ಅಹಮದಾಬಾದ್: ಕಳೆದ ಪಂದ್ಯದಲ್ಲಿ ಸುಲಭ ಗೆಲುವು ದಾಖಲಿಸಿ ಆತ್ಮವಿಶ್ವಾಸದಲ್ಲಿ ಬೀಗುತ್ತಿರುವ ತಂಡಗಳಾದ ಪಂಜಾಬ್ ಕಿಂಗ್ಸ್ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್, ಐಪಿಎಲ್&14ರಲ್ಲಿ ಭಾನುವಾರದ 2ನೇ ಪಂದ್ಯದಲ್ಲಿ ಸೆಣಸಲಿವೆ. ಪ್ಲೇಆ್ ಅವಕಾಶ ವೃದ್ಧಿಸಿಕೊಳ್ಳುವ ಸಲುವಾಗಿ ಉಭಯ ತಂಡಗಳು ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಡೆಯಲಿರುವ ಹೋರಾಟದಲ್ಲಿ ಗೆಲುವಿನ ಲಯ ಕಾಯ್ದುಕೊಳ್ಳಲು ಪ್ರಯತ್ನಿಸಲಿವೆ. ಹಾಲಿ ರನ್ನರ್ಅಪ್ ಡೆಲ್ಲಿ ತಂಡ ಇದುವರೆಗೆ ಆಡಿದ 7 ಪಂದ್ಯಗಳಲ್ಲಿ 5ರಲ್ಲಿ ಜಯಿಸಿ ಬಲಿಷ್ಠ ಸ್ಥಿತಿಯಲ್ಲಿದೆ. ರಿಷಭ್ ಪಂತ್ ಅವರಿಗೆ ನಾಯಕತ್ವ ಅನುಭವ ಕಡಿಮೆ ಇದ್ದರೂ, ತಂಡದ ಆಟಗಾರರ ಉತ್ತಮ ನಿರ್ವಹಣೆ ಅವರ ಕೆಲಸವನ್ನು ಸುಲಭವಾಗಿಸಿದೆ. ಮತ್ತೊಂದೆಡೆ ಪಂಜಾಬ್ ತಂಡ ಅಸ್ಥಿರ ನಿರ್ವಹಣೆಯ ಹಿನ್ನಡೆ ಹೊಂದಿದ್ದು, ಇದುವರೆಗೆ ಆಡಿದ 7 ಪಂದ್ಯಗಳಲ್ಲಿ 3ರಲ್ಲಿ ಗೆದ್ದು, 4ರಲ್ಲಿ ಸೋತಿದೆ. ಕಳೆದ 3 ಪಂದ್ಯಗಳಲ್ಲಿ 2ರಲ್ಲಿ ಜಯಿಸಿರುವ ಕೆಎಲ್ ರಾಹುಲ್ ಬಳಗ ನಿಧಾನವಾಗಿ ಲಯಕ್ಕೆ ಮರಳುವ ಸೂಚನೆ ರವಾನಿಸಿದೆ. ಮೋದಿ ಕ್ರೀಡಾಂಗಣದ ಪಿಚ್ ಪಂದ್ಯ ಸಾಗಿದಂತೆ ಬ್ಯಾಟಿಂಗ್ಗೆ ಕಠಿಣವಾಗುತ್ತಿದೆ. ಹೀಗಾಗಿ ಟಾಸ್ ಗೆದ್ದ ತಂಡ ಮೊದಲು ಬ್ಯಾಟಿಂಗ್ ಮಾಡಲು ಆದ್ಯತೆ ನೀಡಿದರೆ ಅಚ್ಚರಿ ಇಲ್ಲ. ಉಭಯ ತಂಡಗಳ ಬಲಿಷ್ಠ ಬ್ಯಾಟಿಂಗ್ ವಿಭಾಗ ಪಂದ್ಯದ ಕುತೂಹಲವನ್ನು ಹೆಚ್ಚಿಸಿದೆ.
ಪಂಜಾಬ್ಗೆ ಸ್ಪಿನ್ ಬಲ
ಕಳೆದ ಪಂದ್ಯದಲ್ಲಿ ಸ್ಪಿನ್ನರ್ಗಳಾದ ಹರ್ಪ್ರೀತ್ ಬ್ರಾರ್ ಮತ್ತು ರವಿ ಬಿಷ್ಣೋಯಿ ಬಿಗಿ ದಾಳಿಯ ನೆರವಿನಿಂದ ಆರ್ಸಿಬಿಯ ಬಲಿಷ್ಠ ಬ್ಯಾಟಿಂಗ್ ಪಡೆಗೆ ಕಡಿವಾಣ ಹಾಕಿದ್ದ ಪಂಜಾಬ್ ತಂಡ, ಡೆಲ್ಲಿ ತಂಡದ ಬಲಿಷ್ಠ ಬ್ಯಾಟಿಂಗ್ ವಿಭಾಗದ ವಿರುದ್ಧವೂ ಅಂಥದ್ದೇ ನಿರ್ವಹಣೆ ತೋರುವ ಹಂಬಲದಲ್ಲಿದೆ. ಬ್ರಾರ್&ಬಿಷ್ಣೋಯಿ ಜೋಡಿ 8 ಓವರ್ಗಳಲ್ಲಿ 36 ರನ್ ನೀಡಿ 5 ವಿಕೆಟ್ ಕಬಳಿಸಿತ್ತು. ಭಾರತೀಯ ಬ್ಯಾಟ್ಸ್ಮನ್ಗಳದ್ದೇ ಬಲ ಹೊಂದಿರುವ ಡೆಲ್ಲಿ ತಂಡವನ್ನು ಸ್ಪಿನ್ನರ್ಗಳು ಕಟ್ಟಿ ಹಾಕುವುದು ಸುಲಭವಲ್ಲ. ಬ್ಯಾಟಿಂಗ್ನಲ್ಲಿ ಕೆಎಲ್ ರಾಹುಲ್ ನಾಯಕನ ಆಟವಾಡುತ್ತಿರುವುದು ತಂಡಕ್ಕೆ ಬಲ ತುಂಬಿದೆ.
ಡೆಲ್ಲಿಗೆ ಬ್ಯಾಟಿಂಗ್ ಬಲ
ಶಿಖರ್ ಧವನ್ (311 ರನ್) ಮತ್ತು ಪೃಥ್ವಿ ಷಾ (269) ಭದ್ರ ಬುನಾದಿ ಹಾಕಿಕೊಟ್ಟ ಪಂದ್ಯಗಳಲ್ಲಿ ಡೆಲ್ಲಿ ತಂಡಕ್ಕೆ ಸುಲಭ ಜಯ ಲಭಿಸಿದೆ. ಈ ಜೋಡಿ ಇದುವರೆಗೆ 5 ಅರ್ಧಶತಕ ಬಾರಿಸಿದೆ. ಜತೆಗೆ 71 ಬೌಂಡರಿ ಮತ್ತು 15 ಸಿಕ್ಸರ್ ಕೂಡ ಸಿಡಿಸಿವೆ. ಮಧ್ಯಮ ಕ್ರಮಾಂಕದಲ್ಲಿ ರಿಷಭ್ ಪಂತ್, ಸ್ಟೀವನ್ ಸ್ಮಿತ್ ಮತ್ತು ಶಿಮ್ರೋನ್ ಹೆಟ್ಮೆಯರ್ ಕೂಡ ರನ್ ಗಳಿಸುತ್ತಿದ್ದಾರೆ. ಡೆಲ್ಲಿ ಬೌಲಿಂಗ್ ವಿಭಾಗವೂ ಪ್ರಬಲವಾಗಿದ್ದು, ಯುವ ವೇಗಿ ಆವೇಶ್ ಖಾನ್ 13 ವಿಕೆಟ್ ಕಬಳಿಸಿ ಮಿಂಚಿದ್ದಾರೆ. ಕರೊನಾದಿಂದ ಗುಣಮುಖರಾಗಿ ಮರಳಿದ ಬಳಿಕ ಆಲ್ರೌಂಡರ್ ಅರ್ ಪಟೇಲ್ ಕೂಡ ತಂಡದ ಬಲ ಹಿಗ್ಗಿಸಿದ್ದಾರೆ. ಕಗಿಸೊ ರಬಾಡ ಕಳೆದೆರಡು ಪಂದ್ಯಗಳಿಂದ ಉತ್ತಮ ದಾಳಿ ಸಂಟಿಸುತ್ತಿದ್ದರೂ, ವಿಕೆಟ್ ಕಬಳಿಸುವ ಚಕಚಕ್ಯತೆಯ ಕೊರತೆ ಇದೆ.
*ಪಂಜಾಬ್ ಕಿಂಗ್ಸ್: ಕಳೆದ ಪಂದ್ಯದಲ್ಲಿ ಸ್ಪಿನ್ನರ್ಗಳಿಂದ ಗೆಲುವು ಒಲಿದಿದ್ದರೂ, ವೇಗದ ಬೌಲಿಂಗ್ ವಿಭಾಗದ ಸಮಸ್ಯೆ ಇನ್ನೂ ಉಳಿದಿದೆ. ಕನ್ನಡಿಗ ಮಯಾಂಕ್ ಅಗರ್ವಾಲ್ ಫಿಟ್ ಆಗಿ ಮರಳಿದರೆ ಸಹಜವಾಗಿಯೇ ಪ್ರಭ್ಸಿಮ್ರಾನ್ ಸಿಂಗ್ ಸ್ಥಾನ ಬಿಟ್ಟುಕೊಡಬೇಕಾಗುತ್ತದೆ. ರಿಲಿ ಮೆರಿಡಿತ್ಗೆ ಮತ್ತೆ ಅವಕಾಶ ಸಿಗುವ ಬಗ್ಗೆಯೂ ಅನುಮಾನವಿದೆ.
ಕಳೆದ ಪಂದ್ಯ: ಆರ್ಸಿಬಿ ವಿರುದ್ಧ 34 ರನ್ ಜಯ.
*ಡೆಲ್ಲಿ ಕ್ಯಾಪಿಟಲ್ಸ್: ಗಾಯದಿಂದಾಗಿ ಕಳೆದ ಪಂದ್ಯದಿಂದ ಹೊರಗುಳಿದಿದ್ದ ಸ್ಪಿನ್ನರ್ ಅಮಿತ್ ಮಿಶ್ರಾ ಮರಳಿ ಕಣಕ್ಕಿಳಿಯಬಹುದು. ಇಲ್ಲಿನ ಪಿಚ್ನಲ್ಲಿ ಅವರು ತಂಡದ ಬಲ ಹೆಚ್ಚಿಸಲಿದ್ದಾರೆ. ಮಿಶ್ರಾ ಮರಳಿದರೆ ಲಲಿತ್ ಯಾದವ್ ಮತ್ತೊಮ್ಮೆ ಹೊರಗುಳಿಯಬಹುದು. ಲಲಿತ್ ಯಾದವ್ ಕಳೆದ ಪಂದ್ಯದಲ್ಲಿ ಮಿಂಚಿರುವುದರಿಂದ ವೇಗಿ ಇಶಾಂತ್ ಶರ್ಮ ಹೊರಬಿದ್ದರೂ ಅಚ್ಚರಿ ಇಲ್ಲ.
ಕಳೆದ ಪಂದ್ಯ: ಕೆಕೆಆರ್ ವಿರುದ್ಧ 7 ವಿಕೆಟ್ ಜಯ.
ಮುಖಾಮುಖಿ: 27
ಪಂಜಾಬ್: 15
ಡೆಲ್ಲಿ: 12
ಆರಂಭ: ರಾತ್ರಿ 7.30
ನೇರಪ್ರಸಾರ: ಸ್ಟಾರ್ ಸ್ಪೋರ್ಟ್ಸ್