ಬೆಂಗಳೂರು: ನಾಯಕ ಫಾಫ್ ಡು ಪ್ಲೆಸಿಸ್ (64 ರನ್, 23 ಎಸೆತ, 10 ಬೌಂಡರಿ, 3 ಸಿಕ್ಸರ್) ಬಿರುಸಿನ ಬ್ಯಾಟಿಂಗ್ ಹಾಗೂ ವೇಗದ ಬೌಲರ್ಗಳ ಸಂಟಿತ ದಾಳಿಯ ನೆರವಿನಿಂದ ಆತಿಥೇಯ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಐಪಿಎಲ್&17ರ ತನ್ನ 11ನೇ ಪಂದ್ಯದಲ್ಲಿ ಹಾಲಿ ರನ್ನರ್ಅಪ್ ಗುಜರಾತ್ ಟೈಟಾನ್ಸ್ ಎದುರು 4 ವಿಕೆಟ್ಗಳಿಂದ ಗೆಲುವು ಸಾಧಿಸಿದೆ. ಹ್ಯಾಟ್ರಿಕ್ ಜಯದೊಂದಿಗೆ ಫಾಫ್ ಡು ಪ್ಲೆಸಿಸ್ ಪಡೆ ಅಂಕಪಟ್ಟಿಯಲ್ಲಿ 7ನೇ ಸ್ಥಾನಕ್ಕೇರಿತು. ಶುಭಮಾನ್ ಗಿಲ್ ಬಳಗ 9ನೇ ಸ್ಥಾನಕ್ಕೆ ಕುಸಿದಿದ್ದು, ಪ್ಲೇಆಫ್ ರೇಸ್ನಲ್ಲಿ ಭಾರಿ ಹಿನ್ನಡೆ ಅನುಭವಿಸಿದೆ.
ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಶನಿವಾರ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ ಇಳಿದ ಗುಜರಾತ್ ಟೈಟಾನ್ಸ್, ಆರ್ಸಿಬಿ ವೇಗಿಗಳ ಬಿಗಿ ದಾಳಿಗೆ ನಿರಂತರ ವಿಕೆಟ್ ಕಳೆದುಕೊಂಡು ಶಾರುಖ್ ಖಾನ್ (37 ರನ್, 24 ಎಸೆತ, 5 ಬೌಂಡರಿ, 1 ಸಿಕ್ಸರ್) ಹಾಗೂ ರಾಹುಲ್ ತೆವಾಟಿಯಾ ಉಪಯುಕ್ತ ಬ್ಯಾಟಿಂಗ್ ಬಲದಿಂದ 19.3 ಓವರ್ಗಳಲ್ಲಿ 147 ರನ್ಗಳಿಗೆ ಆಲೌಟ್ ಆಯಿತು.
ಪ್ಲೆಸಿಸ್-ವಿರಾಟ್ ಕೊಹ್ಲಿ ಒದಗಿಸಿದ ಆರಂಭ ಬಲದಿಂದ 6 ಓವರ್ಗಳಲ್ಲಿ 92 ರನ್ಗಳಿಸಿದ ಆರ್ಸಿಬಿ ನಂತರ ನಾಟಕೀಯ ಕುಸಿತ ಕಂಡು 117 ರನ್ಗಳಿಗೆ 6 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು. ಆಗ ಜತೆಯಾದ ಅನುಭವಿ ದಿನೇಶ್ ಕಾರ್ತಿಕ್ (21*) ಹಾಗೂ ಸ್ವಪ್ನಿಲ್ ಸಿಂಗ್ (15*) ನಡೆಸಿದ ದಿಟ್ಟ ಬ್ಯಾಟಿಂಗ್ನಿಂದ ಅಂತಿಮವಾಗಿ 13.4 ಓವರ್ಗಳಲ್ಲಿ 6 ವಿಕೆಟ್ಗೆ 152 ರನ್ಗಳಿಸಿ ತವರಿನಲ್ಲಿ 2ನೇ ಗೆಲುವು ದಾಖಲಿಸಿತು.
ಚೇಸಿಂಗ್ಗೆ ಬಲ ತುಂಬಿದ ಪ್ಲೆಸಿಸ್
ಡು ಪ್ಲೆಸಿಸ್ ಹಾಗೂ ವಿರಾಟ್ ಕೊಹ್ಲಿ (42) ಬಿರುಸಿನ ಬ್ಯಾಟಿಂಗ್ ಮೂಲಕ ಆರ್ಸಿಬಿ ಚೇಸಿಂಗ್ ಸುಲಭಗೊಳಿಸಿದರು. ಇವರಿಬ್ಬರು ಮೊದಲ ವಿಕೆಟ್ಗೆ 35 ಎಸೆತಗಳಲ್ಲಿ 92 ರನ್ಗಳಿಸಿ ಭರ್ಜರಿ ಆರಂಭ ಒದಗಿಸಿದರು. ಗುಜರಾತ್ ಬೌಲರ್ಗಳನ್ನು ದಂಡಿಸಿದ ಪ್ಲೆಸಿಸ್ ಸರಾಗವಾಗಿ ರನ್ ದಾಖಲಿಸಿದರು. ಇವರಿಗೆ ಕೊಹ್ಲಿ ಸಮರ್ಥ ಬೆಂಬಲ ಒದಗಿಸಿದರು. 18 ಎಸೆತಗಳಲ್ಲಿ ಹಾಲಿ ಆವೃತ್ತಿಯಲ್ಲಿ 2ನೇ ಅರ್ಧಶತಕ ಸಿಡಿಸಿದ ಪ್ಲೆಸಿಸ್ ವಿಕೆಟ್ ಪಡೆದ ಜೋಶ್ ಲಿಟಲ್ (45ಕ್ಕೆ 4) ಆರ್ಸಿಬಿಗೆ ಕಡಿವಾಣ ಹೇರಿದರು. ನಂತರ ವಿಲ್ ಜಾಕ್ಸ್ (1),ರಜತ್ ಪಾಟೀದಾರ್ (2), ಗ್ಲೆನ್ ಮ್ಯಾಕ್ಸ್ವೆಲ್ (4) ಹಾಗೂ ಕ್ಯಾಮರಾನ್ ಗ್ರೀನ್ (1) 18 ರನ್ ಅಂತರದಲ್ಲಿ ಔಟಾದರು. 7ನೇ ವಿಕೆಟ್ಗೆ ಜತೆಯಾದ ಕಾರ್ತಿಕ್ ಹಾಗೂ ಸ್ವಪ್ನಿಲ್ 18 ಎಸೆತಗಳಲ್ಲಿ 35 ರನ್ ಕಸಿದು ಇನ್ನೂ 38 ಎಸೆತ ಬಾಕಿಯಿರುವಂತೆಯೇ ಗೆಲುವಿನ ದಡ ಸೇರಿಸಿದರು. ಇದರೊಂದಿಗೆ ಆರ್ಸಿಬಿ ರನ್ರೇಟ್ ಸಹ ಸುಧಾರಣೆ ಕಂಡಿತು.