ರಾವಲ್ಪಿಂಡಿ: ಇತ್ತೀಚೆಗಷ್ಟೇ ಎರಡು ಪಂದ್ಯಗಳ ಮೊದಲ ಟೆಸ್ಟ್ ಸರಣಿಯಲ್ಲಿ ಬಾಂಗ್ಲಾದೇಶ ವಿರುದ್ಧ 10 ವಿಕೆಟ್ಗಳ ಅಂತರದಿಂದ ಹೀನಾಯವಾಗಿ ಸೋತ ಪಾಕಿಸ್ತಾನ, ತಮ್ಮನ್ನು ನಿರಂತರವಾಗಿ ಬೆಂಬಲಿಸಿಕೊಂಡು ಬಂದ ಕ್ರಿಕೆಟ್ ಅಭಿಮಾನಿಗಳಿಗೆ ಭಾರೀ ನಿರಾಸೆ ಮೂಡಿಸಿತು. ಪಾಕ್ ವಿರುದ್ಧ ಚೊಚ್ಚಲ ಟೆಸ್ಟ್ ಪಂದ್ಯ ಗೆದ್ದ ಬಾಂಗ್ಲಾ, ಈ ಹಿಂದೆ ನಡೆದ 13 ಮ್ಯಾಚ್ಗಳ ಪೈಕಿ 12 ಬಾರಿ ಸೋಲುಂಡಿದ್ದರೆ, ಒಂದರಲ್ಲಿ ಡ್ರಾ ಕಂಡಿತ್ತು. ಆದ್ರೆ, ಇದೇ ಮೊದಲ ಬಾರಿಗೆ ಪಾಕಿಸ್ತಾನ ತಂಡಕ್ಕೆ ಬೆವರಿಳಿಸಿದ್ದು, ಐತಿಹಾಸಿಕ ಗೆಲುವು ದಾಖಲಿಸುವ ಮುಖೇನ ವಿಜಯ ಪತಾಕೆ ಹಾರಿಸಿತು. ಸದ್ಯ ಪಾಕ್ ತಂಡದ ಕಳಪೆ ಪ್ರದರ್ಶನವನ್ನು ಪ್ರಶ್ನಿಸಿದ ಇಂಗ್ಲೆಂಡ್ನ ಮಾಜಿ ಕ್ರಿಕೆಟಿಗ ಕೆವಿನ್ ಪೀಟರ್ಸನ್, ಇಂತಹ ಹೀನಾಯ ಸೋಲಿಗೆ ಕಾರಣವೇನು ಎಂದಿದ್ದಾರೆ.
ಪಾಕಿಸ್ತಾನ ಕ್ರಿಕೆಟ್ಗೆ ಏನಾಗಿದೆ? ನಾನು ಪಿಎಸ್ಎಲ್ ಲೀಗ್ನಲ್ಲಿ ಆಡಿದ್ದ ವೇಳೆ ಪಾಕ್ ಆಟಗಾರರ ಅತ್ಯುತ್ತಮ ಪ್ರದರ್ಶನ ನೋಡಿದ್ದೀನಿ. ಯಂಗ್ಸ್ಟರ್ಸ್ಗಳು ಮಾಡುತ್ತಿದ್ದ ಕಮಾಲ್, ಸ್ಟಾರ್ ಕ್ರಿಕೆಟಿಗರು ಕೊಡುತ್ತಿದ್ದ ಅದ್ಭುತ ಇನ್ನಿಂಗ್ಸ್ ಈಗ ಎಲ್ಲಿ ಹೋಯ್ತು? ಎಂದು ಕೆವಿನ್ ಒಂದಷ್ಟು ಪ್ರಶ್ನೆಗಳನ್ನು ಮುಂದಿಟ್ಟಿದ್ದಾರೆ. ಆದ್ರೆ, ಪೀಟರ್ಸನ್ ಕೇಳಿದ ಯಾವ ಪ್ರಶ್ನೆಗಳಿಗೂ ಪಾಕ್ ಆಟಗಾರರಿಂದ ಉತ್ತರ ಲಭಿಸಿಲ್ಲ. ಇನ್ನು ಈ ಮಧ್ಯೆ ಇವರ ಕಳಪೆ ಆಟದಿಂದ ಪಾಕಿಸ್ತಾನ ಕ್ರಿಕೆಟ್ ಹೆಸರು ಹಾಳಾಯಿತು ಎಂದು ಮಾಜಿ ಕ್ರಿಕೆಟಿಗ ರಮೀಜ್ ರಾಜಾ ಕೊಟ್ಟ ಹೇಳಿಕೆ ಇದೀಗ ತೀವ್ರ ಟೀಕೆಗೆ ಗುರಿಯಾಗಿದೆ.
"ಪಾಕಿಸ್ತಾನ ವೇಗಿಗಳಿಗೆ ಹೋಲಿಸಿದರೆ ಬಾಂಗ್ಲಾ ಬೌಲರ್ಗಳು ಉತ್ತಮ. ನಮ್ಮ ದೇಶಕ್ಕಿದ್ದ ಕೀರ್ತಿ, ಹೆಸರನ್ನು ಇದೊಂದು ಪಂದ್ಯದಿಂದ ಸಂಪೂರ್ಣವಾಗಿ ಹಾಳು ಮಾಡಿದ್ದಾರೆ ಇವರು. ಪಾಕ್ ಬೌಲರ್ಗಳ ಅವನತಿ ಪ್ರಾರಂಭವಾಗಿದ್ದೇ ಟೀಮ್ ಇಂಡಿಯಾ ಬ್ಯಾಟರ್ಗಳಿಂದ. 2023ರ ಏಷ್ಯಾ ಕಪ್ನಲ್ಲಿ ನಮ್ಮ ವೇಗಿಗಳು ಭಾರತೀಯ ಬ್ಯಾಟ್ಸ್ಮನ್ಗಳ ವಿಕೆಟ್ ಪಡೆಯುವುದಕ್ಕಿಂತಲೂ ರನ್ಗಳು ಕೊಟ್ಟಿದ್ದೇ" ಇಂದು ಇಂತಹ ಕಳಪೆ ಪ್ರದರ್ಶನಕ್ಕೆ ಕಾರಣವಾಗಿದೆ ಎಂದಿದ್ದಾರೆ,(ಏಜೆನ್ಸೀಸ್).