ಬೆಂಗಳೂರು: IPL2025 ಹರಾಜಿನ ವೇಳೆ RCB ಪ್ರಾಂಚೈಸಿ ವೇಗಿ ಮೊಹಮ್ಮದ್ ಸಿರಾಜ್ ಮತ್ತು ಸ್ಫೋಟಕ ಬ್ಯಾಟ್ಸ್ಮನ್ ವಿಲ್ ಜ್ಯಾಕ್ಸ್ ಅವರನ್ನು ಕೈಬಿಟ್ಟಿರುವುದರ ಬಗ್ಗೆ ಬೇಸರ ವ್ಯಕ್ತಪಡಿಸಿರುವ RCB ಮೆಂಟರ್ ದಿನೇಶ್ ಕಾರ್ತಿಕ್, ಅವರನ್ನು ಮರಳಿ ಪಡೆಯಲು ಸಾಧ್ಯವಾಗದಿರುವ ಬಗ್ಗೆ ಬಹಿರಂಗಪಡಿಸಿದ್ದಾರೆ.
ಹರಾಜು ವೇಳೆ ಸಿರಾಜ್ ಮತ್ತು ವಿಲ್ ಜ್ಯಾಕ್ ಅವರನ್ನು ಖರೀದಿಗೆ ರೈಟ್ ಟು ಮ್ಯಾಚ್(RTM) ಬಳಸಿದ್ದಾಗ ಎಲ್ಲರ ಕಣ್ಣು ಹುಬ್ಬೆರುವಂತೆ ಮಾಡಿತು. ಇದೇ ಸಂದರ್ಭವನ್ನು ದಿನೇಶ್ ಕಾರ್ತಿಕ್ ವಿವರಿಸಿದ್ದಾರೆ.
''ಮೊಹಮ್ಮದ್ ಸಿರಾಜ್ ನಮಗೆ ಅದ್ಭುತ ಬೌಲರ್, ಅವರನ್ನು ನಮ್ಮ ತಂಡಕ್ಕೆ ಮರಳಿ ಪಡೆಯಲು ತುಂಬಾ ಉತ್ಸುಕರಾಗಿದ್ದೇವು. ಆದರೆ, ಬೇರೆ ಪ್ರಾಂಚೈಸಿ ಅವರ ಮೇಲೆ ದುಬಾರಿ ಬಿಡ್ಡಿಂಗ್ ಮಾಡಿತು. ಇದರಿಂದ ನಮಗೆ ಸಲ್ಪ ಹಿನ್ನೆಡೆ ಆಗಿತು. ಅಲ್ಲದೆ, ನಾವು ಬೇರೆ ಬೇರೆ ಆಟಗಾರರನ್ನು ಖರೀದಿಗೆ ಮುಂದಾಗಬೇಕಿದೆ. ಆ ಸಂದರ್ಭದಲ್ಲಿ ನಮ್ಮ ಪ್ಯಾಕೇಟ್ ಮೊನಿ ಅನುಸಾರವಾಗಿ ಬಿಡ್ಡಿಂಗ್ ಮಾಡಬೇಕಾಗಿ ಬಂತು. ಅವರನ್ನು ಖರೀದಿ ಮಾಡಲೇಬೇಕು ಎಂದು ಪಣತೊಟ್ಟರೆ ಅದು ಬಿಡ್ಡಿಂಗ್ ಆಗುವುದಿಲ್ಲ. ಹೀಗಾಗಿ, ಅವರನ್ನು ಕೈಬಿಡಬೇಕಾಗಿ ಬಂತು'' ಎಂದು ನಿರಾಸೆ ವ್ಯಕ್ತಪಡಿಸಿದ್ದಾರೆ.
ವಿಲ್ ಜ್ಯಾಕ್ಸ್ನ್ನು ಉಳಿಸಿಕೊಳ್ಳದಿರುವುದರ ಬಗ್ಗೆ ಸಮರ್ಥನೆ ಮಾಡಿಕೊಂಡ ಕಾರ್ತಿಕ್
ಸಿರಾಜ್ 12.25 ಕೋಟಿಗೆ ಗುಜರಾತ್ ಟೈಟನ್ಸ್ಗೆ ಹೋದರೆ, ವಿಲ್ ಜ್ಯಾಕ್ಸ್ ಐದು ಬಾರಿ ಚಾಂಪಿಯನ್ಸ್ ಆಗಿರುವ ಮುಂಬೈ ಇಂಡಿಯನ್ಸ್ ತೆಕ್ಕೆಗೆ 5.25 ಕೋಟಿ ರೂ.ಗೆ ಹೋದರು. ಇದರ ಬಗ್ಗೆ ಮಾತನಾಡಿರುವ ದಿನೇಶ್, ಜ್ಯಾಕ್ಸ್ ಅವರನ್ನು ಉಳ್ಳಿಸಿಕೊಳ್ಳಲು ಉತ್ಸುಕರಾಗಿದ್ದೇವು. ಆದರೆ, ಮಧ್ಯಮ ಕ್ರಮಾಂಕದಲ್ಲಿ ತಮಗೆ ಸಿಕ್ಕಿರುವ ಲಿವಿಂಗ್ಸ್ಟೋನ್ ಮತ್ತು ಟಿಮ್ ಡೇವಿಡ್ ಬಗ್ಗೆ ಸಂತೋಷವಾಗಿದೆ ಎಂದಿದ್ದಾರೆ.
''ವಿಲ್ ಜ್ಯಾಕ್ಸ್ ಮರಳಿ ಪಡೆಯಲು ಆರ್ಟಿಎಂ ಕಾರ್ಡ್ ಬಳಸಬಹುದಾಗಿತ್ತು. ಆದರೆ, ನಮ್ಮ ತಂಡ ನೋಡಿ ಮೊದಲ ಬ್ಯಾಟರ್ ಆಗಿ ಫಿಲ್ ಸ್ಟಾಲ್ ಮತ್ತು ಮಾಧ್ಯಮ ಕ್ರಮಾಂಕದಲ್ಲಿ ಲಿವಿಂಗ್ಸ್ಟೋನ್ ಮತ್ತು ಟಿಮ್ ಡೇವಿಡ್ ಇದ್ದಾರೆ. ಕೆಲ ಸಂದರ್ಭದಲ್ಲಿ ತಂಡ ಬದಲಾವಣೆ ಮಾಡಬೇಕಾಗುತ್ತದೆ. ಹೀಗಾಗಿ, ಇದನ್ನು ನೀವು ಅರ್ಥ ಮಾಡಿಕೊಳ್ಳಬೇಕು ಎಂದು ವಿಲ್ ಜ್ಯಾಕ್ಸ್ನ್ನು ಉಳಿಸಿಕೊಳ್ಳದಿರುವುದರ ಬಗ್ಗೆ ದಿನೇಶ್ ಕಾರ್ತಿಕ್ ಸಮರ್ಥನೆ ಮಾಡಿಕೊಂಡಿದ್ದಾರೆ. ತಂಡದಿಂದ ಸಿರಾಜ್ ಮತ್ತು ವಿಲ್ ಜ್ಯಾಕ್ಸ್ ಹೋಗಿರುವುದರ ಬಗ್ಗೆ ನಮಗೂ ಬೇಸರವಿದೆ. ಅವರು ಒಳ್ಳೆಯ ತಂಡವನ್ನು ಸೇರಿದ್ದಾರೆ ಎಂದಿರುವ ಅವರು ಇಬ್ಬರಿಗೂ ಶುಭ ಹಾರೈಸಿದ್ದಾರೆ, (ಏಜೆನ್ಸೀಸ್).