಿಯಮ್ಸನ್
ಪ್ರಮುಖ ಆಟಗಾರರು: ಟ್ರೆಂಟ್ ಬೌಲ್ಟ್, ಡೆವೊನ್ ಕಾನ್ವೇ, ಡೆರಿಲ್ ಮಿಚೆಲ್.
ವಿಶ್ವಕಪ್ ಸಾಧನೆ: 2021ರಲ್ಲಿ ರನ್ನರ್ಅಪ್, 3 ಬಾರಿ ಸೆಮೀಸ್ನಲ್ಲಿ ಔಟ್.
*ಅಫ್ಘಾನಿಸ್ತಾನ
ಐಸಿಸಿ ಟಿ20 ರ್ಯಾಂಕ್: 10
ನಾಯಕ: ರಶೀದ್ ಖಾನ್
ಪ್ರಮುಖ ಆಟಗಾರರು: ರಹಮಾನುಲ್ಲಾ ಗುರ್ಬಜ್, ಮೊಹಮದ್ ನಬಿ, ಅಜ್ಮತ್ಉಲ್ಲಾ ಒಮರ್ಜಾಯಿ.
ವಿಶ್ವಕಪ್ ಸಾಧನೆ: 2010ರ ನಂತರ ಪ್ರತಿ ಆವೃತ್ತಿಯಲ್ಲಿ ಕಣಕ್ಕೆ, ಕಳೆದ 3 ಬಾರಿ 2ನೇ ಸುತ್ತಿಗೆ.
*ಪಪುವಾ ನ್ಯೂಗಿನಿ
ಐಸಿಸಿ ಟಿ20 ರ್ಯಾಂಕ್: 20
ನಾಯಕ: ಅಸ್ಸದೊಲ್ಲಾ ವಾಲಾ
ಪ್ರಮುಖ ಆಟಗಾರರು: ಚಾರ್ಲ್ಸ್ ಅಮಿನಿ, ಲೆಗ ಸಿಯಾಕಾ, ಅಲೀ ನಾವೊ.
ವಿಶ್ವಕಪ್ ಸಾಧನೆ: 2021ರ ಬಳಿಕ 2ನೇ ಬಾರಿ ಸ್ಪರ್ಧೆ.
*ಉಗಾಂಡ
ಐಸಿಸಿ ಟಿ20 ರ್ಯಾಂಕ್: 22
ನಾಯಕ: ಬ್ರಿಯಾನ್ ಮಸಾಬ
ಪ್ರಮುಖ ಆಟಗಾರರು: ರಿಯಾಜತ್ ಅಲಿ ಷಾ, ಫ್ರಾಂಕ್ ಎನ್ಸುಬುಗ, ಅಲ್ಬೇಶ್ ರಾಜಮಣಿ.
ವಿಶ್ವಕಪ್ ಸಾಧನೆ: ಆಫ್ರಿಕಾ ಖಂಡದಿಂದ ವಿಶ್ವಕಪ್ಗೆ ಮೊದಲ ಬಾರಿ ಅರ್ಹತೆ.
ಡಿ ಗುಂಪು
ಇದು ಟೂರ್ನಿಯ ಗ್ರೂಪ್ ಆಫ್ ಡೆತ್ ಎನ್ನಬಹುದು. ಇಲ್ಲಿ ಸೂಪರ್&8 ಹಂತಕ್ಕೇರಲು ದಕ್ಷಿಣ ಆಫ್ರಿಕಾ, ಶ್ರೀಲಂಕಾ ಮತ್ತು ಬಾಂಗ್ಲಾದೇಶ ನಡುವೆ ಬಹುತೇಕ ತ್ರಿಕೋನ ಸ್ಪರ್ಧೆ ಇದೆ. ಶ್ರೀಲಂಕಾ-ಬಾಂಗ್ಲಾದೇಶ ನಡುವಿನ ಇತ್ತೀಚೆಗಿನ ವೈರತ್ವದಿಂದಲೂ ಈ ಗುಂಪಿನ ಸ್ಪರ್ಧೆ ಬಿಸಿ ಏರಿಸಲಿದೆ. ಟಿ20 ವಿಶ್ವಕಪ್ನಲ್ಲಿ ಅಷ್ಟೇನೂ ಉತ್ತಮ ದಾಖಲೆ ಹೊಂದಿರದ ದ. ಆಫ್ರಿಕಾ ಐಸಿಸಿ ಟೂರ್ನಿಗಳ ಚೋಕರ್ಸ್ ಪಟ್ಟವನ್ನು ಈ ಸಲವಾದರೂ ಕಳಚುವ ತವಕದಲ್ಲಿದೆ. 2022ರಲ್ಲಿ ಸೂಪರ್-12 ಹಂತಕ್ಕೇರಿದ್ದ ನೆದರ್ಲೆಂಡ್ ಕೂಡ ನಿಕಟ ಸ್ಪರ್ಧೆಯೊಡ್ಡುವ ನಿರೀೆ ಇದೆ.
*ದಕ್ಷಿಣ ಆಫ್ರಿಕಾ
ಐಸಿಸಿ ಟಿ20 ರ್ಯಾಂಕ್: 7
ನಾಯಕ: ಏಡನ್ ಮಾರ್ಕ್ರಮ್
ಪ್ರಮುಖ ಆಟಗಾರರು: ಕ್ವಿಂಟನ್ ಡಿಕಾಕ್, ಹೆನ್ರಿಕ್ ಕ್ಲಾಸೆನ್, ಗೆರಾಲ್ಡ್ ಕೋಟ್ಜೀ.
ವಿಶ್ವಕಪ್ ಸಾಧನೆ: 2009, 2014ರಲ್ಲಿ ಸೆಮಿಫೈನಲ್ ಪ್ರವೇಶ.
*ಶ್ರೀಲಂಕಾ
ಐಸಿಸಿ ಟಿ20 ರ್ಯಾಂಕ್: 8
ನಾಯಕ: ವಾನಿಂದು ಹಸರಂಗ
ಪ್ರಮುಖ ಆಟಗಾರರು: ಚರಿತ್ ಅಸಲಂಕಾ, ಮಥೀಶ ಪಥಿರಣ, ಪಥುಮ್ ನಿಸ್ಸಂಕ.
ವಿಶ್ವಕಪ್ ಸಾಧನೆ: 2014ರಲ್ಲಿ ಚಾಂಪಿಯನ್, 2009, 2012ರಲ್ಲಿ ರನ್ನರ್ಅಪ್.
*ಬಾಂಗ್ಲಾದೇಶ
ಐಸಿಸಿ ಟಿ20 ರ್ಯಾಂಕ್: 9
ನಾಯಕ: ನಜ್ಮುಲ್ ಹೊಸೈನ್ ಶಾಂಟೊ
ಪ್ರಮುಖ ಆಟಗಾರರು: ಶಕೀಬ್ ಅಲ್ ಹಸನ್, ಮುಸ್ತಾಫಿಜುರ್ ರೆಹಮಾನ್, ಲಿಟನ್ ದಾಸ್.
ವಿಶ್ವಕಪ್ ಸಾಧನೆ: ಒಮ್ಮೆಯೂ ನಾಕೌಟ್ ಹಂತಕ್ಕೇರಿಲ್ಲ.
*ನೇಪಾಳ
ಐಸಿಸಿ ಟಿ20 ರ್ಯಾಂಕ್: 17
ನಾಯಕ: ರೋಹಿತ್ ಪೌಡೆಲ್
ಪ್ರಮುಖ ಆಟಗಾರರು: ದೀಪೇಂದ್ರ ಸಿಂಗ್, ಕುಶಾಲ್ ಬುರ್ಟೆಲ್, ಲಲಿತ್ ರಾಜಬಂಶಿ.
ವಿಶ್ವಕಪ್ ಸಾಧನೆ: 2014ರ ಬಳಿಕ 2ನೇ ಬಾರಿ ಸ್ಪರ್ಧೆ.
*ನೆದರ್ಲೆಂಡ್
ಐಸಿಸಿ ಟಿ20 ರ್ಯಾಂಕ್: 15
ನಾಯಕ: ಸ್ಕಾಟ್ ಎಡ್ವರ್ಡ್ಸ್
ಪ್ರಮುಖ ಆಟಗಾರರು: ಲೋಗನ್ ವಾನ್ ಬೀಕ್, ಬಡ್ ಡಿ ಲೀಡೆ, ಪೌಲ್ ವಾನ್ ಮೀಕೆರೆನ್
ವಿಶ್ವಕಪ್ ಸಾಧನೆ: 2014, 2022ರಲ್ಲಿ 2ನೇ ಸುತ್ತಿಗೆ ಪ್ರವೇಶ.
3 ದೇಶಗಳ ಪದಾರ್ಪಣೆ
ಈ ಬಾರಿ ಟಿ20 ವಿಶ್ವಕಪ್ಗೆ 3 ದೇಶಗಳು ಪದಾರ್ಪಣೆ ಮಾಡುತ್ತಿವೆ. ಅವುಗಳೆಂದರೆ ಆತಿಥೇಯ ಅಮೆರಿಕ, ಕೆನಡ ಮತ್ತು ಉಗಾಂಡ. ಕೆನಡ ಈ ಹಿಂದೆ ಏಕದಿನ ವಿಶ್ವಕಪ್ನಲ್ಲಿ ಆಡಿದ್ದರೂ, ಟಿ20 ವಿಶ್ವಕಪ್ಗೆ ಇದು ಮೊದಲ ಎಂಟ್ರಿಯಾಗಿದೆ. ಅಮೆರಿಕ ಯಾವುದೇ ಅರ್ಹತಾ ಸುತ್ತಿನಲ್ಲಿ ಆಡದೆ ಆತಿಥೇಯ ದೇಶವಾಗಿರುವುದರಿಂದ ನೇರಪ್ರವೇಶ ಪಡೆದಿದೆ. ಉಗಾಂಡ ಆಫ್ರಿಕಾ ಖಂಡದಿಂದ ಜಿಂಬಾಬ್ವೆ, ಕೀನ್ಯಾ ತಂಡಗಳನ್ನು ಹಿಂದಿಕ್ಕಿ ಅರ್ಹತೆ ಸಂಪಾದಿಸಿದೆ.
ಚಾಂಪಿಯನ್ಸ್
2007: ಭಾರತ
2009: ಪಾಕಿಸ್ತಾನ
2010: ಇಂಗ್ಲೆಂಡ್
2012: ವೆಸ್ಟ್ ಇಂಡೀಸ್
2014: ಶ್ರೀಲಂಕಾ
2016: ವೆಸ್ಟ್ ಇಂಡೀಸ್
2021: ಆಸ್ಟ್ರೆಲಿಯಾ
2022: ಇಂಗ್ಲೆಂಡ್
ಕಣದಲ್ಲಿ 20 ತಂಡಗಳು
ಟಿ20 ವಿಶ್ವಕಪ್ ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ ಸರ್ವಾಧಿಕ 20 ತಂಡಗಳು ಆಡಲಿವೆ. ಮೊದಲ 4 ಆವೃತ್ತಿಗಳಲ್ಲಿ ತಲಾ 12 ತಂಡಗಳಿದ್ದರೆ, ನಂತರದ 4 ಆವೃತ್ತಿಗಳಲ್ಲಿ ತಂಡಗಳ ಸಂಖ್ಯೆ 16ಕ್ಕೆ ಏರಿತ್ತು. ಆದರೆ 16 ತಂಡಗಳ ಟೂರ್ನಿಯಲ್ಲಿ ಪ್ರಮುಖ 8 ತಂಡಗಳು 2ನೇ ಸುತ್ತಿನಿಂದ ಅಭಿಯಾನ ಆರಂಭಿಸುತ್ತಿದ್ದವು. ಆದರೆ ಈ ಬಾರಿ ಎಲ್ಲ 20 ತಂಡಗಳು ಆರಂಭಿಕ ಸುತ್ತಿನಿಂದಲೇ ಕಣಕ್ಕಿಳಿಯಲಿವೆ.
ಟೂರ್ನಿ ಸ್ವರೂಪ
ಟೂರ್ನಿಯಲ್ಲಿ ಆಡುವ 20 ತಂಡಗಳನ್ನು ಲೀಗ್ ಹಂತದಲ್ಲಿ ತಲಾ 5ರಂತೆ 4 ಗುಂಪುಗಳಲ್ಲಿ ವಿಭಾಗಿಸಲಾಗಿದೆ. ರೌಂಡ್ ರಾಬಿನ್ ಲೀಗ್ ಬಳಿಕ ಪ್ರತಿ ಗುಂಪಿನ ಅಗ್ರ 2 ತಂಡಗಳು 2ನೇ ಸುತ್ತು ಅಂದರೆ ಸೂಪರ್&8 ಹಂತಕ್ಕೇರಲಿವೆ. ಇದರಲ್ಲೂ ತಲಾ 4ರಂತೆ 2 ಗುಂಪುಗಳು ಇರಲಿವೆ. ಆಯಾ ಗುಂಪಿನೊಳಗೆ ಎಲ್ಲ ತಂಡಗಳು ಪರಸ್ಪರ ಒಮ್ಮೆ ಮುಖಾಮುಖಿ ಆಗಲಿದ್ದು, ಅಂತಿಮವಾಗಿ ಪ್ರತಿ ಗುಂಪಿನ ಅಗ್ರ 2 ತಂಡಗಳು ಸೆಮಿಫೈನಲ್ಗೇರಲಿವೆ. ಜೂನ್ 29ರಂದು ಬಾರ್ಬಡೋಸ್ನಲ್ಲಿ ಫೈನಲ್ ಪಂದ್ಯದಲ್ಲಿ 9ನೇ ಆವೃತ್ತಿಯ ಚಾಂಪಿಯನ್ ತಂಡದ ನಿರ್ಧಾರವಾಗಲಿದೆ.
ಸೂಪರ್-8 ಗುಂಪು ವಿಂಗಡಣೆ
ಟೂರ್ನಿಯ ಲೀಗ್ ಹಂತದಲ್ಲಿ ಯಾವುದೇ ಆಘಾತಕಾರಿ ಲಿತಾಂಶಗಳು ಬಾರದೆ ಪ್ರಮುಖ 8 ತಂಡಗಳೇ ಸೂಪರ್&8 ಹಂತಕ್ಕೇರಿದರೆ, ಭಾರತ (ಎ1), ಆಸ್ಟ್ರೆಲಿಯಾ (ಬಿ2), ನ್ಯೂಜಿಲೆಂಡ್ (ಸಿ1), ಶ್ರೀಲಂಕಾ (ಡಿ2) ಮೊದಲ ಗುಂಪಿನಲ್ಲಿ ಸ್ಥಾನ ಪಡೆಯಲಿವೆ. ಪಾಕಿಸ್ತಾನ (ಎ2), ಇಂಗ್ಲೆಂಡ್ (ಬಿ1), ವೆಸ್ಟ್ ಇಂಡೀಸ್ (ಸಿ2), ದ. ಆಫ್ರಿಕಾ (ಡಿ1) ತಂಡಗಳು ಇನ್ನೊಂದು ಗುಂಪಿನಲ್ಲಿರಲಿವೆ. ಐಸಿಸಿ ಈಗಾಗಲೆ ಪ್ರತಿ ಗುಂಪಿನಲ್ಲಿ 2 ತಂಡಗಳಿಗೆ ಶ್ರೇಯಾಂಕ ನೀಡಿದ್ದು, ಇದರನ್ವಯ ಆಯಾ ಗುಂಪಿನ ಅಂಕಪಟ್ಟಿಯಲ್ಲಿ ತಂಡಗಳು ಯಾವ ಸ್ಥಾನ ಪಡೆದರೂ ಐಸಿಸಿ ಈಗಾಗಲೆ ನೀಡಿರುವ ಶ್ರೇಯಾಂಕದ ಅನ್ವಯ ಸೂಪರ್&8 ಗುಂಪಿನಲ್ಲಿ ವಿಂಗಡನೆಯಾಗಲಿವೆ. ಅಂದರೆ ಎ ಗುಂಪಿನಲ್ಲಿ ಪಾಕಿಸ್ತಾನದ ಬದಲು ಅಮೆರಿಕ ಸೂಪರ್-8ಗೆ ಅರ್ಹತೆ ಪಡೆದರೆ ಎ2 ತಂಡ ಆಗಿರಲಿದೆ. ಅಮೆರಿಕ ಗುಂಪಿನಲ್ಲಿ ಅಗ್ರಸ್ಥಾನ ಪಡೆದರೂ ಎ2 ತಂಡವೇ ಆಗಿರಲಿದೆ. ಭಾರತ ತನ್ನ ಗುಂಪಿನಲ್ಲಿ 2ನೇ ಸ್ಥಾನ ಪಡೆದರೂ ಎ1 ತಂಡವೇ ಆಗಿರಲಿದೆ. ಇದಲ್ಲದೆ ಭಾರತ ತಂಡ ಸೂಪರ್-8 ಅಂಕಪಟ್ಟಿಯಲ್ಲಿ ಯಾವುದೇ ಸ್ಥಾನ ಪಡೆದು ಸೆಮಿಫೈನಲ್ಗೇರಿದರೂ, ಜೂನ್ 27ರಂದು 2ನೇ ಸೆಮೀಸ್ನಲ್ಲೇ ಆಡಲಿದೆ. ಭಾರತದ ಪ್ರೇಕ್ಷಕರ ಅನುಕೂಲಕ್ಕಾಗಿ ಟೀಮ್ ಇಂಡಿಯಾದ ಎಲ್ಲ ಪಂದ್ಯಗಳನ್ನು ಐಸಿಸಿ ರಾತ್ರಿ 8 ಗಂಟೆಗೆ ನಿಗದಿಪಡಿಸಿರುವುದು ಇದಕ್ಕೆ ಪ್ರಮುಖ ಕಾರಣವಾಗಿದೆ.
ಸೂಪರ್-8 ಗುಂಪುಗಳು
ಗುಂಪು-1: ಎ1, ಬಿ2, ಸಿ1, ಡಿ2.
ಗುಂಪು-2: ಎ2, ಬಿ1, ಸಿ2, ಡಿ1.
9 ತಾಣಗಳಲ್ಲಿ ಪಂದ್ಯಗಳು
ಅಮೆರಿಕದ 3 ಮತ್ತು ವೆಸ್ಟ್ ಇಂಡೀಸ್ನ 6 ಕ್ರೀಡಾಂಗಣಗಳಲ್ಲಿ ಪಂದ್ಯಗಳು ನಡೆಯಲಿವೆ. ಈ ಪೈಕಿ 16 ಪಂದ್ಯಗಳು ಅಮೆರಿಕ ಮತ್ತು 39 ಪಂದ್ಯಗಳು ಕೆರಿಬಿಯನ್ ದ್ವೀಪಸಮೂಹದ 6 ದೇಶಗಳಲ್ಲಿ ನಡೆಯಲಿವೆ. ಸೂಪರ್&8 ಹಂತದ ಎಲ್ಲ 12 ಪಂದ್ಯಗಳು ಮತ್ತು ನಾಕೌಟ್ ಹಂತದ 3 ಪಂದ್ಯಗಳು ವಿಂಡೀಸ್ನಲ್ಲೇ ನಡೆಯಲಿವೆ.
ಸಮಯ ವ್ಯತ್ಯಾಸ
ಈ ಟಿ20 ವಿಶ್ವಕಪ್ನಲ್ಲಿ ಪಂದ್ಯಗಳು ನಡೆಯುವ ಸಮಯದಲ್ಲಿ ಏಕರೂಪತೆ ಇಲ್ಲದೆ, ವ್ಯತ್ಯಾಸಗಳು ಹೆಚ್ಚಿವೆ. ಟೀಮ್ ಇಂಡಿಯಾ ಆಡುವ ಪಂದ್ಯಗಳನ್ನು ಭಾರತದ ಕ್ರಿಕೆಟ್ ಪ್ರೇಮಿಗಳಿಗೆ ಅನುಕೂಲಕರ ಎನಿಸುವ ಸಮಯದಲ್ಲಿ ನಿಗದಿಪಡಿಸಲಾಗಿದೆ. ಅಲ್ಲದೆ ಟೂರ್ನಿಯ ಫೈನಲ್ ಸಹಿತ ಪ್ರಮುಖ ಪಂದ್ಯಗಳನ್ನು ಉಪಖಂಡದ ವೀಕ್ಷಕರಿಗೆ ಅನುಕೂಲಕವೆನಿಸುವ ಸಮಯದಲ್ಲೇ ನಡೆಸಲಾಗುತ್ತಿದೆ. ಭಾರತದಲ್ಲಿ ರಾತ್ರಿ 8 ಗಂಟೆಗೆ ನೇರಪ್ರಸಾರ ಕಾಣುವ ಪಂದ್ಯ ನ್ಯೂಯಾರ್ಕ್ನಲ್ಲಿ ಬೆಳಗ್ಗೆ 10.30ರಿಂದಲೇ ಶುರುವಾಗಲಿದೆ. ಇನ್ನು ಅಮೆರಿಕದಲ್ಲಿ ರಾತ್ರಿ 7.30ಕ್ಕೆ ಶುರುವಾಗುವ ಪಂದ್ಯ ಭಾರತದಲ್ಲಿ ಬೆಳಗ್ಗೆ 6 ಗಂಟೆಯಿಂದ ನೇರಪ್ರಸಾರ ಕಾಣಲಿದೆ. ಭಾರತ-ಅಮೆರಿಕ ನಡುವೆ 9 ಗಂಟೆ 30 ನಿಮಿಷಗಳ ವ್ಯತ್ಯಾಸವಿರುವುದು ಇದಕ್ಕೆ ಕಾರಣ.
ಟೈ ಆದರೆ ಸೂಪರ್ ಓವರ್
ಟೂರ್ನಿಯ ಯಾವುದೇ ಪಂದ್ಯ ಟೈ ಆದರೂ ಸೂಪರ್ ಓವರ್ ಇರಲಿದೆ. ಸೂಪರ್ ಓವರ್ ಟೈ ಆದರೂ ನಿಖರ ಫಲಿತಾಂಶ ಬರುವವರೆಗೆ ಸೂಪರ್ ಓವರ್ ಪುನರಾವರ್ತನೆ ಆಗಲಿದೆ.
ಫೈನಲ್ಗೆ ಮೀಸಲು ದಿನ
ಮಳೆ ಕಾಡಿದರೆ, ಜೂನ್ 29ರಂದು ನಿಗದಿಯಾಗಿರುವ ಫೈನಲ್ ಪಂದ್ಯಕ್ಕೆ ಮರುದಿನ ಅಂದರೆ ಜೂನ್ 30 ಮೀಸಲು ದಿನ ಆಗಿರಲಿದೆ. ಸೆಮಿಫೈನಲ್ ಪಂದ್ಯಗಳಿಗೆ ಮೀಸಲು ದಿನ ಇರುವುದಿಲ್ಲ. ಆದರೆ ಫಲಿತಾಂಶ ನಿರ್ಧಾರಕ್ಕಾಗಿ ಜೂನ್ 26ರ ಮೊದಲ ಸೆಮೀಸ್ಗೆ ಹೆಚ್ಚುವರಿ 60 ನಿಮಿಷ ಮತ್ತು ಜೂನ್ 27ರ 2ನೇ ಸೆಮೀಸ್ಗೆ ಹೆಚ್ಚುವರಿ 190 ನಿಮಿಷ ಸಮಯ ನಿಗದಿಪಡಿಸಲಾಗಿದೆ. ನಾಕೌಟ್ ಪಂದ್ಯಗಳಿಗೆ ಮಳೆ ಕಾಡಿದರೆ, ಫಲಿತಾಂಶ ನಿರ್ಧಾರಕ್ಕೆ ಕನಿಷ್ಠ 10 ಓವರ್ಗಳ ಪಂದ್ಯ ಅಗತ್ಯ.
9 ಕ್ರೀಡಾಂಗಣಗಳು
*ನಾಸೌ ಕೌಂಟಿ ಸ್ಟೇಡಿಯಂ, ನ್ಯೂಯಾರ್ಕ್
*ಗ್ರಾಂಡ್ ಪೆರೀ ಸ್ಟೇಡಿಯಂ, ಡಲ್ಲಾಸ್
*ಬ್ರೋವರ್ಡ್ ಸ್ಟೇಡಿಯಂ, ಲೌಡೆರ್ಹಿಲ್
*ಗಯಾನಾ ನ್ಯಾಷನಲ್ ಸ್ಟೇಡಿಯಂ, ಗಯಾನಾ
*ಕೆನ್ಸಿಂಗ್ಟನ್ ಓವಲ್, ಬ್ರಿಜ್ಟೌನ್
*ವಿವ್ ರಿಚರ್ಡ್ಸ್ ಸ್ಟೇಡಿಯಂ, ನಾರ್ತ್ಸೌಂಡ್
*ಬ್ರಿಯಾನ್ ಲಾರಾ ಕ್ರಿಕೆಟ್ ಅಕಾಡೆಮಿ, ತರೌಬ
*ಆನೋರ್ಸ್ ವೇಲ್ ಗ್ರೌಂಡ್, ಸೇಂಟ್ ವಿನ್ಸೆಂಟ್
*ಡರೇನ್ ಸ್ಯಾಮ್ಮಿ ಸ್ಟೇಡಿಯಂ, ಗ್ರಾಸ್ ಐಲೆಟ್
ಅಮೆರಿಕದಲ್ಲಿ ಮೊದಲ ಐಸಿಸಿ ಟೂರ್ನಿ
ವೆಸ್ಟ್ ಇಂಡೀಸ್ ಈ ಮುನ್ನ 2010ರಲ್ಲಿ ಟಿ20 ವಿಶ್ವಕಪ್ಗೆ ಆತಿಥ್ಯ ವಹಿಸಿತ್ತು. ಆದರೆ ಅಮೆರಿಕದಲ್ಲಿ ಇದು ಮೊಟ್ಟಮೊದಲ ಐಸಿಸಿ ಟೂರ್ನಿಯಾಗಿದೆ. ಭಾರತ ತಂಡ ಈ ಹಿಂದೆ ವಿಂಡೀಸ್ ಪ್ರವಾಸ ಕೈಗೊಂಡಾಗ ಅಮೆರಿಕದ ಬೇಸ್ಬಾಲ್ ಮೈದಾನಗಳಲ್ಲಿ ಕೆಲ ಟಿ20 ಪಂದ್ಯಗಳನ್ನು ಆಡಿತ್ತು. 2028ರ ಲಾಸ್ ಏಂಜಲಿಸ್ ಒಲಿಂಪಿಕ್ಸ್ಗೆ ಈಗಾಗಲೆ ಟಿ20 ಪದಕ ಸ್ಪರ್ಧೆಯಾಗಿ ಸೇರ್ಪಡೆಯಾಗಿರುವುದರಿಂದ ಅಮೆರಿಕದಲ್ಲಿ ಕ್ರಿಕೆಟ್ ಜನಪ್ರಿಯತೆ ಹೆಚ್ಚಿಸಲು ಈ ಟೂರ್ನಿ ಮಹತ್ವದ್ದಾಗಿದೆ.
2: ರೋಹಿತ್ ಶರ್ಮ ಮತ್ತು ಬಾಂಗ್ಲಾದೇಶದ ಶಕೀಬ್ ಅಲ್ ಹಸನ್ ಇದುವರೆಗಿನ ಎಲ್ಲ 9 ಟಿ20 ವಿಶ್ವಕಪ್ಗಳಲ್ಲೂ ಆಡಿರುವ ಇಬ್ಬರು ಆಟಗಾರರಾಗಿದ್ದಾರೆ. ಈ ಪೈಕಿ ರೋಹಿತ್ ಗರಿಷ್ಠ 39 ಪಂದ್ಯ ಆಡಿದ ದಾಖಲೆ ಹೊಂದಿದ್ದಾರೆ.
ಟಿ20 ವಿಶ್ವಕಪ್ ಟಾಪರ್ಸ್
*ಗರಿಷ್ಠ ರನ್: ವಿರಾಟ್ ಕೊಹ್ಲಿ (1,141)
*ಗರಿಷ್ಠ ವಿಕೆಟ್: ಶಕೀಬ್ ಅಲ್ ಹಸನ್ (47)
*ಗರಿಷ್ಠ ಗಳಿಕೆ: ಬ್ರೆಂಡನ್ ಮೆಕ್ಕಲಂ (123)
*ವೇಗದ ಶತಕ: ಕ್ರಿಸ್ ಗೇಲ್ (47 ಎಸೆತ)
*ಗರಿಷ್ಠ ಸಿಕ್ಸರ್: ಕ್ರಿಸ್ ಗೇಲ್ (63)
*ಬೆಸ್ಟ್ ಬೌಲಿಂಗ್: ಅಜಂತ ಮೆಂಡಿಸ್ (8ಕ್ಕೆ 6)
*ಗರಿಷ್ಠ ಕ್ಯಾಚ್: ಎಬಿ ಡಿವಿಲಿಯರ್ಸ್ (23)
*ಗರಿಷ್ಠ ಮೊತ್ತ: ಶ್ರೀಲಂಕಾ (260/6)
6: ವೆಸ್ಟ್ ಇಂಡೀಸ್ ದ್ವೀಪ ಸಮೂಹದ 6 ದೇಶಗಳಾದ ಬಾರ್ಬಡೋಸ್, ಗಯಾನಾ, ಆಂಟಿಗಾ&ರ್ಬಬುಡಾ, ಟ್ರಿನಿಡಾಡ್-ಟೊಬಾಗೊ, ಸೇಂಟ್ ಲೂಸಿಯಾ, ಸೇಂಟ್ ವಿನ್ಸೆಂಟ್ನಲ್ಲಿ ಪಂದ್ಯಗಳು ನಡೆಯಲಿವೆ.