ಬೆಂಗಳೂರು ಐಟಿಎಫ್ ಟೆನಿಸ್: 16ರ ಘಟ್ಟಕ್ಕೇರಿದ ಶ್ರೀವಲ್ಲಿ ರಶ್ಮಿಕಾ
ಬೆಂಗಳೂರು: ಭಾರತದ ಶ್ರೀವಲ್ಲಿ ರಶ್ಮಿಕಾ ಭಾಮಿದಿಪಟಿ (Shrivalli Rashmikaa Bhamidipaty) ಅವರು ಕೆಪಿಬಿ ಟ್ರಸ್ಟ್ ಐಟಿಎಫ್ ಮಹಿಳಾ ಓಪನ್ ಡಬ್ಲ್ಯು100 ಬೆಂಗಳೂರು ಟೆನಿಸ್ ಟೂರ್ನಿಯಲ್ಲಿ 16ರ ಘಟ್ಟಕ್ಕೇರಿದ್ದಾರೆ. ಭಾರತದ ಇನ್ನಿಬ್ಬರು ಆಟಗಾರ್ತಿಯರಾದ ಮಾಯಾ ರಾಜೇಶ್ವರನ್ ರೇವತಿ ಮತ್ತು ವೈದೇಹಿ ಚೌಧರಿ ಮೊದಲ ಸುತ್ತಿನಲ್ಲೇ ಹೊರಬಿದ್ದಿದ್ದಾರೆ.
ಎಸ್.ಎಂ. ಕೃಷ್ಣ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಟೂರ್ನಿಯಲ್ಲಿ ಬುಧವಾರ ನಡೆದ ಪಂದ್ಯದಲ್ಲಿ ಶ್ರೀವಲ್ಲಿ ರಶ್ಮಿಕಾ ಮಾಲ್ಟಾದ ಫ್ರಾನ್ಸೆಸ್ಕಾ ಕುರ್ಮಿ ವಿರುದ್ಧ 7-6, 6-4 ನೇರಸೆಟ್ಗಳಿಂದ ಗೆಲುವು ಸಾಧಿಸಿದರು. ಈ ಮೂಲಕ ಪ್ರಿ ಕ್ವಾರ್ಟರ್ಫೈನಲ್ಗೇರಿದ ಭಾರತದ 3ನೇ ಆಟಗಾರ್ತಿ ಎನಿಸಿದರು. ಸಹಜಾ ಯಮಲಪಲ್ಲಿ ಮತ್ತು ವೈಷ್ಣವಿ ಅಡ್ಕರ್ ಪ್ರಧಾನ ಸುತ್ತಿನ ಮೊದಲ ದಿನ ಈ ಸಾಧನೆ ಮಾಡಿದ್ದರು.
ಮಾಯಾ ರಾಜೇಶ್ವರ್ 5ನೇ ಶ್ರೇಯಾಂಕಿತೆ ರಷ್ಯಾದ ಪೊಲಿನಾ ಲಾಟ್ಚೆಂಕೊ ವಿರುದ್ಧ 1-6, 6-1, 0-6ರಿಂದ ಸೋತರೆ, ವೈದೇಹಿ ಆಸ್ಟ್ರೆಲಿಯಾದ ತಾಲಿಯಾ ಗಿಬ್ಸನ್ ಎದುರು 4-6, 0-6ರಿಂದ ಶರಣಾದರು.