ವಿಶಾಖಪಟ್ಟಣ: ಪ್ರವಾಸಿ ಇಂಗ್ಲೆಂಡ್ ವಿರುದ್ಧದ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಟೀಮ್ ಇಂಡಿಯಾ ಗೆಲುವಿನ ರೂವಾರಿ ಉಪನಾಯಕ , ವೇಗಿ ಜಸ್ಪ್ರೀತ್ ಬುಮ್ರಾಗೆ ಮೂರನೇ ಟೆಸ್ಟ್ ಪಂದ್ಯದಿಂದ ವಿಶ್ರಾಂತಿ ನೀಡಬಹುದು ಎನ್ನಲಾಗಿದೆ. ರಾಷ್ಟ್ರೀಯ ತಂಡದ ಆಯ್ಕೆಗಾರರು ಹಾಗೂ ತಂಡ ಮ್ಯಾನೇಜ್ಮೆಂಟ್ ಸಮಾಲೋಚಿಸಿ ಅಂತಿಮ ಎರಡು ಟೆಸ್ಟ್ಗಳಿಗೆ ಪುನಶ್ಚೇತನದೊಂದಿಗೆ ಬುಮ್ರಾ ವಾಪಸಾತಿ ಮಾಡಲು ರಾಜ್ಕೋಟ್ ಟೆಸ್ಟ್ನಿಂದ ಬ್ರೇಕ್ ನೀಡುವ ಸಾಧ್ಯತೆಗಳಿವೆ. ಕನ್ನಡಿಗ ಕೆಎಲ್ ರಾಹುಲ್ ಐದು ಟೆಸ್ಟ್ಗಳ ಸರಣಿಗೆ ಉಳಿದ ಪಂದ್ಯಗಳಿಗೆ ಮರಳುವ ನಿರೀೆಯಿದೆ. ೆ.15 ರಂದು ರಾಜ್ಕೋಟ್ನಲ್ಲಿ ಮೂರನೇ ಟೆಸ್ಟ್ ಆರಂಭವಾಗಲಿದೆ.
ಯಾರ್ಕರ್ ಸ್ಪೆಷಲಿಸ್ಟ್ ಜಸ್ಪ್ರೀತ್ ಬುಮ್ರಾಗೆ ಬ್ರೇಕ್ ನೀಡಿದರೆ ಬದಲಿ ಆಟಗಾರನಾಗಿ ಎರಡನೇ ಟೆಸ್ಟ್ಗೆ ಇದೇ ರೀತಿಯ ಬ್ರೇಕ್ ಪಡೆದಿದ್ದ ಮೊಹಮದ್ ಸಿರಾಜ್ ಅವರನ್ನು ತಂಡಕ್ಕೆ ವಾಪಸ್ ಕರೆಸಿಕೊಳ್ಳುವ ನಿರೀೆಯಿದೆ. ಬಳಿಕ ಸರಣಿಯ ಅಂತಿಮ ಎರಡು ಟೆಸ್ಟ್ಗಳಿಗೆ ಸಿರಾಜ್ ಜತೆಗೂಡಿ ಬುಮ್ರಾ ಬೌಲಿಂಗ್ ವಿಭಾಗವನ್ನು ಮುನ್ನಡೆಸಲಿದ್ದಾರೆ. ಮೊದಲೆರಡು ಟೆಸ್ಟ್ ಪಂದ್ಯಗಳಲ್ಲಿ ಅತಿಹೆಚ್ಚು ವಿಕೆಟ್ ಪಡೆದವರ ಪಟ್ಟಿಯಲ್ಲಿ ಜಸ್ಪ್ರೀತ್ ಬುಮ್ರಾ ಅಗ್ರಸ್ಥಾನದಲ್ಲಿದ್ದು, ಎರಡು ಪಂದ್ಯಗಳಿಂದ ಒಟ್ಟು 58 ಓವರ್ ಬೌಲಿಂಗ್ ನಡೆಸಿದರು. ಇನ್ನೊರ್ವ ವೇಗಿ ಮೊಹಮದ್ ಶಮಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಪುನರಾಗಮನಕ್ಕೆ ಸಂಪೂರ್ಣ ಫಿಟ್ ಆಗಿಲ್ಲ.
ಪಾದದ ಚಿಕಿತ್ಸೆಗಾಗಿ ಲಂಡನ್ಗೆ ತೆರಳಿದ್ದು, ಶಮಿ ಅವರ ಚೇತರಿಕೆಯ ಅವಧಿಯು ದೀರ್ವಾಗಿರಲಿದೆ ಎನ್ನಲಾಗಿದೆ. ಆದ್ದರಿಂದ ಶಮಿ ಗೈರಿನಲ್ಲಿ ಬುಮ್ರಾ ಹಾಗೂ ಸಿರಾಜ್ ಅವರ ಕಾರ್ಯದೊತ್ತಡವನ್ನು ನಿರ್ವಹಿಸುವುದು ತಂಡಸ ಮ್ಯಾನೇಜ್ಮೆಂಟ್ಗೆ ಸವಾಲೆನಿಸಿದೆ.
ಜಡೇಜಾ ಫಿಟ್ ಆಗಿಲ್ಲ: ಹೈದರಬಾದ್ ಟೆಸ್ಟ್ನಲ್ಲಿ ಸ್ನಾಯು ಸೆಳೆತಕ್ಕೆ ಒಳಗಾಗಿದ್ದ ಆಲ್ರೌಂಡರ್ ರವೀಂದ್ರ ಜಡೇಜಾ, ತವರು ನೆಲ ರಾಜ್ಕೋಟ್ನಲ್ಲಿ ನಡೆಯಲಿರುವ ಪಂದ್ಯಕ್ಕೆ ಸಂಪೂರ್ಣವಾಗಿ ಫಿಟ್ ಆಗುವ ಸಾಧ್ಯತೆ ಕಡಿಮೆ. ಆದ್ದರಿಂದ ಮೂರನೇ ಪಂದ್ಯದಿಂದ ಹೊರಗುಳಿಯುವ ಸಾಧ್ಯತೆಗಳಿವೆ. ಜಡೇಜಾ ಸರಣಿಯಿಂದ ಹೊರಬಿದ್ದರು ಅಚ್ಚರಿಯಿಲ್ಲ ಎನ್ನಲಾಗಿದೆ.
ಅನಿಶ್ಚಿತತೆಯಲ್ಲಿ ಕೊಹ್ಲಿ ಆಗಮನ ? ವೈಯಕ್ತಿಕ ಕಾರಣ ನೀಡಿ ಮೊದಲೆರಡು ಪಂದ್ಯಗಳಿಂದ ಹೊರಗುಳಿದಿರುವ ಸ್ಟಾರ್ ಬ್ಯಾಟರ್ ವಿರಾಟ್ ಕೊಹ್ಲಿ ಇಂಗ್ಲೆಂಡ್ ವಿರುದ್ಧದ ಸರಣಿಯ 3ನೇ ಟೆಸ್ಟ್ ಪಂದ್ಯಕ್ಕೂ ಅಲಭ್ಯರಾಗುವ ಸಾಧ್ಯತೆಗಳಿವೆ. ಕೊಹ್ಲಿ ಗೈರಿನ ಕಾರಣದ ಗೌಪ್ಯತೆ ಮುಂದುವರಿದಿರುವ ನಡುವೆ ಅವರು ಸದ್ಯ ದೇಶದಿಂದ ಹೊರಗಿದ್ದಾರೆ ಎನ್ನಲಾಗುತ್ತಿದ್ದು, ಕೊಹ್ಲಿ ಎರಡನೇ ಮಗುವಿನ ನಿರೀೆಯಲ್ಲಿದ್ದಾರೆ ಎಂಬ ಎಬಿ ಡಿವಿಲಿಯರ್ಸ್ ಹೇಳಿಕೆ ಸರಣಿಯ ಉಳಿದ ಪಂದ್ಯಗಳಲ್ಲಿ ಕೊಹ್ಲಿ ಕಣಕ್ಕಿಳಿಯುವ ಬಗ್ಗೆ ಮತ್ತಷ್ಟು ಗೊಂದಲ ಮೂಡಿಸಿದ್ದಾರೆ. ತಂಡದ ಮ್ಯಾನೇಜ್ಮೆಂಟ್ ಕೊಹ್ಲಿಯೊಂದಿಗೆ ಸಂಪರ್ಕದಲ್ಲಿದ್ದು, ಸರಣಿಯ ಉಳಿದ ಪಂದ್ಯಗಳಿಗೆ ಅವರ ಲಭ್ಯತೆಯ ಬಗ್ಗೆ ಖಚಿತಪಡಿಸಿಕೊಳ್ಳಲಿದೆ ಎಂದು ಕೋಚ್ ರಾಹುಲ್ ದ್ರಾವಿಡ್ ತಿಳಿಸಿದ್ದಾರೆ.