ನವದೆಹಲಿ: ಭಾರತ ತಂಡದ ಸ್ಪಿನ್ನರ್ ಯಜುವೇಂದ್ರ ಚಾಹಲ್ ಗೆಳತಿ ಹಾಗೂ ಸೋಶಿಯಲ್ ಮೀಡಿಯಾ ಇನ್ಫ್ಲುಯೆನ್ಸರ್ ಅರ್ಜೆ ಮಹ್ವಾಶ್, ಚೊಚ್ಚಲ ಆವೃತ್ತಿಯ ಕ್ರಿಕೆಟ್ ಲೀಗ್ ಟಿ10 (ಸಿಎಲ್ಟಿ10) ಟೂರ್ನಿಯಲ್ಲಿ ಸುಪ್ರೀಂ ಸ್ಟ್ರೆಕರ್ಸ್ ತಂಡದ ಒಡೆತನ ಪಡೆದುಕೊಂಡಿದ್ದಾರೆ. 3 ದಿನಗಳ ಟೆನಿಸ್ಬಾಲ್ ಕ್ರಿಕೆಟ್ ಟೂರ್ನಿ ಆಗಸ್ಟ್ 22ರಿಂದ 24ರವರೆಗೆ ನೋಯ್ಡಾದಲ್ಲಿ ನಡೆಯಲಿದೆ.
ನವದೆಹಲಿಯಲ್ಲಿ ನಡೆದ ಹರಾಜಿನಲ್ಲಿ ತಂಡದ ಒಡೆತನ ಪಡೆದಿರುವ ಮಹ್ವಾಶ್, ಆಸ್ಟ್ರೆಲಿಯಾದ ಮಾಜಿ ಕ್ರಿಕೆಟಿಗ ಶಾನ್ ಮಾರ್ಷ್ರನ್ನು ತನ್ನ ತಂಡದ ನಾಯಕರನ್ನಾಗಿ ನೇಮಿಸಿದ್ದಾರೆ. ನಟಿ ಸನ್ನಿ ಲಿಯೋನ್ ಮತ್ತು ರೂಪದರ್ಶಿ ಪ್ರಿನ್ ನರುಲಾ ಕೂಡ ಟೂರ್ನಿಯ ವಿವಿಧ ತಂಡಗಳಲ್ಲಿ ಹೂಡಿಕೆ ಮಾಡಿದ್ದಾರೆ. ಚಾಂಪಿಯನ್ಸ್ ಟ್ರೋಫಿಯ ವೇಳೆ ಚಾಹಲ್ ಜತೆಗೆ ಪ್ರೇಕ್ಷಕರ ಗ್ಯಾಲರಿಯಲ್ಲಿ ಕಾಣಿಸಿಕೊಂಡು ಸುದ್ದಿಯಾಗಿದ್ದ ಮಹ್ವಾಶ್, ನಂತರ ಐಪಿಎಲ್ ಸಮಯದಲ್ಲೂ ಚಾಹಲ್ ಆಡುತ್ತಿದ್ದ ಪಂಜಾಬ್ ಕಿಂಗ್ಸ್ ತಂಡದ ಪಂದ್ಯಗಳಿಗೆ ಹಾಜರಾಗಿ ಗಮನಸೆಳೆದಿದ್ದರು. ಇದರಿಂದ ಚಾಹಲ್&ಮಹ್ವಾಶ್ ನಡುವಿನ ಡೇಟಿಂಗ್ ವರದಿಗಳು ಹರಡಿದ್ದವು.