ವೆಲ್ಲಿಂಗ್ಟನ್: ನ್ಯೂಜಿಲೆಂಡ್ನ ಮಾಜಿ ಬ್ಯಾಟರ್ ರಾಸ್ ಟೇಲರ್ ಕ್ರಿಕೆಟ್ ನಿವೃತ್ತಿಯನ್ನು ಹಿಂಪಡೆದಿದ್ದು, ಮುಂದಿನ ತಿಂಗಳು ಓಮನ್ನಲ್ಲಿ ನಡೆಯಲಿರುವ ಟಿ20 ವಿಶ್ವಕಪ್ ಅರ್ಹತಾ ಟೂರ್ನಿಯಲ್ಲಿ ಸಮೋವಾ ದೇಶದ ಪರ ಕಣಕ್ಕಿಳಿಯಲಿದ್ದಾರೆ.
ಸಮೋವಾ ಕೇವಲ 2 ಲಕ್ಷ ಜನಸಂಖ್ಯೆಯ ಓಶಿಯಾನಿಯಾದ ದ್ವೀಪರಾಷ್ಟ್ರವಾಗಿದ್ದು, 1962ರಲ್ಲಿ ನ್ಯೂಜಿಲೆಂಡ್ನಿಂದ ಸ್ವಾತಂತ್ರ್ಯವನ್ನು ಪಡೆದುಕೊಂಡಿತ್ತು. ಟೇಲರ್ ಅವರ ತಾಯಿ ಸಮೋವಾ ದೇಶದವರೇ ಆಗಿದ್ದರು. 41 ವರ್ಷದ ಟೇಲರ್ 2022ರಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ವಿದಾಯ ಹೇಳಿದ್ದರು.
ನ್ಯೂಜಿಲೆಂಡ್ ಪರ ಎಲ್ಲ ಮಾದರಿಯ ಕ್ರಿಕೆಟ್ನಲ್ಲಿ 100ಕ್ಕೂ ಅಧಿಕ ಪಂದ್ಯ ಆಡಿದ ಏಕೈಕ ಆಟಗಾರರಾಗಿರುವ ಅವರು, ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಒಟ್ಟಾರೆ 18 ಸಾವಿರಕ್ಕೂ ಅಧಿಕ ರನ್ ಬಾರಿಸಿದ್ದಾರೆ. 2021ರ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ ವಿಜೇತ ಕಿವೀಸ್ ತಂಡದ ಭಾಗವೂ ಆಗಿದ್ದರು.