ಗಯಾನಾ: ಇಲ್ಲಿನ ಪ್ರಾವಿಡೆನ್ಸ್ ಕ್ರೀಡಾಂಗಣದಲ್ಲಿ ನಡೆದ ಟಿ-20 ವಿಶ್ವಕಪ್ನ 14ನೇ ಪಂದ್ಯದಲ್ಲಿ ನ್ಯೂಜಿಲೆಂಡ್ ಎದುರು ಅಫ್ಘಾನಿಸ್ತಾನ ತಂಡವು ಅಲ್ರೌಂಡ್ ಪ್ರದರ್ಶನದ ಫಲವಾಗಿ ಭರ್ಜರಿ ಜಯ ಸಾಧಿಸಿದೆ.
ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಅಫ್ಘಾನಿಸ್ತಾನ ತಂಡವು ಆರಂಭಿಕ ರಹಮಾನುಲ್ಲಾ ಗುರ್ಬಾಜ್ (80 ರನ್, 56 ಎಸೆತ, 5 ಬೌಂಡರಿ, 5 ಸಿಕ್ಸರ್), ಇಬ್ರಾಹಿಂ ಜರ್ದಾನ್ (44 ರನ್, 41 ಎಸೆತ, 3 ಬೌಂಡರಿ, 2 ಸಿಕ್ಸರ್) ಬಿರುಸಿನ ಬ್ಯಾಟಿಂಗ್ ಫಲವಾಗಿ 20 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 159 ರನ್ಗಳಿಸಿತ್ತು. ನ್ಯೂಜಿಲೆಂಡ್ ಪರ ಟ್ರೆಂಟ್ ಬೌಲ್ಟ್ (4-0-22-2), ಮ್ಯಾಟ್ ಹೆನ್ರಿ (4-0-37-2), ಲಾಕಿ ಫರ್ಗ್ಯೂಸನ್ (4-0-28-1), ಮಿಚೆಲ್ ಸ್ಯಾಂಟ್ನರ್ (4-0-24-0), ಮೈಕೆಲ್ ಬ್ರೇಸ್ವೆಲ್ (3-0-27-0), ಡೆರಿಲ್ ಮಿಚೆಲ್ (1-0-16-0) ರನ್ ನೀಡಿ ವಿಕೆಟ್ ಪಡೆದಿದ್ದಾರೆ.
160 ರನ್ಗಳ ಗುರಿ ಬೆನ್ನತ್ತಿದ್ದ ನ್ಯೂಜಿಲೆಂಡ್ ತಂಡವನ್ನು ಇನ್ನಿಲ್ಲದಂತೆ ಕಾಡಿದ ಅಫ್ಘಾನಿಸ್ಥಾನ ಬೌಲರ್ಗಳು ಎದುರಾಳಿ ತಂಡವನ್ನು 75 ರನ್ಗಳಿಗೆ ಆಲೌಟ್ ಮಾಡುವ ಮೂಲಕ 84 ರನ್ಗಳ ಭರ್ಜರಿ ಜಯ ಕಂಡಿದ್ದಾರೆ. ನಾಯಕ ಕೇನ್ ವಿಲಿಯಮ್ಸನ್ (9), ಡೆವೊನ್ ಕಾನ್ವೇ (8), ಫಿನ್ ಅಲೆನ್ (0), ಡೆರಿಲ್ ಮಿಚೆಲ್ (5), ಗ್ಲೆನ್ ಫಿಲಿಪ್ಸ್ (18) ಹಾಗೂ ಮಾರ್ಕ್ ಚಾಪ್ಮ್ಯಾನ್ (4) ಬ್ಯಾಟಿಂಗ್ ವೈಫಲ್ಯ ಅನುಭವಿಸಿದರು.
ಅಫ್ಘಾನಿಸ್ತಾನ ಪರ ಫಜಲ್ಹಕ್ ಫಾರೂಖಿ (3.2-0-17-4), ನಾಯಕ ರಶೀದ್ ಖಾನ್ (4-0-17-4), ಮೊಹಮ್ಮದ್ ನಬಿ (4-0-16-2), ನವೀನ್ ಉಲ್ ಹಕ್ (3-0-10-0), ನೂರ್ ಅಹಮದ್ (1-0-10-0) ರನ್ ನೀಡಿ ವಿಕೆಟ್ ಪಡೆಯುವ ಮೂಲಕ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಾರೆ.