ಕಾಠ್ಮಂಡು: ನೇಪಾಳ ಮತ್ತು ಓಮನ್ ತಂಡಗಳು 2024ರಲ್ಲಿ ವೆಸ್ಟ್ ಇಂಡೀಸ್ ಮತ್ತು ಅಮೆರಿಕದ ಜಂಟಿ ಆಶ್ರಯದಲ್ಲಿ ನಡೆಯಲಿರುವ ಟಿ20 ವಿಶ್ವಕಪ್ ಟೂರ್ನಿಗೆ ಅರ್ಹತೆ ಸಂಪಾದಿಸಿದೆ. ನೇಪಾಳದ ಕಾಠ್ಮಂಡುನದಲ್ಲಿ ನಡೆಯುತ್ತಿರುವ ಏಷ್ಯಾ ಅರ್ಹತಾ ಟೂರ್ನಿಯಲ್ಲಿ ಫೈನಲ್ ಪ್ರವೇಶಿಸುವ ಮೂಲಕ ಇವೆರಡು ತಂಡಗಳು ಈ ಸಾಧನೆ ಮಾಡಿವೆ.
ಸೆಮಿಫೈನಲ್ ಪಂದ್ಯದಲ್ಲಿ ಆತಿಥೇಯ ನೇಪಾಳ ತಂಡ ಯುಎಇಗೆ ಸೋಲುಣಿಸಿದರೆ, ಓಮನ್ ತಂಡ ಬಹರೇನ್ ಎದುರು ಜಯಿಸಿತು. 2024ರ ವಿಶ್ವಕಪ್ನಲ್ಲಿ ಒಟ್ಟು 20 ತಂಡಗಳು ಆಡಲಿದ್ದು, ಇದುವರೆಗೆ 18 ತಂಡಗಳು ಅರ್ಹತೆ ಸಂಪಾದಿಸಿವೆ.
ಇದರಲ್ಲಿ 2 ಆತಿಥೇಯ ದೇಶಗಳ ಜತೆಗೆ ಭಾರತ, ಆಸ್ಟ್ರೆಲಿಯಾ, ಇಂಗ್ಲೆಂಡ್, ನ್ಯೂಜಿಲೆಂಡ್, ಪಾಕಿಸ್ತಾನ, ದಕ್ಷಿಣ ಆಫ್ರಿಕಾ, ಶ್ರೀಲಂಕಾ, ನೆದರ್ಲೆಂಡ್, ಅಫ್ಘಾನಿಸ್ತಾನ, ಬಾಂಗ್ಲಾದೇಶ, ಐರ್ಲೆಂಡ್, ಸ್ಕಾಟ್ಲೆಂಡ್, ಪಪುವಾ ನ್ಯೂಗಿನಿ, ಕೆನಡ ತಂಡಗಳು ಸೇರಿವೆ.