ವಿಜಯವಾಣಿ ಸುದ್ದಿಜಾಲ ಬೆಂಗಳೂರು
ಶಿವಮೊಗ್ಗ ಲಯನ್ಸ್ ಆರಂಭಿಕ 6 ಪಂದ್ಯಗಳ ಸೋಲಿನ ಬಳಿಕ ಸತತ 2ನೇ ಜಯದೊಂದಿಗೆ ಸೆಮೀಸ್ ಆಸೆ ಜೀವಂತ ಉಳಿಸಿಕೊಂಡಿದೆ. ಇಂಪ್ಯಾಕ್ಟ್ ಪ್ಲೇಯರ್ ಆಗಿ ಮತ್ತೊಮ್ಮೆ ಮಿಂಚಿದ ಅಭಿನವ್ ಮನೋಹರ್ (43) ಮತ್ತು ಎಸ್. ಶಿವರಾಜ್ (24*) ಉಪಯುಕ್ತ ಆಟದಿಂದ ಶಿವಮೊಗ್ಗ ತಂಡ ಮಹಾರಾಜ ಟ್ರೋಫಿ ಟಿ20 ಟೂರ್ನಿಯಲ್ಲಿ ಭಾನುವಾರದ 2ನೇ ಪಂದ್ಯದಲ್ಲಿ ಮಂಗಳೂ ಡ್ರ್ಯಾಗನ್ಸ್ ವಿರುದ್ಧ 3 ವಿಕೆಟ್ಗಳಿಂದ ಜಯ ಸಾಧಿಸಿತು. ಇದರೊಂದಿಗೆ ನಿಹಾಲ್ ಉಲ್ಲಾಳ್ ಪಡೆ ಅಂಕಪಟ್ಟಿಯಲ್ಲಿ 5ನೇ ಸ್ಥಾನಕ್ಕೇರಿದರೆ, ಮಂಗಳೂರು ಕೊನೇ ಸ್ಥಾನಕ್ಕೆ ಕುಸಿಯಿತು.
ಟಾಸ್ ಸೋತು ಮೊದಲು ಬ್ಯಾಟಿಂಗ್ಗೆ ಇಳಿದ ಮಂಗಳೂರು ತಂಡ ನಿಕಿನ್ ಜೋಸ್ (57 ರನ್, 37 ಎಸೆತ, 7 ಬೌಂಡರಿ, 1 ಸಿಕ್ಸರ್) ಅರ್ಧಶತಕದ ಬಲದಿಂದ 7 ವಿಕೆಟ್ಗೆ 152 ರನ್ ಗಳಿಸಿತು. ಪ್ರತಿಯಾಗಿ ಶಿವಮೊಗ್ಗ 18.4 ಓವರ್ಗಳಲ್ಲಿ 7 ವಿಕೆಟ್ಗೆ 153 ರನ್ ಗಳಿಸಿ ಜಯಿಸಿತು.
ಮಂಗಳೂರು ಡ್ರ್ಯಾಗನ್ಸ್: 7 ವಿಕೆಟ್ಗೆ 152 (ನೋರೋನ್ಹಾ 6, ರೋಹನ್ 9, ನಿಕಿನ್ 57, ಸಿದ್ಧಾರ್ಥ್ 9, ಶ್ರೇಯಸ್ 19, ದರ್ಶನ್ 18*, ಲೋಚನ್ 19, ಕೌಶಿಕ್ 21ಕ್ಕೆ 1, ಆನಂದ್ 26ಕ್ಕೆ 1, ಅವಿನಾಶ್ 26ಕ್ಕೆ 1, ಅಶೋಕ್ 20ಕ್ಕೆ 1, ಹಾರ್ದಿಕ್ 21ಕ್ಕೆ 1). ಶಿವಮೊಗ್ಗ ಲಯನ್ಸ್: 18.4 ಓವರ್ಗಳಲ್ಲಿ 7 ವಿಕೆಟ್ಗೆ 153 (ನಿಹಾಲ್ 13, ರೋಹನ್ ನವೀನ್ 37, ಅಭಿನವ್ 43, ಶಿವರಾಜ್ 24*, ಅದ್ವಿತ್ ಶೆಟ್ಟಿ 49ಕ್ಕೆ 2, ಆರ್ಯ 14ಕ್ಕೆ 2).
ಇಂದಿನ ಪಂದ್ಯಗಳು
ಮಂಗಳೂರು ಡ್ರ್ಯಾಗನ್ಸ್-ಹುಬ್ಬಳ್ಳಿ ಟೈಗರ್ಸ್
ಆರಂಭ: ಮಧ್ಯಾಹ್ನ 3.00
ಬೆಂಗಳೂರು ಬ್ಲಾಸ್ಟರ್ಸ್-ಗುಲ್ಬರ್ಗಾ ಮಿಸ್ಟಿಕ್ಸ್
ಆರಂಭ: ರಾತ್ರಿ 7.00
ನೇರಪ್ರಸಾರ: ಸ್ಟಾರ್ ಸ್ಪೋರ್ಟ್ಸ್ ಕನ್ನಡ