ಕ್ವಾರ್ಟರ್​ಫೈನಲ್‌ಗೇರಿದ ಜ್ವೆರೆವ್, ಕಲಿನ್‌ಸ್ಕಯಾ: ಹೊರಬಿದ್ದ ಪೊಟಪೋವಾ, ಕ್ಯಾಸ್ಪರ್ ರುಡ್, ರುಬ್ಲೆವ್

ಸೋಮವಾರ ನಡೆದ ಮಹಿಳಾ ಸಿಂಗಲ್ಸ್ 4ನೇ ಸುತ್ತಿನಲ್ಲಿ 22ನೇ ಶ್ರೇಯಾಂಕಿತೆ ಅನ್ನಾ ಕಲಿನ್‌ಸ್ಕಯಾ 6-4, 2-6, 7-6 ರಿಂದ 2 ಗಂಟೆ 49 ನಿಮಿಷಗಳ ಹೋರಾಟದಲ್ಲಿ 28ನೇ ಶ್ರೇಯಾಂಕಿತೆ ಪೊಟಪೋವಾರನ್ನು ಮಣಿಸಿದರು. ಇದರೊಂದಿಗೆ ಕ್ವಾರ್ಟರ್‌ೈನಲ್‌ಗೇರಿದ ಮೊದಲ ಆಟಗಾರ್ತಿ ಎನಿಸಿದರೆ, ಮೂರನೇ ಸುತ್ತಿನಲ್ಲಿ ಹಾಲಿ ಚಾಂಪಿಯನ್ ಕೋಕೋ ಗ್ೌಗೆ ಶಾಕ್ ನೀಡಿದ್ದ ಪೊಟಪೋವಾ ನಿರಾಸೆ ಕಂಡರು.

ಅಮೆರಿಕದ ಮ್ಯಾಡೀಸನ್ ಕೀಸ್ 3-6, 6-3, 0-6 ರಿಂದ ಡಯಾನಾ ಶ್ನೈಡರ್ ವಿರುದ್ಧ ಮುಗ್ಗರಿಸಿದರು. ಈ ಮೂಲಕ ಶ್ನೈಡರ್ ಮೊದಲ ಬಾರಿಗೆ ಗ್ರಾಂಡ್ ಸ್ಲಾಂನಲ್ಲಿ 8ರ ಘಟ್ಟಕ್ಕೇರಿದ ಸಾಧನೆ ಮಾಡಿದರು.

ಪುರುಷರ ವಿಭಾಗದಲ್ಲಿ ವಿಶ್ವ ನಂ.1 ಸಿನ್ನರ್, ಜೋಕೊವಿಕ್ ಹೊರಬಿದ್ದ ನಂತರ ಪ್ರಶಸ್ತ ೇವರಿಟ್ ಆಗಿರುವ ಜರ್ಮನಿ ಜ್ವೆರೆವ್ 7-6, 6-4, 6-1ನೇರ ಸೆಟ್‌ಗಳಿಂದ ನೆದರ್ಲೆಂಡ್‌ನ ಜಸ್ಪರ್ ಡಿ ಜಾಮಗ್ ಎದುರು ಸುಲಭ ಗೆಲುವಿನೊಂದಿಗೆ ಎಂಟರ ಘಟ್ಟಕ್ಕೇರಿದರು. 26ನೇ ಶ್ರೇಯಾಂಕಿತ ಜಾಕೋಬ್ 6-3, 7-6, 4-6, 2-6, 6-3 ಐದು ಸೆಟ್‌ಗಳ 3 ಗಂಟೆ 45 ನಿಮಿಷಗಳ ಕಾದಾಟದಲ್ಲಿ 11ನೇ ಶ್ರೇಯಾಂಕಿತ ಅಂಡ್ರೆ ರುಬ್ಲೆವ್‌ಗೆ ಸೋಲುಣಿಸಿದರು. 24 ಗ್ರಾಂಡ್ ಸ್ಲಾಂ ವಿಜೇತ ಜೋಕೊವಿಕ್ ಶಾಕ್ ನೀಡಿದ್ದ ಬ್ರೆಜಿಲ್‌ನ ಫೋನ್ಸೆಕಾ 7-5, 7-6, 5-7, 6-2 ರಿಂದ 15ನೇ ಶ್ರೇಯಾಂಕಿತ ಕ್ಯಾಸ್ಪರ್ ರುಡ್ ಎದುರು ಕನಸಿನ ಓಟವನ್ನು ವಿಸ್ತರಿಸಿದರು.

ಪುರುಷರ ಡಬಲ್ಸ್‌ನಲ್ಲಿ ಭಾರತದ ಶ್ರೀರಾಮ್ ಬಾಲಾಜಿ ಹಾಗೂ ಬ್ರೆಜಿಲ್‌ನ ಮಾರ್ಸೆಲೊ ಡೆಮೊಲೈನರ್ ಕ್ವಾರ್ಟರ್​ಫೈನಲ್‌ ಪ್ರವೇಶಿಸಿದರು. ಸೋಮವಾರ ನಡೆದ ಮೂರನೇ ಸುತ್ತಿನ ಪಂದ್ಯದಲ್ಲಿ ಇಂಡೋ-ಬ್ರೆಜಿಲ್ ಜೋಡಿ 7-5, 6-4 ನೇರ ಸೆಟ್‌ಗಳಿಂದ ಆರನೇ ಶ್ರೇಯಾಂಕಿತ, ಜರ್ಮನಿಯ ಕೆವಿನ್ ಕ್ವಾವಿಟ್ಜ್-ಟಿಮ್ ಪುಯೆಟ್ಜ್ ಜೋಡಿಯನ್ನು ಪರಾಭವಗೊಳಿಸಿತು. ಮಿಶ್ರ ಡಬಲ್ಸ್‌ನಲ್ಲಿ ಯೂಕಿ ಭಾಂಬ್ರಿ ಜೋಡಿ ನಿರ್ಗಮನ ಬಳಿಕ ಶ್ರೀರಾಮ್ ಬಾಲಾಜಿ ಟೂರ್ನಿಯಲ್ಲಿ ಸವಾಲು ಉಳಿಸಿಕೊಂಡಿರುವ ಏಕೈಕ ಭಾರತೀಯ ಎನಿಸಿದ್ದಾರೆ.