ಬೆಂಗಳೂರು: ಕರ್ನಾಟಕದ ವಿದಿತ್ ಎಸ್. ಶಂಕರ್ ಒಡಿಶಾದ ಭುವನೇಶ್ವರದಲ್ಲಿ ನಡೆಯುತ್ತಿರುವ 39ನೇ ಸಬ್ ಜೂನಿಯರ್ ಮತ್ತು 49ನೇ ಜೂನಿಯರ್ ರಾಷ್ಟ್ರೀಯ ಈಜು ಚಾಂಪಿಯನ್ಷಿಪ್ನ 100 ಮೀ. ಬ್ರೆಸ್ಟ್ಸ್ಟ್ರೊಕ್ (ಗ್ರೂಪ್1) ವಿಭಾಗದಲ್ಲಿ ತನ್ನದೇ ರಾಷ್ಟ್ರೀಯ ದಾಖಲೆ ಮುರಿದಿದ್ದಾರೆ. 1 ನಿಮಿಷ, 4.26ಸೆಕೆಂಡ್ಗಳಲ್ಲಿ ಸ್ಪರ್ಧೆ ಮುಗಿಸಿದ ಅವರು ತನ್ನ ಹಿಂದಿನ (1 ನಿಮಿಷ, 5.04ಸೆ) ದಾಖಲೆ ಸುಧಾರಿಸಿದರು. ಕೂಟದ 4ನೇ ದಿನವಾದ ಶನಿವಾರ ಕರ್ನಾಟಕ ಮತ್ತೆ 4 ಚಿನ್ನ, 5 ಬೆಳ್ಳಿ ಮತ್ತು 4 ಕಂಚಿನ ಪದಕ ಬಾಚಿಕೊಂಡಿತು.
ಬಾಲಕರ 50 ಮೀ. ಫ್ರೀಸ್ಟೆ$ಲ್ (ಗ್ರೂಪ್2) ವಿಭಾಗದಲ್ಲಿ ರಾಜ್ಯದ ಇಶಾನ್ ಮೆಹ್ರಾ 24.68 ಸೆಕೆಂಡ್ಗಳಲ್ಲಿ ಈಜಿ ತನ್ನದೇ ರಾಷ್ಟ್ರೀಯ ದಾಖಲೆ ಸುಧಾರಿಸಿದರು. 24.71 ಸೆಕೆಂಡ್ಗಳಲ್ಲಿ ಈಜಿದ್ದು ಅವರ ಹಿಂದಿನ ದಾಖಲೆಯಾಗಿತ್ತು.
ಬಾಲಕಿಯರ 200 ಮೀ. ಬಟರ್ಫ್ಲೈ (ಗ್ರೂಪ್2) ವಿಭಾಗದಲ್ಲಿ ರಾಜ್ಯದ ತನಿಷಿ ಗುಪ್ತಾ (2 ನಿ, 21.45ಸೆ) ಮತ್ತು ಧಿನಿಧಿ ದೇಸಿಂಘು (2ನಿ, 22.18ಸೆ) 2019ರಲ್ಲಿ ಅಪೇಾ ಫೆರ್ನಾಂಡಿಸ್ (2ನಿ, 23.67ಸೆ) ನಿರ್ಮಿಸಿದ್ದ ರಾಷ್ಟ್ರೀಯ ದಾಖಲೆಗಿಂತ ವೇಗವಾಗಿ ಸ್ಪರ್ಧೆ ಮುಗಿಸಿದರು. ಈ ಪೈಕಿ ತನಿಷಿ ಚಿನ್ನ ಮತ್ತು ಧಿನಿಧಿ ಬೆಳ್ಳಿ ಗೆದ್ದರು. ಬಾಲಕರ 200 ಮೀ. ಬಟರ್ಫ್ಲೈ (ಗ್ರೂಪ್2) ವಿಭಾಗದಲ್ಲಿ ಅಕ್ಷಜ್ ಥಕುರಿಯಾ ರಾಜ್ಯಕ್ಕೆ ದಿನದ 4ನೇ ಚಿನ್ನ ಗೆದ್ದುಕೊಟ್ಟರು.
ಹಷಿಕಾ ರಾಮಚಂದ್ರ 200 ಮತ್ತು 400 ಮೀ. ಬಟರ್ಫ್ಲೈ (ಗ್ರೂಪ್1) ವಿಭಾಗದಲ್ಲಿ ಬೆಳ್ಳಿ ಗೆದ್ದರು. ದರ್ಶನ್ ಎಸ್ (200 ಮೀ. ಬಟರ್ಫ್ಲೈ, &ಗ್ರೂಪ್1), ನೈಷಾ (400 ಮೀ. ಫ್ರೀಸ್ಟೆ$ಲ್&ಗ್ರೂಪ್2) ಕೂಡ ಬೆಳ್ಳಿ ಜಯಿಸಿದರು. ಹರಿಕಾರ್ತಿಕ್ ವೇಲು (200 ಮೀ. ಬಟರ್ಫ್ಲೈ-ಗ್ರೂಪ್2), ವೇದಾಂತ್ ಆನಂದ್ (100 ಮೀ. ಬಟರ್ಫ್ಲೈ-ಗ್ರೂಪ್3), ಶಿರಿನ್ (400 ಮೀ. ಬಟರ್ಫ್ಲೈ-ಗ್ರೂಪ್1), ಮೀನಾ ಮೆನನ್ (400 ಮೀ. ಫ್ರೀಸ್ಟೆ$ಲ್&ಗ್ರೂಪ್2) ಕಂಚಿಗೆ ತೃಪ್ತಿಪಟ್ಟರು.