ಟೋಕಿಯೋ : ಒಲಿಂಪಿಕ್ಸ್ನಲ್ಲಿ ಎರಡನೇ ಪದಕದ ಆಕಾಂಕ್ಷೆ ಹೊಂದಿದ್ದ ಭಾರತದ ಚ್ಯಾಂಪಿಯನ್ ಬಾಕ್ಸರ್ ಮೇರಿ ಕೋಂ ಅವರು ಇಂದು ಫ್ಲೈವೇಯ್ಟ್ ವಿಭಾಗದ ರೌಂಡ್ ಆಫ್ 16 ಸ್ಪರ್ಧೆಯಿಂದ ಹೊರಬಿದ್ದಿದ್ದಾರೆ. ಆರು ಬಾರಿ ವರ್ಲ್ಡ್ ಚ್ಯಾಂಪಿಯನ್ ಆಗಿರುವ 38 ವರ್ಷದ ಮೇರಿ ಕೋಂ, ಕೊಲಂಬಿಯಾದ 32 ವರ್ಷದ ಬಾಕ್ಸರ್ ಇನ್ಗ್ರಿಟ್ ವಾಲೆಂಷಿಯ ಎದುರು 2-3 ಅಂಕಗಳೊಂದಿಗೆ ಪರಾಜಯ ಅನುಭವಿಸಿದರು.
2012 ರ ಲಂಡನ್ ಒಲಿಂಪಿಕ್ಸ್ನಲ್ಲಿ ಭಾರತಕ್ಕೆ ಕಂಚಿನ ಪದಕ ಗೆದ್ದಿದ್ದ ಮೇರಿ ಕೋಂ ಅವರು ಈ ಬಾರಿ ಚಿನ್ನದ ಪದಕವೇ ತಮ್ಮ ಗುರಿ ಎಂದು ಹೇಳಿದ್ದರು. ಭಾರೀ ಸೆಣಸಾಟದ ನಂತರ ಮೇರಿ ಕೋಂ ಅವರನ್ನು ಸೋಲಿಸಿದ ಇನ್ಗ್ರಿಟ್, 2018ರ ರಿಯೋ ಒಲಿಂಪಿಕ್ಸ್ನಲ್ಲಿ ಕಂಚಿನ ಪದಕ ಗೆದ್ದಿದ್ದರು ಎನ್ನಲಾಗಿದೆ. (ಏಜೆನ್ಸೀಸ್)