ನವದೆಹಲಿ: ಭಾರತ ಹಾಗೂ ಆಸ್ಟ್ರೇಲಿಯಾ ನಡುವಿನ ದ್ವಿಪಕ್ಷೀಯ ಸರಣಿ ಅರ್ಧದಾರಿ ಸವೆದಿದೆ. ಏಕದಿನ ಸರಣಿಯಲ್ಲಿ ಆತಿಥೇಯ ತಂಡ ಗೆದ್ದುಕೊಂಡರೆ, ಟಿ20 ಸರಣಿ ಜಯಿಸುವ ಮೂಲಕ ಭಾರತ ಪ್ರತೀಕಾರ ತೀರಿಸಿಕೊಂಡಿತ್ತು. ಇದೀಗ ಉಭಯ ತಂಡಗಳ ನಡುವೆ ನಿರ್ಣಾಯಕ 4 ಪಂದ್ಯಗಳ ಟೆಸ್ಟ್ ಸರಣಿಗೆ ದಿನಗಣನೆ ಆರಂಭಗೊಂಡಿದೆ. ಮಹತ್ವಾಂಕ್ಷೆಯ ಸರಣಿ ಕುರಿತು ಈಗಾಗಲೇ ಭಾರತಕ್ಕೆ ಹಲವು ಎಚ್ಚರಿಕೆ ಸಂದೇಶಗಳು ಬರುತ್ತಿವೆ. ಇದೀಗ ದಿಗ್ಗಜ ಸಚಿನ್ ತೆಂಡುಲ್ಕರ್ ಕೂಡ ಆ ಅಪಾಯಕಾರಿ ಆಟಗಾರ ಕುರಿತು ಎಚ್ಚರಿಕೆಯಿಂದ ಇರುವಂತೆ ಭಾರತದ ಆಟಗಾರರಿಗೆ ತಿಳಿ ಹೇಳಿದ್ದಾರೆ.
ಲಬುಶೇನ್ ಅಲ್ಲದೆ, ಡೇವಿಡ್ ವಾರ್ನರ್, ಸ್ಟೀವನ್ ಸ್ಮಿತ್ ಕೂಡ ಭಾರತಕ್ಕೆ ಅಪಾಯಕಾರಿ ಆಗಬಲ್ಲರು ಎಂದಿದ್ದಾರೆ. ಕಳೆದ ಪ್ರವಾಸಕ್ಕೆ ಹೋಲಿಸಿದರೆ ಆಸೀಸ್ ತಂಡ ಬಲಿಷ್ಠವಾಗಿದ್ದು, ಈ ಮೂವರ ಆಗಮನದಿಂದ ಆಸೀಸ್ ಬ್ಯಾಟಿಂಗ್ ವಿಭಾಗದಲ್ಲಿ ಶಕ್ತಿಶಾಲಿಯಾಗಿದೆ ಎಂದು ಸಚಿನ್ ಹೇಳಿದ್ದಾರೆ.