ಲಾಹೋರ್: ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಬಣ್ಣದ ಸಮವಸ್ತ್ರ ಆರಂಭಗೊಂಡ ಬಳಿಕ ಪಾಕಿಸ್ತಾನ ತಂಡ ಬರೀ ಹಸಿರು ಜೆರ್ಸಿಯಲ್ಲೇ ಆಡುತ್ತ ಬಂದಿದೆ. ಇದೀಗ ಪಾಕಿಸ್ತಾನ ತಂಡ ಮೊದಲ ಬಾರಿಗೆ ತನ್ನ ಜೆರ್ಸಿ ಬಣ್ಣ ಬದಲಾಯಿಸಲು ಮುಂದಾಗಿದೆ!
ಹಾಲಿ ತ್ರಿಕೋನ ಏಕದಿನ ಸರಣಿಯಲ್ಲಿ ಪಾಕಿಸ್ತಾನ ತಂಡ ಅಕ್ಟೋಬರ್ 25ರಂದು ಇಂಗ್ಲೆಂಡ್ ವಿರುದ್ಧ ಲಾಹೋರ್ನಲ್ಲಿ ಆಡಲಾಗುವ ಅಹರ್ನಿಶಿ ಪಂದ್ಯದಲ್ಲಿ ಪಾಕ್ ತಂಡ ನಸುಗೆಂಪು ಬಣ್ಣದ ಜೆರ್ಸಿಯಲ್ಲಿ ಕಣಕ್ಕಿಳಿಯಲಿದೆ. ಸ್ತನ ಕ್ಯಾನ್ಸರ್ ಜಾಗೃತಿಗಾಗಿ ಪಾಕಿಸ್ತಾನ ಕ್ರಿಕೆಟ್ ಮಂಡಳಿ (ಪಿಸಿಬಿ) ಈ ವಿಶೇಷ ಕ್ರಮವನ್ನು ತೆಗೆದುಕೊಂಡಿದೆ.
ಜಾಗತಿಕವಾಗಿ ಅಕ್ಟೋಬರ್ ತಿಂಗಳನ್ನು ಸ್ತನ ಕ್ಯಾನ್ಸರ್ ಜಾಗೃತಿ ಮೂಡಿಸಲಾಗುತ್ತದೆ. ಹೀಗಾಗಿ ಪಂದ್ಯದ ವೇಳೆ ಪಾಕ್ ತಂಡ ಪಿಂಕ್ ಜೆರ್ಸಿ ಧರಿಸುವುದು ಮಾತ್ರವಲ್ಲದೆ, ಗದ್ದಾಫಿ ಸ್ಟೇಡಿಯಂ ಕೂಡ ಬಹುತೇಕ ಇದೇ ಬಣ್ಣದಿಂದ ಕಂಗೊಳಿಸಲಿದೆ. ಪಂದ್ಯಕ್ಕೆ ಬಳಸಲಾಗುವ ವಿಕೆಟ್ ಕೂಡ ಪಿಂಕ್ ಬಣ್ಣದ್ದಾಗಿರಲಿದೆ ಎಂದು ಪಿಸಿಬಿ ತಿಳಿಸಿದೆ.